محتار وارجو الافاده

[DrCarsss]

السلام عليكم
باختصار شديد وعشان ما اطولش علي حضراتكم
انا كنت عاوز اشتري عربيه ومعايا في حدود 45.000
محتار بين دايو لانوس واوبل فكترا ولانسر كريستاله
ارجو الافاده لاني اول مره هشتري والعربيه اللي هتشريها دي هتقعد معايا فتره
وسؤال كمان اذا تكرمتم 45.000 يركبوني لانوس حالتها ايه ؟؟
وشكرا للساده الكرام

[neel]

ايا كان السيارة الي هتشتريها

سيب 4 الاف جنية علشان تظبط العربية ( مفيش مستعمل مبيصرفش )

[zaza2002]

ياباشا توكل على الله فى اللانوس واعتقد المبلغ ده من الممكن انه يركبك عربية حالتها كويسة انما الاوبل قطع غيارها نار والكريستالة عربية كويسة بس صعب تلاقى حالة نضيفة منها وايضا قطع غيارها اغلى من اللانوس من الاخر بالسعر ده اللانوس تكسب الموديلين اللى حضرتك قايلهم وفى الاول والاخر الاستخارة اهم شئ...

[DrCarsss]

ايا كان السيارة الي هتشتريها

سيب 4 الاف جنية علشان تظبط العربية ( مفيش مستعمل مبيصرفش )

متشكر جدا فعلا الموضوع ده مكنش علي بالي خالص
بس يعني لو انا ربنا كرمني بحاجه كويسه مش محتاجه مصروف او محتاجه بس قليل ترشحلي ايه يا باشا

[DrCarsss]

ياباشا توكل على الله فى اللانوس واعتقد المبلغ ده من الممكن انه يركبك عربية حالتها كويسة انما الاوبل قطع غيارها نار والكريستالة عربية كويسة بس صعب تلاقى حالة نضيفة منها وايضا قطع غيارها اغلى من اللانوس من الاخر بالسعر ده اللانوس تكسب الموديلين اللى حضرتك قايلهم وفى الاول والاخر الاستخارة اهم شئ...

والله يا ايهاب باشا انا اللانوس عجباني في كل حاجه بس قولت بردو اسال اهل الخبره
وعلي العموم متشكر جدا لنصيحه حضرتك علي راسي والله

[a_arazik]

خليك في اللانوس عربية عملية وكويسة وقطع غيارها عند البقال وربنا يكرمك بعربية كويسة ان شاء الله ومبروك مقدما

[engwael]

فكرت في الفيرنا بس هاتزود شوية

[mo7eb elrasol]

خليك فى اللانوس هاتجيب موديل عالى وقطع غيارها متوفرة وسعرها مناسب جدا
الكريستالة واطية اوى اوى

[Abo Yasso]

خليك في اللانوس عربية عملية وكويسة وقطع غيارها عند البقال وربنا يكرمك بعربية كويسة ان شاء الله ومبروك مقدما

[samyomar]

لو اسرتك صغيره و مش بتحتاج تسافر كتير يبقى اللانوس افضل اختيار ليك . لو اسرتك كبيره او بتحتاج تسافر بانتظام كتير يبقى الافضل تدور على فيكترا بس حاله ممتازه او لانسر
بالتوفيق ان شاء الله

[S O P H O S]

رأي لانوس حلو وسط
والله اعلم

[M I D O]

المبلغ دة يركبك لانوس حالة نضيفة ويركبك كرستالة حالة متوسطة بس نصيحة زود كمان 5 الاف وهات كرستالة حالة نضيفة ولو المبلغ دة اخرك يبقي يجبلك لانوس حالة نضيفة وهية عربية ممتازة