الياريس ولا النو اكسنت برجاء الفاده ساعدوني

[Sharky]

وانا في عز ما عربيتي الاكسنت متبهدله جرييت مع شاب لسه جايب اليارس جديده واتبهدل ملفات وغرز وكل حاجه وفي اخر الطريق وكان الاوتوستراد هديت وجه جنبي ووقفني وقعد يعيط من ثبات اليارس وباللفظ قالي الملفات بعد 100 بحس اني هتقلب وانا ملفات الاوتوستراد دي كلها 160 وكنت بشوفه في المرايا ورا بيهدي
واذا كانت الكرولا اضعف من الاكسنت في الثبات وعن مليون تجربه ومليوون طريق والعربيتين راكبهم وكرهت سواقتهم ان كانت كرولا ولا اكسنت ف استحاله تكون اليارس اثبت

دا عيب سواق يا باشا و ليس العربية
أنا بجيب بيها لحد 140 و بيبقى الثبات ممتاز و جيد لحد 160

[ahmad--ezzat]

على فكرة يا جماعة الهورس باور بتاع اليارس 92 حصان واظن 92 حصان بالنسبة ل 1300 سى سى تكنولوجيا عالية جدا وكفاية انك راكب تويوتا....(الكورى لما بيقدم بيفتح بؤو فتحة وحشة اوى)

[abou_ruqi]

يا جماعة انتوا لو حتحسبوها كده هورس باور وتكييف يبقي الصيني ابرك من الاتنين بالنسبة لسعره
الموضوع مش موضوع شد وسحب وغرز (اللي بيكتب الكلام ده عنده كام سنة؟؟)

الموضوع موضوع durability عاوز تقارن صح بين صناعة التويوتا وصناعة هيونداي احنا النهاردة في 2008 بص علي اي عربية هيونداي موديل 1998 واي عربية تويوتا موديل 1998
شوف الحالة جوة وبرة وداخل الكبوت وشوف قبول السوق للعربيتين واسمع عفشة الاتنين واحده لسة نعمة زي الحرير ووحده تخبيط ورزع وكركبة في العفشة

طبعا حتكتشف بمنتهي العدل مين رمي فلوسه ومين استثمر وكسب في عربيته

ولك الاختيار

[Hosam_Optrawy]

وسع الصالون تقريبا زى بعض
قوة السحب وقوة التكييف الأكسنت
الارتفاع تقريبا زى بعض
استهلاك البنزين الياريس
بس عامة انا بختار الياريس

[abou_ruqi]

بيتهيالي المقارنة آصلا فيها ظلم للتويوتا وبتبخسها حقها تويوتا متستحقش مننا كده

[hazem_khidr]

ياريس رغم كل حاجه
انا ركبت الاتنين و كنت بقارن بينهم هما الاتنين و انا بشتري
بس الياريس كسبت
افضل في كل شئ.
مش عارف لو كان فيه ريو اياميها كنت جبتها و لا لاء؟؟!!!!!!

[khaledsl]

اعتقد بعد كل ما اثير في هذه المقارنه الياريس تكسب واشكركم دي كلمه بسيطه للمساعده الجاده والمحترمه الفعاله واختياري للياريس الاتومتيك الفولابشن وجزاكم الله عني خير فاضل العضو الجميل حزومه باشا جبت عربيتك منين وبكام وبستلم معاها ايه والترخيص وخلافه بيكون ازاي وامتي حيث اني ليس عندي خبره سابقه واشكركم جميعا

[MOHAMED ABD EL SHAFY]

فعلا كلمة اخيرة قبل اغلاق الموضوع التويوتا تويوتا والهونداى هونداى مينفعش تقارن بين اليابانى والكورى لانة ببساطة اليبانى يكسب لطول عمرة

[hazem_khidr]

اعتقد بعد كل ما اثير في هذه المقارنه الياريس تكسب واشكركم دي كلمه بسيطه للمساعده الجاده والمحترمه الفعاله واختياري للياريس الاتومتيك الفولابشن وجزاكم الله عني خير فاضل العضو الجميل حزومه باشا جبت عربيتك منين وبكام وبستلم معاها ايه والترخيص وخلافه بيكون ازاي وامتي حيث اني ليس عندي خبره سابقه واشكركم جميعا

خالد باشا لا شكر علي واجب
انا جبت العربيه من موزع معتمد لتويوتا في عباس العقاد
و دا رقم تليفون الاستاذ خالد مدير المعرض 0106347989
اتصل بيه و قوله انا من طرف حازم خضر بتاع المحله اللي واخد الياريس الفيراني
و هو حيعمل الواجب و لو حيعرف ينزل في تمن العربيه حينزلك
(في 3 من الزملاء راحوا جابوا عربيات من عنده و عملهم تخفيض)
و بتستلم مع العربيه استبن و كوريك و شنطه عده صغيره و طفايه و ولاعه .
ما تقلقش يعني الاستاذ خالد بيسلم العربيه كامله مش ناقصها حاجه و مش ماشيه كيلوات كتير يدوب هما 30 او 40 كيلو نقلها من المخزن للمعرض.
و اي حاجه انا تحخت امرك و دا تليفوني 0122949398

