رايك يهمني : كورولا ولا النترا 2013

[أبو صلاح]

السلام عليكم
ان شاء الله هشتري سيارة جديدة لاني وظيفتي في الشركة اتغيرت واجبروني ان لازم اجيب عربية جديدة
انا محتار مابين النترا 2013 او كورولا 2013 اقل فئة اوتوماتيك
ايهم افضل خصوصا اني همشي بيها مسافات كبيرة في السعودية
غير متاح اي خيارات أخرى

[M I D O]

كورولا طبعاااااااااااا مفيش مقارنة بين الياباني و الكوري

[ahmedalaahosny]

اليابانى يكسب

[holomox]

كورولا

[4fun14]

اليابانى يابانى يا باشا
خصوصا مع الشغل الشاق وجو السعوديه

[Ahmed.Ali]

صراحه انا مش فاهم الكرولا دي لزمتها ايه اصلا كعربيه و سعرها في سعر الالنترا و السيراتو و هي فاضيه و هم فولي لودد

انا لو مكانك و رنج الـ60 الف ريال سيراتو وش لو منفعش تبقي النترا و شغالين هنا في قطر زي القرد و محدش اشتكي

[lamada]

اشترى الالنترا
التويوتاالكرولا راحت عليها

[S O P H O S]

كورولا فرأي
لا اليابان نقلت وعملت صناعة المحركات مثلا
وده ليه معني ..

[ahmed legend]

كورولا

[devil_storm]

النترا افضل

[mabxx]

كلمة واحدة تلخص المقارنه المتكررة دي...
لو عاوز عربية قوية وشبابية واعتمادية كويسة نسبيا "هتعيش معاك.. بس لازم تراعيها"
يبقى هيونداي النترا ...
لو عاوز عربية كلاسيك واعتمادية عاليه جدا "يعني تجيبها وتنساها" ... يبقى تويوتا كورولا
شخصيا اختار النترا ... اقوى وأشيك وأفخم شكل يحسسك انك في 2013 بخلاف الكورولا ...
حتى الناس في الخليج بقت تتجه للالنترا اكتر من الكورولا ..
وللكوري عموما اكتر من الياباني .. اعتمادية كويسه وبتستحمل .. وقطع غيار في كل حته وبسعر كويس
وتصاميم هايله وقوه رائعه ..
......
وعلى فكره ياجماعة ... كلمه ياباني وكوري دي انتهت من العالم كله ... عمر التقييم ما كان ببلد المنشأ
انا بختار بين عربيتين في 2013 ... ومش بقارن بين تاريخ كل واحده فيهم ...
واغلب معدات الحفر والاتوبيسات الجديدة اللي شوفتها في السعوديه كان مكتوب عليها Hyundai ... يعني شركة بتصنع حاجات عملاقة زي دي ... هيبقى صعب انها تصنع عربيات صغيرة؟؟
بيتهألي لأ طبعا (:

[buddha]

فعلا الكورى فى تطور دائم
وانا مع كلمة ان المقارنة بين كورى ويابانى خلاص انتهت

الصغير بيكبر... ومن الممكن ان التلميز يبقى افضل او يتفوق على الاستاز

[hossam_elwani]

كلمة واحدة تلخص المقارنه المتكررة دي...
لو عاوز عربية قوية وشبابية واعتمادية كويسة نسبيا "هتعيش معاك.. بس لازم تراعيها"
يبقى هيونداي النترا ...
لو عاوز عربية كلاسيك واعتمادية عاليه جدا "يعني تجيبها وتنساها" ... يبقى تويوتا كورولا
شخصيا اختار النترا ... اقوى وأشيك وأفخم شكل يحسسك انك في 2013 بخلاف الكورولا ...
حتى الناس في الخليج بقت تتجه للالنترا اكتر من الكورولا ..
وللكوري عموما اكتر من الياباني .. اعتمادية كويسه وبتستحمل .. وقطع غيار في كل حته وبسعر كويس
وتصاميم هايله وقوه رائعه ..
......
وعلى فكره ياجماعة ... كلمه ياباني وكوري دي انتهت من العالم كله ... عمر التقييم ما كان ببلد المنشأ
انا بختار بين عربيتين في 2013 ... ومش بقارن بين تاريخ كل واحده فيهم ...
واغلب معدات الحفر والاتوبيسات الجديدة اللي شوفتها في السعوديه كان مكتوب عليها hyundai ... يعني شركة بتصنع حاجات عملاقة زي دي ... هيبقى صعب انها تصنع عربيات صغيرة؟؟
بيتهألي لأ طبعا (:

كلام سليم

الكرولا مابقتش مرغوب فيها حاليا فى السعوديه والالنترا تتصدر المبيعات

[أبو صلاح]

شكرا ليكم على ارائكم ونصيحتكم لي

غالبا كده استقريت على كورولا لسبب واحد هو الانتشار سواء في التوكيل اللي موجود في كل حارة تقريبا و قطع الغيار وماسكة سعرها

مع اني شخصيا ميال شوية للهيونداي وارتحت لما قعدت جواها تحس فيها بالفخامة بس محتاج حاجة عملية

[mabxx]

شكرا ليكم على ارائكم ونصيحتكم لي

غالبا كده استقريت على كورولا لسبب واحد هو الانتشار سواء في التوكيل اللي موجود في كل حارة تقريبا و قطع الغيار وماسكة سعرها

مع اني شخصيا ميال شوية للهيونداي وارتحت لما قعدت جواها تحس فيها بالفخامة بس محتاج حاجة عملية

ربنا يوفقك ويباركلك في اختيارك
Good luck (: