ياريس/سيراتو/النترا/صني سوبر صالون 85:100

[besobanker]

بسم الله الرحمن الرحيم
بصو يا جماعة انا عايز اجيب عربية مستعملة في رنج 85000:100000
وتكون امكانيتها:
ناقل اتوماتيك/فرامل abs/وسادة هوائية
وتكون ادائها عالي وقطع غيارها ومراكز صيانتها متوفرة ف انا
ف انا محتار بين:

1-تويوتا ياريس 2009
2-كيا سيراتو 2010
3-هيونداي النترا 2010
4-نيسان صني سوبر صالون 2011

محتاج رايكم

[S O P H O S]

راي دي فالنيسان خصوصا الصيانة وخدمة ما بعد البيع
والله اعلم ..

[besobanker]

شكراً S O P H O S

لكن عايز اعرف اراء كتير بعد اذنكم

[M I D O]

لو سيراتو الشكل القبل الحالي الجديد 2013 هاتها لو الشكل الاقدم يبقي النترا

[samyomar]

الياريس صغيره نوعا ما و موتور ضعيف نسبيا بالمقارنه بباقى السيارات اللى بتسأل عنها . لذلك نصيحتى استبعدها . بالنسبه للصنى 2011 عربيه جميله جدا و الكل بيشكر فيها عيبها ان الكنبه الخلفيه ضيقه نسبيا . بالنسبه للسيراتوا و الاالنترا الاتنين عربيه واحده تقريبا نفس الموتور و العفشه . الالنترا اوسع كصالون من السيراتوا و سعر اعادة بيعها افضل و كمان ثبات الالنترا اعلى من السيراتوا . استهلاك بنزين اقل بشكل ملحوظ . رأيى تحصر اختيارك بين النترا او صنى . شوف انت محتاج ايه و قرر

[besobanker]

شكرا يا جماعة علي الافادة لكن احب اسمع اراء اكتر

[besobanker]

شكرا يا جماعة علي الافادة لكن احب اسمع اراء اكتر

[عبدالرحمن-جبر]

السيراتو افضلهم عن تجربة و ثباتها حلو و كماليتها و جودة التقفيل رائعة الصنى فئة اقل و صالونها و كماليتها ضعيفة تقفيل مصرى و سفاحة بنزين و السيراتو ثابتة عنها الياريس اسوائهم