نيسان تيدا هاتشباك x ستروين c-elysee

[محمد مطاوع]

ﺳﻼم ﻋﻠﻴﻜﻢ ..
أﻧﺎ ﻋﻀﻮ ﺟﺪﻳﺪ ﻓﻰ اﻟﻤﻨﺘﺪﻯ و ﻛﻨﺖ ﺣﺎﺑﺐ آﺧﺪ رأﻳﻜﻢ ﻓﻰ ﺷﺮاء ﻋﺮﺑﻴﺔ ﺟﺪﻳﺪة ، ﻫﺘﻜﻮن أول ﻋﺮﺑﻴﺔ أﺟﻴﺒﻬﺎ إن ﺷﺎء اﻟﻠﻪ.
أﻧﺎ ﻣﺤﺘﺎر ﺑﻴﻦ اﻟﺘﻴﺪا ﻫﺎﺗﺸﺒﺎك و اﻟﺴﺘﺮوﻳﻦ اﻟﻴﺰﻳﻪ . اﻻﺗﻨﻴﻦ ﺳﻌﺮﻫﻢ ﻣﺘﻘﺎرب ﺟﺪا ، ﺑﺲ ﻓﻰ رأﻳﻜﻢ اﻧﻬﻰ أﻓﻀﻞ ﻣﻦ ﺣﻴﺚ اﻻﻋﺘﻤﺎدﻳﺔ و اﻟﺜﺒات و اﻻﻣﻜﺎﻧﻴﺎت و اﻟﻮﺳﻊ و اﻟﺼﻴﺎﻧﺔ ﺑﻌﺪ ﻛﺪه ، ﻣﻊ اﻟﻌﻠﻢ اﻧﻰ ﻟﺴﻪ ﺷﺎب ﻓﻰ ﺑﺪاﻳﺔ ﺣﻴﺎﺗﻰ اﻟﻌﻤﻠﻴﺔ ، و ﻋﺎﻳﺰ ﻋﺮﺑﻴﺔ تنفعنى ﻛﻤﺎن ﻟﻮ ﺑﻘﻰ ﻋﻨﺪﻯ أﺳﺮة ﺻﻐﻴﺮة إن ﺷﺎء اﻟﻠﻪ . اﻧﺎ ﻗﺮﻳﺖ ﻋﻦ اﻟﻌﺮﺑﻴﺘﻴﻦ ﺑﺸﻜﻞ ﻣﻨﻔﺼﻞ ﻫﻨﺎ ﻓﻰ اﻟﻤﻨﺘﺪﻯ ، ﺑﺲ ﻣﺶ ﻋﺎرف ﻟﺴﻪ أﺧﺘﺎر ﺑﻴﻨﻬﻢ ﻟﻤﺎ ﺑﻘﺎرﻧﻬﻢ ببعض.
ايه رأيكم و خبرتكم.

[eng.m7md.ali]

سيتروين .. يعني اعتمادية وثبات وكماليات وكل حاجة .. التيدا حلوة واعتمادية عالية وتوفير بنزين جداً ونعومة وتكييف لكن الثبات مفيش والصاج ورق

كمان قطع غيار الستروين ارخص حسب كلام التوكيل واعلاناته

[محمد مطاوع]

سيتروين .. يعني اعتمادية وثبات وكماليات وكل حاجة .. التيدا حلوة واعتمادية عالية وتوفير بنزين جداً ونعومة وتكييف لكن الثبات مفيش والصاج ورق

كمان قطع غيار الستروين ارخص حسب كلام التوكيل واعلاناته

طيب حضرتك عندك فكرة الاقى ستروين اليزيه معروضة فين دلوقتى عشان اقدر اشوفها ??
أنا من سكان المعادى.

[eng.m7md.ali]

طيب حضرتك عندك فكرة الاقى ستروين اليزيه معروضة فين دلوقتى عشان اقدر اشوفها ??
أنا من سكان المعادى.

