محتار ولازم اخد قرار نهائي صني الشكل القديم ولا جين تو ولا اكسنت ار بي 2013

[toty_forever]

يا شباب انا محتار جدا وﻻزم اخد قرار ف اسرع وقت..

بعد ما دفعت عربون ف نيسان صني الشكل القديم.. قريت هنا وف منتديات تانية ان فيها عيوب غير شكلها الكلاسيكي اللي المدام واكلة دماغي عليه.. علما بان انا سني 30 سنة وهي بتقول ان العربية دي شكلها كبير ع سني.. والمنتدى هنا عمل الواجب معاها لانها متابعة جيدة للمنتدي وبتقرا كل المواضيع اللي متعلقة بانواع العربيات دي.. فا طبعا احترت ومابقتش عارف اعمل ايه

فانا دلوقتي عاوز مساعدتكم.. والاراء المحايدة بعد الاستخدام سواء العربية ليكوا او لاصحابكوا


انا محتاج العربية تكون مريحة.. قطع غيارها متوفرة.. فيها كماليات معقولة.. طبعا متكولش بنزين كتير لان انا مشواري يوميا من القناطر الخيرية للتجمع الخامس ع الدائري رايح وراجع.. فا عايز عربية تستحملنى واستحملها .. كمان انا هاجيبها قسط..فا مش عايز مصاريف زيادة عليا لحد ما اخلص الاقساط

فا رايكوا

نيسان صني 2013 الشكل القديم
بروتون جين تو او برسونا 2013
هيونداي اكسنت ار بي
وفي قدامي برده ازود المقدم شوية واجيب كيا ريو

[aboamina]

لو عندك امكانية زود شوية وهات لانسر بومة..ده رأيي

[omar-saad]

لو عندك امكانية زود شوية وهات لانسر بومة..ده رأيي

+111111111111111
اونيسان تيدا هاتش باك

[lamada]

هات جيلى امجراند طبعا

[M I D O]

ياريت حضرتك تزود شوية وتجيب لانسر بومة افضل بكتير من كل دول او ممكن بنفس السعر تقريبا تجيب ستروين سي اليزية عربية تحفة بس قطع الغيار بقي الله اعلم هتبقي عاملة ازاي معا اني متوقع تبقي معقولة لان العربية في عليها اقبال كبير حاليا ودة يطمئن شوية من حيث قطع الغيار وربنا يوفقك وتشتري علي خير

[mohjarr]

رأييى تبص بصه على البيجو 301 أو الستروين سى إليزية عربيات أوروبى و شيك جداً و أمان و كماليات و سعر أكثر من مناسب و أتوقع للسيارتين الإنتشار الكبير.

[S O P H O S]

تيدا هتشباك فرأي

[ahmedz310]

رأييى تبص بصه على البيجو 301 أو الستروين سى إليزية عربيات أوروبى و شيك جداً و أمان و كماليات و سعر أكثر من مناسب و أتوقع للسيارتين الإنتشار الكبير.

+ 1111111111111111111

[DrAhmad]

RB" but choose a good color"

[eng.m7md.ali]

لو من الاختيارات دي هختار الصني او البيرسونا وغالباً البيرسونا عشان بحب توكيلها اوي :))

والصني دي احسن من الجديدة بكتير ومفيهاش مشاكل تقريباً

[Ahmed TRAVCO]

السلام عليكم
انا قعدت فترة طويلة موهوم بالجين تو وكنت بحوش علشان اجيبها بس محصلش ظروف في وقتها... انا شايف حضرتك تشوف لانسر بومة اضمن وافضل بصراحة...
بالنسبة للعربيات اللي حضرتك ذكرتها... الجين تو فعلا ينطبق عليها مثل: الحلو ما يكملش!!! عربية ممتاازة من ناحية الثبات على الطريق... وصاجها قوي جدا على فكرة وموتور انجليزي محترم وصوته جميل... بس للأسف خامات التابلوه مش اد كدة وبتقشر مع الوقت... ده غير ان كمالياتها بتعطل كتير زي المالتي فنكشن... طبعا غير توكيلها اللي عمري ما شفت حد بيشكر فيه...
الصني القديمة واسعة وشنطتها كبيرة... بس الفتيس المانيوال فيه رعشة غبية جدا وصوت الموتور مزعج... ده غير بقى خزعبلات التقفيل المصري زي توزيع هوا التكييف وحش جدا... والزجاج الامامي دايما بيعمل صوت تحس ان العزل فيه عيب في كل العربيات... اه... نسيت اقولك ان عفشة الصني ناشفة جدا زي السيراتو القديمة كدة... بس في الاخر هي عربية حمالة اسية وراسية برضه على الارض واعطالها نادرة وسعرها ممتاز...
بالنسبة للصني الجديدة... بصراحة وبدون ما حد يزعل... انا مبحبهاش خااالص لاني شايف ان تصميمها غلط وصاجها ضعييييف جدا وثباتها وحش وعفشتها برضه مش قد كدة... الحاجة الوحيدة الكويسة ان كنبتها الخلفية واسعة جدا وشنطتها كبيرة...

