عربية مستعملة فى حدود 85 الف .. تيدا-كورولا-مازدا3-فوكس-النترا-ولا حاجه تانيه؟؟؟؟؟؟

[mans336]

السلام عليكم ورحمة الله وبركاته
انا معايا جولف 3 مو 97
وكنت عاوز ابيعها واجيب عربيه مستعمله 2007 او 2008
ومحتار بين العربيات دى
تيدا هاتش باك - كورولا - مازدا 3 - فورد فوكس-النترا ؟؟
انتو ايه رأيكو اجيب حاجه من دول ولا حاجه تانيه؟؟؟؟؟
انا مش خبره فى العربيات بس عاوز عربيه تكون اعتماديه مش كل شويه تحصل فيها حاجه والسحب بتاعها كويس وشكل كويس
ياريت تقولولى ايه افضل حاجه وايه مميزاتها؟

[M I D O]

في رايي اللانسر بومة تحفة بصراحة صيانات سهلة اعتمادية جدا قطع غيار معقولة ومتوفرة وعربية الكل بيشكر فيها

[S O P H O S]

مازدا 3 جميلة معدا قطع الغيار النسبية الي حدا ما
تيدا هتشباك عربية رائعة ثبات متوسط علي السرعات توكيل جميل ومحرك قوي
مجرد رأي ..

[monamize4]

مبدأيا ,,,, انت عايز ايه من العربيه ؟ و اخرك كام فلوس ؟

[mans336]

شكرا على الردود يا رجاله
بالنسبه للانسر مش بحبها خاااااالص
اما المازدا طبعا تحفه فى الشكل والاداء بس اسمع ان قطع الغيار غاليه نسبيا وانها واطيه شويه وكمان ضيقه
التيدا واسعه جدا وموتور حلو بس بردو اسمع ان ثباتها مش حلو على السرعات العاليه وكمان التابلوه بتاعها بحسه مش حلو بس ده اقرب اختيار ليا
مستنى باقى الاراء

[mans336]

مبدأيا ,,,, انت عايز ايه من العربيه ؟ و اخرك كام فلوس ؟

عاوز عربيه مشاكلها قليله واسعار قطع غيارها كويسه والسحب كويس الثبات بتاعها كويس واخرى زى ما قلت 85 الف ولو اقل يبقى احسن والباقى اظبط بيه شوية حاجات فى العربيه

[monamize4]

حسب كلامك يبقى الانسب ليك تيدا

[mans336]

حسب كلامك يبقى الانسب ليك تيدا

طيب ايه نظامها فى سعر إعادة البيع؟؟؟؟؟
علشان ان شاء الله هتقعد معايا 3 سنين وبعدين هغير

[monamize4]

طيب ايه نظامها فى سعر إعادة البيع؟؟؟؟؟
علشان ان شاء الله هتقعد معايا 3 سنين وبعدين هغير

انا متابع سوق المستعمل كويس اوى بقالى اربع شهور

لاحظت ان مفيش تيدا معروضة كتير للبيع كتير بس لو دورت كويس هتلاقى , العربية ممتازة و صعب حد يفرط فيها بسولة عشان كدة احتمال اللى معروض للبيع مايكونش حالته كويسه , فا انت لازم تكشف عليها كويس
سعرها بيتراوح من 75 - 85 الف مش اكتر ,,,,, معرفش بعد 3 سنين هتكون ايه الظروف بس على انا شايفه متوقعش انها هتمسك سعر جامد بس ان شاء الله مش هتخسر كتير

بس نرجع نقول ان التيدا فيها تقريبا كل اللى انت طلبته
رأى الشخصى : لو عايز عربية فيها كل اللى انت طلبته + سعر اعادة بيع كويس = لانسر
كمان لو عايز عربيه فيها كل اللى انت طلبته + سعر اعادة بيع عالى + استهلاك بنزين قليل اوى + قطع غيار رخيصة اوى = النترا بس يستحسن انك ما تكونش بتسافر كتير

[mans336]

انا متابع سوق المستعمل كويس اوى بقالى اربع شهور

لاحظت ان مفيش تيدا معروضة كتير للبيع كتير بس لو دورت كويس هتلاقى , العربية ممتازة و صعب حد يفرط فيها بسولة عشان كدة احتمال اللى معروض للبيع مايكونش حالته كويسه , فا انت لازم تكشف عليها كويس
سعرها بيتراوح من 75 - 85 الف مش اكتر ,,,,, معرفش بعد 3 سنين هتكون ايه الظروف بس على انا شايفه متوقعش انها هتمسك سعر جامد بس ان شاء الله مش هتخسر كتير