لا والله معرفش .. بس معرض سيتروين او التوكيل في ابو رواش وممكن تجربها كمان لو حابب

[ahmedz310]

ستروين عربية جميلة بس مشكلة التيدا انها نازل منها شكل جديد قريب وعلي حد علمي ان تقفيلها هيبقي تايلاندي ودي نقطة ممكن تفرق معاك ؟

[M I D O]

ستروين شكلها هتكسر الدنيا وهتبقي عربية تحفة بس لحد دلوقتي محدش لسة استلمها عشان تعرف تقارير عنها بس هية في اعتقادي افضل

[محمد مطاوع]

لا والله معرفش .. بس معرض سيتروين او التوكيل في ابو رواش وممكن تجربها كمان لو حابب

الف شكر على الافادة :)

[محمد مطاوع]

ستروين عربية جميلة بس مشكلة التيدا انها نازل منها شكل جديد قريب وعلي حد علمي ان تقفيلها هيبقي تايلاندي ودي نقطة ممكن تفرق معاك ؟

انا شفت على النت الشكل الجديد لتيدا بس معجبنيش خالص الحقيقة، ده غير ان بمعدل زيادة الاسعار اللى ماشيين بيه ده اكيد الجديدة هتبقى فى فئة سعرية أعلى من الحالية

[محمد مطاوع]

ستروين شكلها هتكسر الدنيا وهتبقي عربية تحفة بس لحد دلوقتي محدش لسة استلمها عشان تعرف تقارير عنها بس هية في اعتقادي افضل

انا برضو عندى نفس الاحساس، بس انا لسه خبرتى فى العربيات مش كبيرة قوى، هل حضرتك شايف ان الستروين عموما افضل من النيسان ?!

[M I D O]

انا برضو عندى نفس الاحساس، بس انا لسه خبرتى فى العربيات مش كبيرة قوى، هل حضرتك شايف ان الستروين عموما افضل من النيسان ?!

كأسم تجاري وماركة طبعا ستروين تكسب نيسان بمرااااحل وشوف انتاج عربيات ستروين و نيسان وانت هتعرف الفرق بين الشركتين و ستروين c.elysee هتكون عربية محترمة جدا و في رايي الشخصي افضل بمراحل من النيسان

[flavio_egypt]

كأسم تجاري وماركة طبعا ستروين تكسب نيسان بمرااااحل وشوف انتاج عربيات ستروين و نيسان وانت هتعرف الفرق بين الشركتين و ستروين c.elysee هتكون عربية محترمة جدا و في رايي الشخصي افضل بمراحل من النيسان

اسمحلى اختلف مع حضرتك فى موضوع ان ستروين تكسب نيسان بمراحل ..بصراحة مش فاهم ليه
حضرتك شركة نيسان من اقوى الشركات على مستوى العالم وطبعا ستروين قوية برضه
لكن ان ستروين تكسب نيسان بمراحل فياريت حضرتك توضح الاسباب على الأقل علشان الواحد مياخدش قرار شراء مش فى محله
وشكرا لسعة صدرك

[ahmedz310]

ستروين c-elysee وبيجو 301 اتوقع لهم نجاح ساحق لو السعر ثبت علي كدا لفترة

[MaZaGAngeE]

قلبي مع السيتيروين
و عقلي مع التيدا

[miceg]

كأسم تجاري وماركة طبعا ستروين تكسب نيسان بمرااااحل وشوف انتاج عربيات ستروين و نيسان وانت هتعرف الفرق بين الشركتين و ستروين c.elysee هتكون عربية محترمة جدا و في رايي الشخصي افضل بمراحل من النيسان

إسمحلي أختلف معاك
وأقولك
بإمارة إيه
ياباشا النيسان اللي بيجي مصر لا يقارن بموديلات نيسان العالمية
الناس كلها فاكرة ان النيسان هي الصني والتيدا والقاشقاي والجوك وبس
لكن أدخل موقع نيسان وشوف الفسيلتي اللي بيشتغلو فيها
ساعتها هتعرف مين أكبر من مين
نيسان بتصنع محركات بيستخدمها شركات كتير جدا فالعالم
على سبيل المثال ماتور التيدا اللي بينزل حاليا في ريتو فلوانس
ياريت تعقل كلامك قبل ماتكتبه

