افضل سيارة في نطاق متوسط سعر ١٥٠٠٠٠ جنيه؟

[Walid_M]

الى اعرفه ان الالنترا حاليا بــ 147000 اول فئه اوتو بدون فتحة سقف وده طبعا بعد الخصم 3000 جنيه

انا أخر مرة سالت عليها من اسبوعين كده كانت 144 ألف على ما أذكر ...
وطبعاً من غير فتحة سقف ...

تحياتي

[hossam_elwani]

انا أخر مرة سالت عليها من اسبوعين كده كانت 144 ألف على ما أذكر ...
وطبعاً من غير فتحة سقف ...

تحياتي

كان فيه عرض عليها 5000 جنيه خصم يعنى كانت 145000 مش عارف 144000 ازاى ؟؟ يمكن من عند موزع وهو كمان عامل تخفيض 1000 جنيه كمان

[Walid_M]

كان فيه عرض عليها 5000 جنيه خصم يعنى كانت 145000 مش عارف 144000 ازاى ؟؟ يمكن من عند موزع وهو كمان عامل تخفيض 1000 جنيه كمان

تمام كده ...


تحياتي

[SeaShark]

انا عندي حالة ذهول بعد متباعتي للاسعار خلال الكام يوم اللي فاته بصراحة اللي بيحصل ده تهريج

اولا نظرا للظروف السياسية و الاقتصادية و الامنية المنيلة خلال الفترة اللي فاتت الطلب علي العربيات طبعا قل جدا و من مباديء التجارة و العرض و الطلب ان السلعة لما يكون عليها طلب قليل ترخص مش تغلي !!

العربية كيا كارينز غلطت و سألت عليها محمد زكي لقيت المنيواااااااال منها ١٨٠٠٠٠ جنيه ليييييييييه احنا هنحارب

مش عارف اخرتها ايه بصراحة كده فاضل شوية و حتي اللي عايز عربية في حدود ٢٠٠٠٠٠ مش هيلاقي حاجة محترمة يشتريها

الله يرحم والله في التسعينات الاوبل فيكترا في عزها ال ٢٠٠٠ سي سي و اوتوماتيك كانت تعملها ١٠٠٠٠٠ و اللي كان بيجيب ب ٢٠٠٠٠٠ كان بيدخل في المرسيدس و البي ام مش عارف ايه الايام السودة اللي احنا فيها

[ahmedz310]

عندك حق الاسعار بقت مجنونة يوم في الطالع ويوم في الطالع اوي حاجة تقرف
أنا في نفس حيرتك بس مستني التيدا الشكل الجديد اما اشوف سعرها هيبقي كام هي كمان ويمكن ساعتها يكون الجنيه شد حيله لو اني اشك !

[SeaShark]

عندك حق الاسعار بقت مجنونة يوم في الطالع ويوم في الطالع اوي حاجة تقرف
أنا في نفس حيرتك بس مستني التيدا الشكل الجديد اما اشوف سعرها هيبقي كام هي كمان ويمكن ساعتها يكون الجنيه شد حيله لو اني اشك !

والله انا معايا نيسان صني ٢٠١٠ و عربية حلوة و كل حاجة و مش انا اللي هغير العربية ده حد تاني
الصني سحبها مش عاجبني لان تقنية موتورها قديمة شوية مع انها ١١٨ حصان بس متحسش بيهم غير انها عربية مش شبابي خالص و كلاسيك جدا و بحس اني عندي ٥٠ سنة وانا راكبها بس ماشي الحال و احسن حاجة في النيسان التوكيل بتاعها

لكن بصفة عامة انا جالي احباط من الياباني بشكل عام و بقيت بحترم الكوري اكتر ناس بيعملوا ديزاينات هايلة برضه شكل العربية مهم الالانترا و السيراتو الجديدة و السبورتاج و القشقاي تحف فنية و بدات العربيات الكوري تبءي اغلي من الياباني

الكورولا و اللانسر شكلهم فقير جدا و حتي من جوة فقير جدا بالنسبة للكوري

حتي الهوندا سيفيك الجديدة كان موديلها الاخير تحفة فنية و من اكتر العربيات الي تمنيت اركبها في حياتي شكل رياضي جميل و تابلوه تحفة حتي دي الموديل الجديد بتاعها بءي شكله عرة بصراحة و ميستاهلش يدفع فيها تمنها

الصني الجديدة برضه اتفرجت عليها و بالمقارنة بالصني بتاعتي القديمة حسيت اني والله راكب عربيه ب ٥٠٠٠٠

