محتاجين مقارنة بين الوحش الجديد سيراتو 2013 و النيو الانترا

[elkadry]

[OVERLINE][/OVERLINE]
[OVERLINE]

بسم الله الرحمن الرحيم

[/OVERLINE]

مبدأيا يا رجالة انا شايف ان في وحش جديد في الشكل نازل السوق

سيراتوا 2013
Kia Forte
Kia K3
و التلاتة واحد بس انا لاحظت في الفيديوهات و على اليوتيوب و على المنتديات الاجنبية انها نازلة بالاسماء دي و شوفت ليها حبة اكسسوارات تعقد الصراحة و شكلها من برا رهيب بس طبعا مش كل حاجة الشكل
المهم نخش في الموضوع علشان منضربش
انا مقبل على التفكير في عربية جديدة و كان في دماغي الاول السيراتوا بس طبعا بعد ما جربتها ثبات تيــــــــــــــــت و عفشة تيـــــــــــــــــت علشان عفشتها الى هيا المتصلة مش المنفصلة سمعت انها اتعدلت في الجديدة
و برضوا جربت النيو النترا بصراحة عربية مليون سحبها عالي قعدتها من جوة وهم من برا شكلها طبعا الكل بيحلف بية و النظام الجديد الى نازل فيهاا التحكم في الكمبيوتر العربية و دا بالنسبالى كوني راكب نوبيرا تطور وهمي في انك بتحدد انها تستخدم النظام الاقتصادي في البنزين او انها تشيلة و السحب و الى و الى و الى و الحاجت دي كلة دا تمام
مش عارف الكلام دا موجود في السيراتوا ولا لاء صراحة برضوا
سعر السيراتو الجديد مش عارف كام لحد دلوقت انا عارف انها بتختلف من فئة لفئة لإانا هحدد علشان برضوا منضربش الفئة الى هيا اوتو و فتحت سقف و جنط حديد عادى ولا عاوز مرايات ضم ولا جنوط ولا حساسات ولا حاجات العيال الفرافير دي خالص و كان بودي كمان تكون مانيوال اشد براحتى لكن كفانا الله شر القتال الكيك دون موجود

فيسلام بقا يا رجالة لو حد يلبي طلبي دا و مقارنة بين الاتنين و حبة صور كدا يالهوى بصوا يعنى انا ممكن اعزمة على 2 شاي اصلا بحليبوا

و يجعلوا عامر

[M I D O]

ال 2 حرام يندفع فيهم فلوس بالسعر الخزعبلي بتاعهم دة و الافضل تشتري حاجة ياباني او اوروبي بالسعر دة

[elkadry]

ايوة الى هوة كام بقا علشان انا واحد قالى ان السيراتو الجديدة دي عاملة 130 وواحد انهاردة بيقولى لا دا عاملة 180 الهاي لين و واحد فوق وواحد تحت فين الاسعار يا رجالة و فين المقارنات و مقارنة المكن و العفشة و الجسم و كل الكلام دا و بعدين لو وصلت لل 180 ما انا اجيب نيو جيتا 2012 هتتعمل 187 و مش محتاج بقا لا مقارنات ولا بتنجان المانى يا حج

[Hunting_Eagle]

معلوماتي ان السيراتو بتبدأ من 120 الف مانيوال لحد 196 ألف هاي لاين

جناااااااااان

[M I D O]

السيراتو الجديدة سعرها من اول 138 الف دي المانيوال و اول فئة اتوماتيك 148 الف و الهاي لاين 190 الف عندك بقي ستروين اليزية ب 109 مانيوال و الهاي لاين 135 تقريبا و اوروبي ونفس السعر للبيجو 301 غير كدة باقي العربيات الياباني

[elkadry]

طيب يا جماعة لحد دلوقت الكل اسعار تقريبا محدش عمدة حاجة مأكدة و فين المقارنة يا راجالة ميمكن اصلا الالنترا اجدع ولا ايش العملية بهورت و في كمية مشاهدات و مفيش ردود العربيتين ملوا البلد و ملوا الاجنسات خلاص الموضوع مش صعب ولا هوة صعب و اية الاخبار !! :d
الفئة الى بتكلم عنها الى هيا فتحت سقف و اوتو و ستيب ترونيك و بس لا جنط ولا حساسات و لا مرايات فولد ولا الكلام دا

[S O P H O S]

رينو فلوانس ممكن ؟

[Kareem.ElAraby]

SUBARU IMPREZA
SPECIAL ORDER = 185000
100 % Japanese
All Wheel Drive
Stable & Safe Ride
105 HP

NOTHING ELSE MATERS !