[firstknight216]

اولا في بعض المقارنات اللي ممكن تحطها في حسبان حضرتك
1- معدل استهلاك الوقود ح يعوض فرق السعر مع النيو أكسنت
2- عوامل الأمان في السيارة ياريس مش موجود منها اي حاجة في النيو اكسنت
السيارة مجهزة AIR BAGS - ABS -EBD
3- البعض مش عاجبة شكل الياريس مع ان السيارة ديه تقريبا بدأت تغزو أوربا وبغض النظر عن كده في علم هندسي اسمه aerodynamic
ده شركة تويوتا تفننت في عمله مع السيارة الياريس انسيابيه السيارة غير طبيعية
4- بعض الوكلاء مثل شركة غبور بتطلب من الشركة المصنعة الغاء بعض الأضافات للمنافسة في السوق يعني تخيل لو في عوامل امان فقط في السيارة النيو اكسنت مضافة كان يكون الفرق في السعر كام ولاصالح مين

[mohamed ibiza]

ياريس بالتأكيد

[ASHRAFL2]

من الأخر ياريس عن تجربه

[Ahmed Anwer]

اولا في بعض المقارنات اللي ممكن تحطها في حسبان حضرتك
1- معدل استهلاك الوقود ح يعوض فرق السعر مع النيو أكسنت
2- عوامل الأمان في السيارة ياريس مش موجود منها اي حاجة في النيو اكسنت
السيارة مجهزة AIR BAGS - ABS -EBD
3- البعض مش عاجبة شكل الياريس مع ان السيارة ديه تقريبا بدأت تغزو أوربا وبغض النظر عن كده في علم هندسي اسمه aerodynamic
ده شركة تويوتا تفننت في عمله مع السيارة الياريس انسيابيه السيارة غير طبيعية
4- بعض الوكلاء مثل شركة غبور بتطلب من الشركة المصنعة الغاء بعض الأضافات للمنافسة في السوق يعني تخيل لو في عوامل امان فقط في السيارة النيو اكسنت مضافة كان يكون الفرق في السعر كام ولاصالح مين

انا متفق معاك في كل النقاط ،،

بس ايه الأيروديناميك اللي في تصميم الياريس !!!!!

اذا كان مشكلتها في الثبات و صوت ارتطام الهواء باكصطداماتها العريضة

حسب كلام ملاكها

القبح و الجمال طبعا شئ نسبي

بس معظم المواقع متفقه ان تصميمها قبيح

http://www.autoblog.com/2008/08/08/still-ugly-toyota-gives-yaris-the-emperors-new-colors/

شوف اوتو بلوج معرفينها Still ugly

[ahmedmohelsayed]

بص ياباشا:
الاكسنت تقفيل كوري نضيف للغايه ومن احسن العربيات الكوري بعد الالنترا اختها الكبيره
السعر 81000 الف كامله مانيوال بدون وسائد هوائيه
الياريس ياباني تقفيل احسن من الكوري واسم شركه تيوتا اكبر بكتييييييييييييييييييييييييييييير من هيونداي
السعر 87000 باور كهرباء ومرايات كهرباء وكاسيت تيوتا و تكييف وسائد هوائيه

احتيجاتك في العربيه
1- سعر
2-رفاهيه كماليات و قياده
3-سعر قطع غيار (رفارف اكصدامات......)
4-ثبات في السرعات العاليه
يبفي اكيد النيو اكسنت

احتياجاتك
1- رفاهيه قياده فقط
2-توكيل محترم
3-وسع العربيه والشنطه
4-موتور معمر جدا مهما كان الاستخدام
5-اسم تيوتا
6-استهلاك بنزين
7- متعقد من غبور
8-بتحب انك تقول راكب يباني
يبقي اكيد ياريس

اوجه التشابه
1-سرعه التجميع
2-قوه الفرامل
3-الصاج وعوامل امان
4-الكفاءه في المناوره
5-انتشار واعاده البيع



انا ركبت الاتنين كتير

وربنا يوفقك ف الاختيار

اسمح لي الاضافة الى مقارنتك الرائعة

الاكسنت
1600 سي سي
112 حصان
العزم 154/4500
الياريس
1300 سي سي
92 حصان
العزم 130/4000

[zkralla]

يارس من غير ولا كلمه