بس نرجع نقول ان التيدا فيها تقريبا كل اللى انت طلبته
رأى الشخصى : لو عايز عربية فيها كل اللى انت طلبته + سعر اعادة بيع كويس = لانسر
كمان لو عايز عربيه فيها كل اللى انت طلبته + سعر اعادة بيع عالى + استهلاك بنزين قليل اوى + قطع غيار رخيصة اوى = النترا بس يستحسن انك ما تكونش بتسافر كتير

والله انا مش عارف اشكرك ازاى على اهتمامك بموضوعى وردك السريع
بس عندى اخر استفسار
لو ان شاء الله لقيت تيدا كويسه اروح اكشف عليها فين؟ علشان انا عاوز اكشف على مسمار فيها
بالنسبه للالنترا ليه يستحسن انى مكونش بسافر كتير؟؟؟؟ ولو هجيبها ايه اخبار توكيلها وعلوها عن الارض وثباتها والتوكيل بتاعها وياريت تقولى احسن موديل بتاع سنة كام وتعمل فى حدود كام؟
وبالنسبه للانسر مش عارف ليه كل الناس بتقول عليها مش حلوه!!!!!! ياريت تقولى بردو كل حاجه عنها
معلش انا تاعبك معايا وسألتك على كل حاجه فى العربيه

[monamize4]

والله انا مش عارف اشكرك ازاى على اهتمامك بموضوعى وردك السريع ربنا يخليك
بس عندى اخر استفسار اسأل براحتك و لو افتكرت حاجة تانى اسال عادى
لو ان شاء الله لقيت تيدا كويسه اروح اكشف عليها فين؟ علشان انا عاوز اكشف على مسمار فيها احسن مكان هو التوكيل او مركز صيانه معتمد و دول هتلاقيهم ف قسم نيسان هنا ف المنتدى , شوف ملاك نيسان بيشكروا ف انهى مركز و اتوكل على الله
بالنسبه للالنترا ليه يستحسن انى مكونش بسافر كتير؟؟؟؟ عشان ثباتها مش كويس ع السرعات العاليه كمان ال abs و air bags مش نازلين basic و متهيألى معظم الناس اشتروا اول فئه اوتو و هيا دى اللى هتلاقيها مستعمل ولو هجيبها ايه اخبار توكيلها غنى عن التعريف هو و منصور من اسوء التوكيلات ف مصر (بشهادة ملاك عربياتهم ) بس سيبك من التوكيل اساسا قطع غيار الالنترا شويه و هتتباع ف السوبر ماركت وعلوها عن الارض لو ماشى لوحدك هتلاقى الامور تمام , لكن للاسف العربية بتهبط اوى لو ركب فيها 2 او 3 ورا بسبب العفشة المالتى لنك بس قصاد كدة العفشة ناعمة جد اوثباتها والتوكيل بتاعها وياريت تقولى احسن موديل بتاع سنة كام فى ناس بتفضل موديلات 2007 2008 و فى ناس بتفضل 2009 2010 2011 ,,, الصراحة انا معرفش الفرق كويس بس متهيألى الموديلات الاقدم فيها مؤشر حرارة مختلف و باور اخف , عامة راجع قسم هيونداى هما هيفيدوك اكتر وتعمل فى حدود كام؟ سعرها رفع اوى اوى بعد ما الالنترا الجديدة نزلت و بعد ما الزيرو كله رفع ,,, من 75 - 100 الف
وبالنسبه للانسر مش عارف ليه كل الناس بتقول عليها مش حلوه!!!!!! مين قال كدة ؟ دى عربية مافهاش غلطة ياريت تقولى بردو كل حاجه عنها قطع غيار منتشرة اكتر من الالنترا (تخيل ) و دا بسبب انها بتنزل من 2003 - 2013 , ثبات كويس اعلى من الالنترا , استهلاك بنزين اعلى من الالنترا , عربية عاليه عن الارض حتى لو محمله , سعر اعادة البيع ماسك نفسه اوى , بالنسبة لسعر المستعمل هيبقى حسب الموديل سنه كام و حسب هى مانيوال ولا اوتو حسب هى 1300 و لا 1600 يعنى نقول من 72 - 120 الف
معلش انا تاعبك معايا مفيش تعب ولا حاجة وسألتك على كل حاجه فى العربيه

[احمد نظمي]

والله انا راي الشخصي مافيش مقارنة بين اي عربية ذكرتها والكورولا عربية ممتازة فكل اللي انت طالبه وربنا يوفقك