[Ultramisho]

عزيزي
تسمح لي انقل رأيي مع العلم ان معلوماتي والحمد لله عن التيدا معقولة اما الاليسيه فقليلة نسبيا
بصراحة التيدا مضمونة في التقفيل المكسيكي الجيد والسحب القوي والتكييف الشديد ووسع الصالون والاعتمادية وارتفاعها عن الارض اما عيوبها المألوفة في سعر اعادة البيع المنخفض وشكلها الغير رومانسي وان كان الهاتشباك مقبولة (ودي وجهات نظر شخصية طبعا) واتزانها مع السرعة فوق 140 مش كويسة لكن على السرعات العادية مافيهاش اي مشاكل
الستروين عموما عربية لم تنجح في مصر سوى الغالي منها واخشى ان يكون هذا الموديل هو ارخص موديلاتهم وعادة في رأيي الشخصي لا تشتري ارخص ولا اغلى بضاعة لنفس الصنف لانك ستكون الخاسر في الحالتين
سعر اعادة البيع اعتقد سيكون اسوء من التيدا لسمعة الستروين السيئة في الاجيال السابقة وانا منهم وقطع غيارها لا اصدق انها ارخص من التيدا لانك لن تجدها الا في التوكيل عكس التيدا المنتشرة في كل مكان

واليكم بعض تعليقاتي البسيطة على كلمات بعض الزملاء الاعزاء في نفس السياق:

ﺳﻼم ﻋﻠﻴﻜﻢ ..
أﻧﺎ ﻋﻀﻮ ﺟﺪﻳﺪ ﻓﻰ اﻟﻤﻨﺘﺪﻯ و ﻛﻨﺖ ﺣﺎﺑﺐ آﺧﺪ رأﻳﻜﻢ ﻓﻰ ﺷﺮاء ﻋﺮﺑﻴﺔ ﺟﺪﻳﺪة ، ﻫﺘﻜﻮن أول ﻋﺮﺑﻴﺔ أﺟﻴﺒﻬﺎ إن ﺷﺎء اﻟﻠﻪ.
أﻧﺎ ﻣﺤﺘﺎر ﺑﻴﻦ اﻟﺘﻴﺪا ﻫﺎﺗﺸﺒﺎك و اﻟﺴﺘﺮوﻳﻦ اﻟﻴﺰﻳﻪ . اﻻﺗﻨﻴﻦ ﺳﻌﺮﻫﻢ ﻣﺘﻘﺎرب ﺟﺪا ، ﺑﺲ ﻓﻰ رأﻳﻜﻢ اﻧﻬﻰ أﻓﻀﻞ ﻣﻦ ﺣﻴﺚ اﻻﻋﺘﻤﺎدﻳﺔ و اﻟﺜﺒات و اﻻﻣﻜﺎﻧﻴﺎت و اﻟﻮﺳﻊ و اﻟﺼﻴﺎﻧﺔ ﺑﻌﺪ ﻛﺪه ، ﻣﻊ اﻟﻌﻠﻢ اﻧﻰ ﻟﺴﻪ ﺷﺎب ﻓﻰ ﺑﺪاﻳﺔ ﺣﻴﺎﺗﻰ اﻟﻌﻤﻠﻴﺔ ، و ﻋﺎﻳﺰ ﻋﺮﺑﻴﺔ تنفعنى ﻛﻤﺎن ﻟﻮ ﺑﻘﻰ ﻋﻨﺪﻯ أﺳﺮة ﺻﻐﻴﺮة إن ﺷﺎء اﻟﻠﻪ . اﻧﺎ ﻗﺮﻳﺖ ﻋﻦ اﻟﻌﺮﺑﻴﺘﻴﻦ ﺑﺸﻜﻞ ﻣﻨﻔﺼﻞ ﻫﻨﺎ ﻓﻰ اﻟﻤﻨﺘﺪﻯ ، ﺑﺲ ﻣﺶ ﻋﺎرف ﻟﺴﻪ أﺧﺘﺎر ﺑﻴﻨﻬﻢ ﻟﻤﺎ ﺑﻘﺎرﻧﻬﻢ ببعض.
ايه رأيكم و خبرتكم.

