أرجوكم أفيدوني جوليت 2 ولا بولو 2001 ؟

[AGom3a]

بسم الله الرحمن الرحيم

الحقيقه أنا محتار ما بين الجوليت 2 و اللي أنا ميال ليها أكثر لسهولة و رخص قطع الغيار و وسع الصالون و الموزه اللي واقفه دي




و لا بولو 2001 1400cc و ألماني و عفية و استهلكها في البنزين هايل و يعيبها قطع الغيار الغالية و اللي مش عارف هتبقى نادرة و هطلع عيني ولا أيه + صغر حجمها عن الجوليت


فيريت تفيدوني يا جماعة و تقولولي وجهة نظركوا و خصوصاً اني كل المبلغ اللي معايا في أول الأربعينات و عايز أركب عربية شبابيه جراية و عفية بصراحة و دي أول عربية ليا و خايف من قطع الغيار و الميكانكيا و كده و هل الفلوس اللي معايا دي تكفي بقى ولا أعمل أيه ؟؟

و الله بفكر أجيب عجله و أريح دماغي

يريت يا جماعه تساعدوني لأني تعبت من التفكير و اللي عنده أخبار عن البولو و أسعار قطع غيارها و هلاقيها بسهوله و لا هيطلع عيني معاها و مع الصنايعية ميبخلش عليا بعد أذنكم

و شاكر ليكم مقدماً و أنا قلت أطرلكم الموضوع شوية بكام جيبه كده لقتهم و أنا بدور على صور العربيات

[windofchange]

هو لو الحجم يفرق معاك هات سيات توليدو من 94 ل96 ومن 32 الف هي ل42 الف وتكييف وباور وموتور 1600 هالف انجكشن اللي نزل مصر لكن في ناس مسقطة 1.6 انجيكشن فيها عادي

[aw2100]

طالما اول عربية ليك انصحك بالاوروبى افضل عندك السكودا فليشيا او جولف او الأبيزا ودور على العربيات الكاربراتير بلاش الأنجكشن علشان غلو قطع الغيار ومش اى ميكانيكى بيشتغل فيها وطبعا الألمانى ثبات وقوة موتور وامان ومبروك مقدما!!!

[M I D O]

لو هتجيب الجوليت بالحتة الي جمبها توكل علي الله ودوس يا نجم وفي رايي عموما الجوليت شايفها شبابية و شكل احلي وقطع غيار رخيصة وافضل

[AGom3a]

هو لو الحجم يفرق معاك هات سيات توليدو من 94 ل96 ومن 32 الف هي ل42 الف وتكييف وباور وموتور 1600 هالف انجكشن اللي نزل مصر لكن في ناس مسقطة 1.6 انجيكشن فيها عادي

باشا أنا محتاج عربية هاتش باك ..... مبحبش انا السيدان ، عشان كده بحاول أقارن ما بين الأتنين دول
شاكر لرد سعادتك يا باشا

طالما اول عربية ليك انصحك بالاوروبى افضل عندك السكودا فليشيا او جولف او الأبيزا ودور على العربيات الكاربراتير بلاش الأنجكشن علشان غلو قطع الغيار ومش اى ميكانيكى بيشتغل فيها وطبعا الألمانى ثبات وقوة موتور وامان ومبروك مقدما!!!

هي صحيح أول عربية ليا ، بس انا كنت بسوق من حوالي 4 سنين عربية أختي قبل ما تبيعها و الحمد لله بعرف أسوق ..... هو بس الموضوع هيبقى صعب في أوله بس ان شاء الله
و بعدين ده انا بقول الإنجكشن أفضل عشان استهلاك البنزين .......
يعني أفهم من كلام حضرتك انك بترشحلي البولو؟؟ طب هل طيب عند حضرتك خلقيه عن موضوع قطع غيار البولو و الصنايعية و هتقرفني ولا أيه ؟؟

و الله يبارك فيك يا فندم ....... حضرتك انسان زوق

[طارق _عبد السلام]

انا هكلمك عن البولو لانها اكثر عربيه ركبتها واكتر عربيه ريحتنى واكتر عربيه مش محتاجه مصاريف
والله كلام حقيقى يا اخى من ناحيه قطع الغيار مين قال لك انها غاليه وانها نادره دا موتورها كله على بعضه بيعمل 3 الاف جنيه العربيه دى قعدت معايا 6سنوات اشغال شاقه
كل اللى غيرته غير الصيانات المعتاده جوز طنابير قدام وتيل فرامل امامى وخلفى (لمده 6 سنوات تخيل تيل مره واحده فقط) حساس كوعه ب90 جنيه اصلى تيش المارشدير والاول ده بقى 35 جنيه جديد على فكره بخمسه وثلاثين جنيه قطع غيار ناااااااااااار هههههههه فانوس خلفى استعمال 125 جنيه من المنصوره طبعا بطاريه والكاوتش لانى بحب اغير كاوتش كتير آ وسلوك بوجيهات مرتين مره جبت طقم صينى 90 جنيه وغيرته بعدها ب6 شهور وجبت الاصلى بتاعها المانى 160 جنيه فين بقى قطع الغيار الغاليه دى ببلااااااااااش
افتكرت سعر الطنابير الامامى جديده المانى 180 جنيه

بس بصراحه العربيه انا كنت شاريها بحالتها عربيه كانت جديده وعامله 55 الف كيلو
من الاخر بوووووووووووووولوووووووووووووو

[Ramy_2R]

انا محتار نفسك حيرتك و ضيف عليها الكليو هاتشباك و ال c3 و ال 206
بس الفكره ان البولو 1400 نادره جدا إلا لو الموتو منسقط

[S O P H O S]

جوليت حالة نظيفة
مجرد رأي ..

