اشترى ريو ولا 301

[mostafanageib]

كنت عايز اخد رأيكم فى قرار الشراء انا صراحة محتار جدا هل اشترى كيا ريو ولا بيجو 301 او الاليزيه باعتبار انها هى هى نفس العربية
بس ياريت نشيل من المقارنة فكرة بلد الصنع لانها مش فارقة معايا اوى انا اللى يهمنى الاعتمادية والامان والابشنز والراحة فى الركوب والتعامل مع الصيانات داخل وخارج الوكيل و سعر اعادة البيع

[mostafanageib]

اشترى ريو ولا 301

كنت عايز اخد رأيكم فى قرار الشراء انا صراحة محتار جدا هل اشترى كيا ريو ولا بيجو 301 او الاليزيه باعتبار انها هى هى نفس العربية
بس ياريت نشيل من المقارنة فكرة بلد الصنع لانها مش فارقة معايا اوى انا اللى يهمنى الاعتمادية والامان والابشنز والراحة فى الركوب والتعامل مع الصيانات داخل وخارج الوكيل و سعر اعادة البيع

[mohamed haggag]

البيجو 301 --- الأعتمادية والأمان و الراحة في الركوب ولو هتغير بعد فترة طويلة

الكيا الريو --- الأوبشنز والصيانة واعادة البيع ولو هتغير بعد فترة قريبة

[amr-mohamed]

انا كنت زيك كدة بس الحمد لله حجزت 301 و لسة ماستلمتهاش
و اكيد الرفاهية فى الصينى و الكورى بس الامان و الثبات و الاداء و قطع غيار معمرة و عربية نفسها معمرة اكيد ل البيجو عشان كدة انا اخترتها

[mohjarr]

عند شرائى للسيارة كنت أضع فى إعتبارى ثلاثة إختيارات و هى التيدا و الريو البيجو ال301 .. بعد ما قارنت وسائل الأمان و الثبات و الوسع الداخلى و مساحة الشنطة و الشكل الخارجى و قوة الماتور وقع إختيارى على البيجو ال301
الريو سعرها أصبح مبالغ فيه بجانب أن مساحتها الداخلية صغيرة و أنا كان عندى سيراتو2011 هاى لاين قبل البيجو وكنت عاوز أركب حاجة أوروبى أو يابانى ولما شوفت البيجو بكل المميزات دى لم أتردد فى شرائها.

[S O P H O S]

ال 301 جميلة واعتقد ليها نجاح هيكون قوي

[khaabas]

شوف العربيتين على الطبيعة وصدقنى موش هتفكر فى 301 دى خالص

[mohjarr]

للأمانة كنت فى مشوار بوسط البلد و الطريق واقف ووجدت أحد الأشخاص يقترب من العربية و يسألنى بأن أفتح الزجاج .. و قام بسؤالى عن السيارة و ذكر لى أنه يمتلك كيا ريو 2013 و يعانى من نشوفية العفشة لدرجة أنه قرر تغيير السيارة و أنه حجز بالتوكيل فى فرع صلاح سالم و سيستلم فى دفعة شهر 9 ... عندما حدث هذا تذكرت سؤالك هنا لذا ذكرت هذا الموقف.

[2CODE]

للأمانة كنت فى مشوار بوسط البلد و الطريق واقف ووجدت أحد الأشخاص يقترب من العربية و يسألنى بأن أفتح الزجاج .. و قام بسؤالى عن السيارة و ذكر لى أنه يمتلك كيا ريو 2013 و يعانى من نشوفية العفشة لدرجة أنه قرر تغيير السيارة و أنه حجز بالتوكيل فى فرع صلاح سالم و سيستلم فى دفعة شهر 9 ... عندما حدث هذا تذكرت سؤالك هنا لذا ذكرت هذا الموقف.

نشوفيه العفشة !!!!!!!!
لأ نهائي اذا بيقول على الريو ناشفة ادعوه لركوب عربية بجنط 17 من البروفايلات اللي بتنزل مصر دي ويقول رأيه

باين ان الراجل اللي كلمته ده اول عربية يركبها وبيسمع من الناس وخلاص وبيكرر وراهم

[mohjarr]

نشوفيه العفشة !!!!!!!!
لأ نهائي اذا بيقول على الريو ناشفة ادعوه لركوب عربية بجنط 17 من البروفايلات اللي بتنزل مصر دي ويقول رأيه

باين ان الراجل اللي كلمته ده اول عربية يركبها وبيسمع من الناس وخلاص وبيكرر وراهم

أنا ماعرفش الراجل والله ده زى ما ذكرت كان موقف فى إشارة و حتى الراجل كان نفسه يسأل أكثر على البيجو ال 301 بس الطريق فتح .
أنا كان معايا سيراتوا 2011 هاى لاين بجنوط 17 وبعتها بسبب ذلك و كنت ما كملتش 20.000كيلومتر و عارف أد إيه العفشة بتاعتها ناشفة بس للأمانه أنا ماجربتش الريو و كانت إختيار من الإختيارات التى وضعتها فى الحسبان عن شرائى للسيارة ولكنى تجنبتها بعد رؤيتى للبيجو و مقارنة المساحة الداخلية و الشنطة و قوة الماتور و السعر الذى وصل إليه الكورى .
لذا أترك الرأى فى الريو لأصحابها .

[محمد عز]

الاجازة اللى فاتت انا اجرت كيا ريو سيدان موديل 2012

النسخة تقريبا خليجى لان كان فيه انذار السرعة عند 120 كم/الساعة حسب مواصفات الخليج

بالنسبة للمميزات من وجهة نظرى:

من اوسع العربيات اللى شفتها فى الفئة ده (B-segement) الاول انا كنت فاكرها سيراتو ، الصالون والشنطة واسعين مقارنتا بالسيارات اللى فى نفس الفئة

العفشة مش ناشفة زى السيراتو ولكن ليست ناعمة ، فى منتصف المسافة

اوبشنز صعب ايجادها فى نفس الفئة زى فتحة السقف ومثبت السرعة والبلوتوث ومرايات ضم واشارات فى المرايه.....الخ

موتور قوى 1400 سي سي وموفر فى البنزين

تسارع جيد بالنسبة لحجم الموتور

العيوب من وجهة نظرى:

واطية جدا وبتحك فى المطبات
تانك البنزين صغير جدا لدرجة ان كنت بمون فول تانك والتانك فاضي بنزين 92 ب 65 جنيه
ثابت غير جيد بعد سرعة 130 كم/الساعة وده مش عيب لانها سيارة مدينة فى المقام الاول
التكييف كنت حاسه ضعيف شويا

كمجمل العربية جيدة ولكن يعيبها ارتفاع السعر تقريبا ب 145 الف للفول اوبشن

وبالتالى شراء سيارة من الفئة التاليه الكبيرة بنفس السعر ستكون افضل

[M I D O]

البيجو تكسب ويليها الاليزية