حتي عصاية الفتيس الاوتوماتيك عاملين شكلها مسخرة و التابلوه شكله سيء جدا جدا و طبعا شكلها من بره اقل بكتير من الصني القديمة و ثبات اقل طبعا بشهادة ملاكها

يمكن العربية الياباني اللي لسة بحبها جدا المازدا ٣ و طبعا توكيلها مش معروف اخباره ايه و قطع الغيار و اعادة بيعها مش تمام و الله اعلم اليابانيين هيغيروها بشكل جديد اسوأ كالعادة

و طبعا من انتشار العربيات في الشارع تقدر تعرف ان الكوري فعلا تفوق علي الياباني

في الحقيقة مجرد التفطير في تغيير العربية اصبح حاجة محبطة جدا

[hossam_elwani]

انا عندي حالة ذهول بعد متباعتي للاسعار خلال الكام يوم اللي فاته بصراحة اللي بيحصل ده تهريج

اولا نظرا للظروف السياسية و الاقتصادية و الامنية المنيلة خلال الفترة اللي فاتت الطلب علي العربيات طبعا قل جدا و من مباديء التجارة و العرض و الطلب ان السلعة لما يكون عليها طلب قليل ترخص مش تغلي !!

العربية كيا كارينز غلطت و سألت عليها محمد زكي لقيت المنيواااااااال منها ١٨٠٠٠٠ جنيه ليييييييييه احنا هنحارب

مش عارف اخرتها ايه بصراحة كده فاضل شوية و حتي اللي عايز عربية في حدود ٢٠٠٠٠٠ مش هيلاقي حاجة محترمة يشتريها

الله يرحم والله في التسعينات الاوبل فيكترا في عزها ال ٢٠٠٠ سي سي و اوتوماتيك كانت تعملها ١٠٠٠٠٠ و اللي كان بيجيب ب ٢٠٠٠٠٠ كان بيدخل في المرسيدس و البي ام مش عارف ايه الايام السودة اللي احنا فيها

كارينز ايه الى بــ 180000 الف جنيه دى الشكل الجديد ؟؟؟

[hatem_swaf]

انا فى نفس الحيره والاحباط

طب اللانسر شارك ايه اخبارها وسط العربيات ده؟

[yousefsemsem]

انا اتفرجت علي الرابيد عربيه تحفه هو اللي ينقصها الفتيس ااتوماتك ونازله بنفس ماتور الجيتا 1400 واللي يميزها عن الاوكتافيا الفتيس بس وفيها كميع الكمليات ب147 في وسط الاسعار اللي شوفتها يبقي هي ديه مناسبه

[SeaShark]

كارينز ايه الى بــ 180000 الف جنيه دى الشكل الجديد ؟؟؟

اه الشكل الجديد ٢٠١٣

[hossam_elwani]

اه الشكل الجديد ٢٠١٣

تسلم على الرد

بلاش افكر فى سعر الهاى لاين عشان مايجليش ضغط !!!!!!!!!!!!!

[SeaShark]

تسلم على الرد

بلاش افكر فى سعر الهاى لاين عشان مايجليش ضغط !!!!!!!!!!!!!

ولا تفكر في البيز لاين عشان هي الكارينز في رأيي لا تستحق السعر ده

[Mezox]

في حدود 150 ألف في رأيي افضل حاجه الفلونس الشكل الجديد , عربية واسعة و شياكة و اعادة البيع بتاعتها حلو مش وحش بالنسبة لعربية اوروبي , سعرها في المستعمل اعلي من الشارك و المازدا 3 , الشكل الجديد يتميز بينه نزل بموتور التيدا و قاشقاي و الفتيس ال cvt , خصوصا إن الموديل القديم كان فيه مشكلة في الفتس الاربع سرعات

[Mezox]

كارينز ايه الى بــ 180000 الف جنيه دى الشكل الجديد ؟؟؟

ماهو الشعب المصري العربية بالنسباله زي البطيخه , كل ما كانت اكبر تبقي أحسن ويدفع فيها فلوس

الكارينز الشكل القديم أول ما نزلت كانت المنوال ب 99 ألف

[hossam_elwani]

ماهو الشعب المصري العربية بالنسباله زي البطيخه , كل ما كانت اكبر تبقي أحسن ويدفع فيها فلوس

الكارينز الشكل القديم أول ما نزلت كانت المنوال ب 99 ألف

يعنى اضرب فى 2

لاحول ولا قوة الا بالله