[AGom3a]

لو هتجيب الجوليت بالحتة الي جمبها توكل علي الله ودوس يا نجم وفي رايي عموما الجوليت شايفها شبابية و شكل احلي وقطع غيار رخيصة وافضل

هي حته حلوه بصراحه بس انا مركز في العربية اليومين دول مش الحريم
هما بصراحه الأتنين شبابي بس هو يمكن اختلاف ان واحده عملية و التانية عافيه.....

انا هكلمك عن البولو لانها اكثر عربيه ركبتها واكتر عربيه ريحتنى واكتر عربيه مش محتاجه مصاريف
والله كلام حقيقى يا اخى من ناحيه قطع الغيار مين قال لك انها غاليه وانها نادره دا موتورها كله على بعضه بيعمل 3 الاف جنيه العربيه دى قعدت معايا 6سنوات اشغال شاقه
كل اللى غيرته غير الصيانات المعتاده جوز طنابير قدام وتيل فرامل امامى وخلفى (لمده 6 سنوات تخيل تيل مره واحده فقط) حساس كوعه ب90 جنيه اصلى تيش المارشدير والاول ده بقى 35 جنيه جديد على فكره بخمسه وثلاثين جنيه قطع غيار ناااااااااااار هههههههه فانوس خلفى استعمال 125 جنيه من المنصوره طبعا بطاريه والكاوتش لانى بحب اغير كاوتش كتير آ وسلوك بوجيهات مرتين مره جبت طقم صينى 90 جنيه وغيرته بعدها ب6 شهور وجبت الاصلى بتاعها المانى 160 جنيه فين بقى قطع الغيار الغاليه دى ببلااااااااااش
افتكرت سعر الطنابير الامامى جديده المانى 180 جنيه

بس بصراحه العربيه انا كنت شاريها بحالتها عربيه كانت جديده وعامله 55 الف كيلو
من الاخر بوووووووووووووولوووووووووووووو

انا والله في ناس كتير بيقولولي هي قطع غيارها مش غاليه أوي ولا حاجه و معمره جداً و اعتمادية
بس على اللي حضرتك بتقوله ده هايل جداً طبعاً بس برضه انت بتتكلم على عربيه كانت بحالتها و من أكتر من 6 سنين
جزيل الشكر لسعادتك يا بك

انا محتار نفسك حيرتك و ضيف عليها الكليو هاتشباك و ال c3 و ال 206
بس الفكره ان البولو 1400 نادره جدا إلا لو الموتو منسقط

خالص على فكره ....... ده انا حاسس ان معظم اللي موجود 1400 مش 1000
بس الـ 1400 الواحد كامه مش الأتنين كامه طبعاً
بس انا بصراحه السيتروين و البيجو بحسهم حريمي شوية و معتقدش انها بتاعت شقى و تعب أوي ربنا يرزقنا باللي فيه الخير يارب

جوليت حالة نظيفة
مجرد رأي ..

للأسف العربيتين مع الشباب و قليل أوي الحالة النظيفه فيهم ...... و صعب تلاقي واحد واقعي عربيته نظيفه في الزمن ده مبيطلبش أرقام فلكية خزعبلاتيه غير مرئية

[4fun14]

انا عربيتى لانوس (شبيهه الجولييت) وكان معايا بولو من قبل
انت انجزت الكلام فعلا..البولو سواقه احلى انما فى الاصلاح الجولييت اريح وارخص
لكن البولو قطع غيارها موجوده عادى ومش اغلى كتير عن الجولييت
بصراحه رايى طالما هتشترى مستعمل يبقه روح للى قطع غياره مش هيتعبك(الجولييت)
ولو ان شكلك ميال للبولو والالمانى ليه شدته برضه :d

[AGom3a]

انا عربيتى لانوس (شبيهه الجولييت) وكان معايا بولو من قبل
انت انجزت الكلام فعلا..البولو سواقه احلى انما فى الاصلاح الجولييت اريح وارخص
لكن البولو قطع غيارها موجوده عادى ومش اغلى كتير عن الجولييت
بصراحه رايى طالما هتشترى مستعمل يبقه روح للى قطع غياره مش هيتعبك(الجولييت)
ولو ان شكلك ميال للبولو والالمانى ليه شدته برضه :d

البولو محترمه طبعاً و سواقه هايله جداً
بس انا خلاص ............. رتبت أفكاري و حددت أولوياتي الحمد لله و نويت ان شاء الله الإختيار الأول الجوليت و البديل يبقى البولو و برضه حالة العربية هتحدد حاجات كتير ان شاء الله

شاكر لمرورك و رأي سعادتك يا فندم