نيسان ولا بيجو 301 ولا اليزيه

[ashrafrbo]

انا كان معى نيسان صنى 2010 اوتوماتك وبعتها عايز اجيب عربية فى حدود 110 الف
الان محتار جدا اجيب اية نسيان الشكل الجديد
ام اضغط على نفسى واجيب بيجو 301 اوتوماتك اول فئيه ام اجيب سيترون اليزية
افدونى افادكم الله

[Muahmmad Honda]

انا مع نيسان لتوفر قطع الغيار و خدماتها و سهولة اعادة البيع :)

[akmm]

نيسان الجديد

[ALnadi]

أكيد الكفة الأرجح بيجو 301 اوتوماتك
وأسأل عن صاج النيسان وفرامل النيسان وعفشة النيسان
وطبعا فى فرق واضح جدا بين السيارتين فى التقفيل
ولازم تسأل وتستشير

[HaNo_ELBeh]

بص حضرتك احنا اتكلمنا فى الموضوع ده كتير جدا وممكن حضرتك تشوف باقى مواضيع الاعضاء ورايهم فى القصه ديه هتلاقى الرد على سؤالك
بس باختصار صعب انك تقارن النيسان الجديده بالبيجو 301 لان مكل عربيه تنتمى لمدرسه وفكر مختلف
من حيث الصاج التقفيل الخارجى والداخلى الشكل الخارجى وعوامل الامان والعفشه الخلفيه
واهم حاجه فرق الاسعار
بمعنى النيسان سوبر صالون ب 119500 ج
والبيجو 301 الهاى لاين 138000 ج
ده لو حضرتك هتحجز وتستنى 3 شهور لكن لو اوفر برايس شوف حضرتك
ولو حضرتك سألتنى رايك الشخصى هقولك بيجو 301 طبعا مع انى راكب نيسان الجديده بس البيجو عربيه تحفه عربيه تحب تشوفها كل يوم وتتفرج على جمال التصميم الفرنسى الرائع اما بالنسبه لقطع الغيار واعاده البيع
يعنى انا راكب عربيه موديل 2014 هفكر انى ابيعها ليه او هفكر فى قطع غيار ماعتقدش
حضرتك شوف ايه اللى ينسبك لان العربيات اذواق
واهم حاجه شوف مقدرتك الماليه وانزل واتفرج واسئل بنفسك لان كل واحد فينا هيقول لحضرتك اللى شافوا فى عربيته
انشاء الله ربنا هيوفقك للشئ الاحسن
تحياتى..

[Ramy Rateb]

البيجو عربية حلوة جداً بس ملهاش تاريخ معروف ( مش معروف ايه المشاكل فيها و لا صيانتها شكلها إيه و لا قطع غيارها متوفرة ولا ) و كل عربية جديدة بتنزل السوق الناس بتقلق منها لحد ما تنتشر و يبان مشاكلها. النيسان فى خلال سنة بانت بشكل كبير ايه هى أكبر مشاكلها و اللى فى رأيى تعتبر ممتازة بالنسبة لأسعار العربيات التانية اللى ولعت نار و على رأسهم الكورى .
شوف نفسك من أنى نوع .. لو انت مجازف و معاك فلوس البيجو يبقى توكل على الله بس تبقى عارف أنك ممكن تقابل مشاكل فى المستقبل مع الصيانات فى التوكيل لأن سمعته مش عالية لكن فى نفس الوقت راكب عربية اوربى .
لو بتحب الأمان و عدم المخاطرة و الفلوس محدودة يبقى نيسان و تتعايش مع مشاكلها البسيطة و انت كان معاك نيسان قبل كده و عارف ان التوكيل ممتاز و ناس محترمة.

بالتوفيق

[KoKyKa]

للحيادية

أرجو أن صاحب الموضوع يسأل نفس السؤال فئ قسم البيجو

طبعا انت فئ قسم النيسان فلازم تسمع نيسان

[ashrafrbo]

متشكرا جدا لحضرتكم جميعا على اراكم
بس احنا ديما نلجا لبعض علشان احنا اللى مجربين السيارات وكل شخص يقول راية امام ربنا مسئول عنة
كل مكان تروحة تشوف السيارات تلاقى مسئول المبيعات بحاول يقنعك بشى معين علشان كدة احنا اللى نساعد بعضنا عن طريق راى كل شخص حتى يتم تجميع فكرة عامة يستفيد منها جميع الاعضاء
مثلا
انا عضو فى المنتدى دة من زمان من وقت ما اشتريت العربية اللى بعتها وكنت بستفيد منة جداااا
ثانى شى ناس كتير هنا يشكرو فى النيسان الشكل القديم اللى كانت معى هى عربية جميلة بس كان بيظهر فيها مشاكل واهم مشكلة فيها البنزين ولما نويت اجيب الشكل الجديد اللى من راى احلا من القديم من حيث الشكل واستهلاك البنزين لقيت ناس كتير فى المنتدى تتكلم عن عيوب كتير فى من حيث الصاج الفرامل واحاجات اخرى
فكرت اضغط على نفسى اشوف البيجو او السيترون اليزية لقيت ناس كتير تكلم مشاكل توكليتهم وعن غلو قطع غيارهم لذذلك انا محتااااااااااااار ومحتاج بجد مساعدة

[ashrafrbo]

للحيادية

أرجو أن صاحب الموضوع يسأل نفس السؤال فئ قسم البيجو

طبعا انت فئ قسم النيسان فلازم تسمع نيسان

يا باشا دة القسم بتاعى وواثق فى اراء اعضاءة لو رحت قسم بيجو مش هلاقى حد يقول لى نسيان عربية حلوة

[S O P H O S]

اعتقد البيجو لو تحب التغير
انما لو السهولة نيسان طبعا

[mohjarr]

أنا معايا نيسان 2010 و معايا بيجو 301 هاى لاين و فارق شاسع بين السيارتين ... و ياريت حضرتك تكتب نفس السؤال فى قسم المقارنات و قسم البيجو إذا أردت أن تأخذ أراء كل الأعضاء و ليس أعضاء نيسان فقط الذين أتشرف بأن أكون واحد منهم أيضاً.