اعلى كتبت رأيي المتواضع وفي انتظار من له خبرة او معلومات اكثر وربنا يوفقك فيما فيه الخير لك

سيتروين .. يعني اعتمادية وثبات وكماليات وكل حاجة .. التيدا حلوة واعتمادية عالية وتوفير بنزين جداً ونعومة وتكييف لكن الثبات مفيش والصاج ورق

كمان قطع غيار الستروين ارخص حسب كلام التوكيل واعلاناته

لا اصدق كلام التوكيل وايضا لا اعتقد كما ذكرت انه يوجد قطع غيار خارج التوكيل عكس التيدا مرترطة في كل حته

ستروين عربية جميلة بس مشكلة التيدا انها نازل منها شكل جديد قريب وعلي حد علمي ان تقفيلها هيبقي تايلاندي ودي نقطة ممكن تفرق معاك ؟

التقفيل المكسيكي هو تقفيل على مستوى تقدم دولة كالمكسيك وهو متميز جدا طبعا اما بخصوص التقفيل التايلاندي فاحب ان أؤكد ان التويوتا كورولا في الخليج تقفيل تايلاندي وليس ياباني وهو ايضا ممتاز مقارنة بالتقفيل المصري للاسف فلا قلق من هذه النقطة

ستروين شكلها هتكسر الدنيا وهتبقي عربية تحفة بس لحد دلوقتي محدش لسة استلمها عشان تعرف تقارير عنها بس هية في اعتقادي افضل

هذه الكلمات هي اول سبب يجعلني ابتعد عنها وانا من النوع الذي لا يحب المغامرات وافضل الشيئ الواضح والمعروف والمنتشر وليس النادر ربما بسبب عمري و طبيعة عملي العلمية ولكن هنالك طبعا من يعشق التميز بالاختلاف (بعربية اقل انتشار) ويتحمل ثمن ذلك من معاناة اضافية وهنالك ايضا يغامر ويفوز باللذات وهنالك من يغامر ويدفع الثمن

انا شفت على النت الشكل الجديد لتيدا بس معجبنيش خالص الحقيقة، ده غير ان بمعدل زيادة الاسعار اللى ماشيين بيه ده اكيد الجديدة هتبقى فى فئة سعرية أعلى من الحالية

كلام سليم مية في المية من ناحية السعر هتكون اغلى كتير اما الشكل فهي نفس شكل النيسان تورينو بس على اصغر وده هيساعد في نجاح شكلها الجديد في رأيي

كأسم تجاري وماركة طبعا ستروين تكسب نيسان بمرااااحل وشوف انتاج عربيات ستروين و نيسان وانت هتعرف الفرق بين الشركتين و ستروين c.elysee هتكون عربية محترمة جدا و في رايي الشخصي افضل بمراحل من النيسان

نيسان شركة متميزة من اليابان اصلا وستروين شركة متميزة من فرنسا اصلا ولكل منهما مكانته ولكن رأيي الشخصي ان السيارات اليابانية الاصل (يعني ياباني كوري الخ) تناسب ظروفنا اكثر خاصة في شأن السحب واستهلاك البنزين والتكييف والانتشار وكده

عزيزي ارجو ان اكون قد نقلت وجهة نظر بجانب وجهات نظر الاخوة الاعزاء الذين شاركوا قبلي او سيشاركون بعدي باذن الله
واتمنى ان يوفقك الله في الاصلح لك

تحياتي