ford focus SEDAN, COMFORT TRIM
193000
GERMAN


BOTH CARS ARE BETTER CHOICE THAN CERATO NOR ELANTRA

PERSONAL OPINION,
NO OFFENSE

[ahmed asem]

الالنترا - السيراتو حاليا نفس الماتور
الالنترا انعم اوسع اجمل الي حد ما
عيب السيارتين انك لابد من شراء اعلي فئة كي تسمتع بالسياره
196 الف سيراتو - 185 الف النترا

انا ارشح الالنترا في هذه الفئة بجد سياره ساحرة بها كل ما تتمناه
وفي الاخر استخر الله

[DrAhmad]

Elantra

[ahmedelaraby]

انا نفسي اقول لحضرتك حاجة هو ممكن ترمي فلوسك ف الارض

يعني لما تكون السيراتو ب 195 ج و نيو جيتا 214 ج يبقي مين اللي يركب كوري ويسيب الالماني بكل ما في الالماني وعلى مستوى التجهيزات والاوبشن والموتور والقوة اكيد اكيد جيتا تكسب يبقى ازاي تقارن بين السيراتو والالنترا بالاسعار الخوزعبلية دي

حرام تدفع المبلغ ده وتجيب سيراتو او النترا

[Ahmed TRAVCO]

هوه حضرتك فعلا ممكن تدفع 195000 في الانترا او سيراتو؟؟؟؟؟ بصراحة يبقى حرام عليك جدا... انا شايف انك تشوف اوروبي او ياباني لان مش كل حاجة الشكل...
عندك جيتا... فانتازيا...شارك... فلوانس... كورولا... فوكاس... استرا..... الخ الخ
انما المبلغ دة حرااااام يندفع في الاتنين دول...
عموما عفشة السيراتو الجديدة بقت هي هي عفشة الالنترا فأكيد بقت انعم بكتير... من حيث الشكل بحس السيراتو اشيك وخصوصا الفوانيس ليدات... في الثبات طبعا ما اوعدش حضرتك خااالص... تخيل بعد ما تدفع ال190000 تلاقي العربية بتعوم بعد ال130 مثلا؟؟؟
فانا بنصح حضرتك تشوف عربية قوية ومتينة ويعتمد عليها في اللحظات الخطر لا قدر الله... مش عربية مبهرجة من برة وجوة وبعدين تكتشف انها بلاستيك في بلاستيك!!

ربنا يوفق!!

[mhr505]

السلام عليكم اخي العزيز ...
لو هتدفع 190000 في سيارة كوري يبقي بترمي فلوسك في الارض
انت ممكن تشتري بيها فانتزيا هاي لاين 2012 او 2011 احسن بكتير لا ليس هناك وجهه مقارنة بين الالماني و الكوري . من ناحية الثبات فالانترا بعد ال140 بتعوم و كذلك السيراتو . و هما حرام الدفع فيهم المبلغ ده . مش كل حاجة الشكل و بس .
و شكرا ........

[BoOoning]

هحاول اختصر كلامي في نقط , ومعلش استحملني شوية , علشان احاول اساعدك عن تجربة شخصية

1) لالنترا انعم اوسع اجمل الي حد ما داه صحيح فعلا , وكمان بيعب السيارتين انك لابد من شراء اعلي فئة كي تسمتع بالسياره
2) في الثبات طبعا ما اوعدش حضرتك خااالص... تخيل بعد ما تدفع ال190000 تلاقي العربية بتعوم بعد ال130 , والصاج طبعا ضعيف , يعني لو حادثه كبيره لا قدر الله يبق لو خرجت سليم تبقي معجزه
3) , والسعر حسب كونتاكت كارز 138,000ج - 196,000ج سيراتو / 139,000ج - 182,000ج النترا

4) فانا بنصح حضرتك تشوف عربية قوية ومتينة ويعتمد عليها في اللحظات الخطر لا قدر الله... مش عربية مبهرجة من برة وجوة وبعدين تكتشف انها بلاستيك في بلاستيك .......... كلام سليم 200 %
5) الافضل تشتري حاجة ياباني او اوروبي , ودي البدائل

164,900 Lancer EX

, 172,500 تبدأ أسترا الماني بس عيبها انها ضيقة شوية , والشنطة اصغر من الكوري

200,000 جيتا الماني

175,000ج تبدأ لغاية 210,000ج فورد فوكس الماني

191,900ج - 208,900ج هوندا سيفيك بقيت اعلي من الموديلات الاقدم

6) بالنسبة للفولكس معرفش لسه الفيتيس DSG 7 سرعات , لسه عامل مشاكل ولا
6)اتحلت , وفي نفس الوقت الكلام ينطبق علي الاسكودا بردو لو فيها نفس الفتيس