ربنا يوفق!!!

[Ahmed TRAVCO]

اسف نسيت الار بي... انا عموما مبحبش الكوري... والار بي عربية ممكن تكون مليانة اوبشن بس على الطريق السريع ضايعة واعتقد الصني افضل على الطريق...

[mikology]

بص انا كنت طالع بالجين تو السما بصراحه عربيه محترمه جدا جدا وشكلها يخطف العين بس هو حته الخامات و التوكيل اللى مخوفنى منها بس - الاكسنت شكلها حلو بس فى الاخر الموديل مع الوقت بيقدم وانا زيك محتاج عربيه تشيلنى اكترمن انى اتفرج على شكلها بس و انا مابحبش الكورى سواء بالرغم من اعتماديته بس مش عارف مبحبوش
لحد ما جبت الصنى والحمدلله شايف انها من انسب العربيات للشارع المصرى و سعرها ممتاز و حماله اسيه و تستحمل المشوار
فانا بنصحك بيها ولو شكلها مش عاجبك ممكن تزود و تجيب لانسر بردو يابانى وعربيه ممتازه جدا
وربنا يوفقك للخير يارب

[ahmed salah90]

انا هكلمك على الصني علشان هي اللي معايا علشان مفتيش و هقول راي على الباقي على اللي سمعته و الله اعلم
اولا النيسان صني معايا الشكل القديم 2011
المميزات :
عاليه على الطريق - ثبات ممتاز على السرعات العاليه - محرك جبار اقوى عدد احصنه في السيارات الثلاثه المذكوره- تكييف ممتاز - مساحه داخليه معقوله واسعه من قدام و ضيقه بعض الشئ من الكنبه بس انت وسطن الكراسي بس معقوله- عفشه مالتي لينكس- صاج قوي - مواصفات امان كويسه اسمع 5 نجوم في التصادم - سياره معمره و توكيل جديد حدا
العيوب :
الضفيره فيها عيب بيظهر بعد حوالي 30 الف الى 40 الف كيلو متر يعني لازم تتابع مع الوكيل علشان لما يظهر تصلحه و هي عباره عن تعليقه في المحرك (عيب بسيط و هيغيرلك الضفيره و ممكن يكونو حلوها) - عفشه نشفه ( بس علشان العربيه عاليه و انت عاوز ثبات )- ضيق المسافه بين الكرسي و الكنبه (بس بيبالغو شويه ) معظم السيارات بقت كده بس هي ضيقه شويه - صوت المحرك عالي (ممكن يكون علشان الكاتينه جنزير ) - شكلها كلاسيك (انا الصراحه شاب و دي بدايقني شويه بس بنسى الموضوع لما بشد بيها بحس الحماس فبنسى الشكل)
اما وجه نظري في باقي السيارات المذكوره فهي اولا و اخيرا كوري و ماليزي يعني موش سمعه
لكن ليها مميزات وعيوب البروتو الجين تو و البيرسونا محركات حلوه و الجين تو عفشه رياضيه و ثبات بس خامت التابلوه موش حلوه و الهيونداي ار بي كوري اخرها ست او سبع سنين و هتتكل على الله انا مجرب الكوري و متعقد غير مافيش مواصفت امان

[DrAhmad]

الاكسنت حتشيلك اكتر من 6 سنين ان شاء الله
نصيحه هاتها عربيه حديثه وشكلها محترم