مقارنة شاملة بين وحوش أوروبا ..أفيدونى بالله عليكم

[KABOKY_2010]

السلام عليكم ورحمة الله وبركاتة.
دلوقتى انا فى أقصى حيرة بين العربيات دى

1. [size="4"]
2. فانتازيا 2010
3. جيتا 2010 (الفتيس القديم )
4. سيفيك 2010
5. بى أم دبليو 320 2006 واول 2007
6. بى أم دبيلو 318 2005

أولا: انا معايا من 150000 لحد 160000
ثانيا :أستخدامى أكتر داخل البلد وكمان انا ساكن فى منطقة مطبات من باب العلم يعنى ومعنديش ظامكانية أدفع بنزين 95 خالص
ثالثا: طبعا لازم تكون اوتوماتيك انا محتاج عربية فيها تكنولوجيا محسش انى راكب عربية غلية بس تكنولوجيا قديمة او شكل عادى كدة سحبها يكون حلو محسش انها بطة كدة وتقيلة وثبات طبعا عشان السفر والسرعات العالية عفشة مريحة كدة محسش بالمطب ولا بالحفر والعربية تكون فيها كماليات كدة ب ال 150000 الى هدفعهم دوول
رابعا:اسعار قطع الغيار تكون فى الحنين كدة واعرف اجيبها والصيانة بتعتها تكون غير مكلفة ومتكونش بتسحب بنزين كتير
خامسا :نفسى بجد اشوف اراء الناس والردود واطلع وأحس ان المنتدى افدنى زى ما انا متوقع واطلع من الموضوع دة وانا مستفيد واكون مقرر هشترى أية بالضبط وطبعا الموضوع مش هيفيدنى لوحدى فى ناس كتير هتستفيد معايا (أسف جدا للأطالة )
لو فى عربيات تانية ممكن تقولوا عليها .

[هانى القناوى]

ياباشا خلى بالك احتمال العربيات اللى اعلى من 1600 سى سى هايتشال الدعم منها الشهر اللى جاااااى ده احتمال والله اعلم انا عندى نفس المشكله كنت عايز بقيم زلموكه 94 e200
او مرسيدس عيون 96 e200
او اوكتافيا 2009 او 2010
او كورولا
الاصدقاء اللى شاركوا موضوعى عرفونى بموضوع البنزين ده بالنسبه للمرسيدس وحكايه الدعم
الاوكتافيا قالولى مشكلتها فى الفتيس سيبترونك واللى مايعرفشى يتعامل معاه هايقرفه وخصوصا صيانته
الكورولا مشكيلتها انها مش فى قوه ومتانه وثبات وامكانيات الزلموكه او العيون او اوكتاف

ونشوف برضوا راى الناس وخبراتهم علشان الكل يستفيد

[KABOKY_2010]

ياباشا خلى بالك احتمال العربيات اللى اعلى من 1600 سى سى هايتشال الدعم منها الشهر اللى جاااااى ده احتمال والله اعلم انا عندى نفس المشكله كنت عايز بقيم زلموكه 94 e200
او مرسيدس عيون 96 e200
او اوكتافيا 2009 او 2010
او كورولا
الاصدقاء اللى شاركوا موضوعى عرفونى بموضوع البنزين ده بالنسبه للمرسيدس وحكايه الدعم
الاوكتافيا قالولى مشكلتها فى الفتيس سيبترونك واللى مايعرفشى يتعامل معاه هايقرفه وخصوصا صيانته
الكورولا مشكيلتها انها مش فى قوه ومتانه وثبات وامكانيات الزلموكه او العيون او اوكتاف

ونشوف برضوا راى الناس وخبراتهم علشان الكل يستفيد

ياريت الناس ترد على الموضوع بتاعى عشان انا فى حيرة فظيعة
وبعدين مالة الفتيس السيبترونك ؟؟

[blazer]

الموديلات الى انت ذكرتها كلها ممتازره وتقريبا مفيهاش عيوب التصنيع
بس كل عربية ليها دماغها
يعنى ال bm مصاريف تشغيل عاليه و استهلاك بنزين اعلى + انها اكتر عربيه هتخسر فى اعادة البيع
بس فى المقابل افضل ثبات و اعلى اوبشن واحسن تسارع و برستيج

بعدها الاوكتافيا والجيتا هما الاتنين زى بعض تقريبا الفرق ان الاوكتافيها اوسع و اعاده بيع افضل و الجيتا اسرع فى السحب
السيفيك اقل مصاريف تشغيل و سحبها حلو جدا بس اكيد اقل من ال bm
فئة ال vti ممتازه جدا
انا لو مكانك هجيب السيفيك vti او الاوكتافيا وهبعد عن ال bm بسبب انها موديل اقدم و مصاريف تشغيلها اعلى

ولو بتفكر فى الزيرو بص على الامبريزا الجديده

[M I D O]

رايي خليك في الجديد احسن مهما كان المستعمل ماركة اية لية عيوبة برضو وحضرتك بالسعر دة بس تزود حجات بسيطة ممكن تشتري اوبل استرا سيدان الماني و كرولا ياباني دول افضل عربيتين

[KABOKY_2010]

فين الردود والمشاركات يا جماعة دة انا قولت الناس هتدخل ونتكلم ونتناقش اية الصحرا دى مع الاحترام والتقدير للناس الى أبدت رايها
فين رواد نايل موتورز

[Dr.M_baz]

أوكتافيا ..... بدات تنتشر بشكل كبير و فخمه واقتصاديه في البنزين ... قطع غيار بدات تنتشر خارج التوكيل وبسعر معقول مش هقول رخيص
بس تتبقى مشكلة السحب عليه اختلاف كبير من ملاك السياره و لكن الراي الغالب مش سريعه على السرعات القليله ((تجميع بطىء))
انا لا املكها ولكن ده من اراء الناس هنا في المنتدى وبعض معارفي

[KABOKY_2010]

أوكتافيا ..... بدات تنتشر بشكل كبير و فخمه واقتصاديه في البنزين ... قطع غيار بدات تنتشر خارج التوكيل وبسعر معقول مش هقول رخيص
بس تتبقى مشكلة السحب عليه اختلاف كبير من ملاك السياره و لكن الراي الغالب مش سريعه على السرعات القليله ((تجميع بطىء))
انا لا املكها ولكن ده من اراء الناس هنا في المنتدى وبعض معارفي

طب دة رأيك فى الاوكتافيا طب بالنسبة للعربيات التانية عندك خلفية عنهم ولا لا

[KABOKY_2010]

دة انا قولت ان الموضوع دة هيبقى جامد وناس كتير هتبقى مهتمة بية فين الناس دة انا كمان نفسى روؤساء الاقسام يدخلوا يقولوا رايهم يعنى رئيس قسم الهوندا ورئيس قسم الجيتا وهكذا الكل يقول نصيحتة كدة

[KABOKY_2010]

77 مشاهدة والمشاركات مش اد كدة مكنش متوقع من القسم هنا بصراحة

[Mahmode]

أنصحك بالأوكتافيا. عربية ممتازة وفيها أغلب المزايا. واسعة فخمة شنطة واسعة أوبشنز أمان عفشة قوية منتشرة سهلة الصيانة وقطع غيار متوفرة ومعقولة السعر. يعيبها طلعتها بطيئة نسبيا بس مش أوي. وتكييفها مش قد كده في عز شمس الظهيره الحارقة. وطبعا الجيتا فيها نفس العيبين دول يضاف إليهم إن الجيتا واطيه على الأرض ولو فتيسها dsg فا عليه كلام إنه بيبوظ. وقطع غيار الجيتا أغلى من الفانتازيا بس فيه قطع مشتركة ما بينهم. وطبعا الجيتا والأوكتافيا قريبين أوي من بعض بس أنا أصوت للأكتافيا باطمئنان.

السيفيك موضوع تاني. عربية موتور ممتاز بتاعة جري وشد و حركات و تكييف الياباني أفضل من الأوروبي وهيا عربية ممتازة مفيش كلام. يعيبها إنها واطية على الأرض وشنطتها أضيق من الفانتازيا وأوبشنز أقل برضه. وأظن قطع غيارها أغلى. من الآخر السيفيك شبابية أكتر والفانتازيا عملية أكتر وأفخم.

بالنسبة للبي إم. طبعا البي إم كماركة هي الأفضل. بس أنا لا أرشح عربية موديل قديم عشان حتفتح بقها كل شوية قطعة غيار عمرها ينتهي وتحتاج تغيرها دا غير إن كل ما الموديل يكون أقدم بيبان عليها الشقى والبهدلة :). وطبعا الموضوع آراء. يعني حتلاقي ناس تقولك بي إم طبعا يا باشا مش مهم السنة. أنا رأيي فانتازيا 2010 أبرك من بي إم 2006.

الخلاصة فانتازيا ومش حتندم بس تكون حالة ممتازة وفابريقة.

[S O P H O S]

بعيدا عن البي ام ,,,
اختار السيفيك