ايه رأيكو في بي ام 320i مستعملة موديل 2009

[برنس الليالي]

العربية معروضة بحالة ممتازة جداً بس موديل 2009 وواقفة عليا ب 195 الف

تفتكرو تستاهل ولا متستاهلش ؟

بس العربية دي لو عملت احتياطاتي وعملتلها صيانة من ما جميعه حتتعب معايا بسرعة ولا حتشتغل تمام كأنها جديدة ؟

[yasserelsayad]

اولا العربية موديل 2009 فا مصاريف ايه اللى هتحتجها عشان ترجع جديدة .. هى العربية مش قديمة اصلا
وبالنسبة لموضوع تستاهل ولا لا ؟ يا باشا عيب تسأل سؤال زى دا دى بيمر يعنى مش محتاجة كلام

حاجة واحدة بس اللى ممكن تفرق معاك وهى صيانتها الدورية واسعار قطع الغيار لان انت كدا دخلت شريحة تانية خالص
متغركش انها بـ 200 الف لكن هيحسبوك على اساس انها بـ 400 الف عادى

[برنس الليالي]

اولا العربية موديل 2009 فا مصاريف ايه اللى هتحتجها عشان ترجع جديدة .. هى العربية مش قديمة اصلا
وبالنسبة لموضوع تستاهل ولا لا ؟ يا باشا عيب تسأل سؤال زى دا دى بيمر يعنى مش محتاجة كلام

حاجة واحدة بس اللى ممكن تفرق معاك وهى صيانتها الدورية واسعار قطع الغيار لان انت كدا دخلت شريحة تانية خالص
متغركش انها بـ 200 الف لكن هيحسبوك على اساس انها بـ 400 الف عادى

مهو عشان انا اول مرة اتعامل مع المستعمل حبيت استفسر بس ..

- لا موضوع الصيانة دي متفرقش معايا انا إن شاء الله اعمل الصيانة في معادها

هي العربية بصحة ممتازة زي متقالي بس انا عايز اروح بيها التوكيل عشان العربية ماشية 100 الف كيلو وعايز اشوف ايه نظام الموتور بس

طيب حضرتك تفتكر ان دي افضل ولا اوبل استرا الفئة التانية زيرو ؟

[shalaboka]

لو عامله 100000 يبقى 195 كتييييييير

[4fun14]

100.000 كتير اوى بالنسبه لموديل العربيه
ومشكله البى ام الاساسية مش فى انك تقتنيها قد ما تستحمل مصاريفها
خد بالك قطه غيارها غاليه جدا..وانصحك لو اشتريتها تأمن عليها

[برنس الليالي]

هي العربية حالتها ممتازة بس تفتكرو ان عدد الكيلوات اللي العربية مشاتها ممكن تكون اثرت على الماتور ؟

انا اساساً ناوي اروح بيها التوكيل الاول اعملها كشف شامل عشان اعرف فيها ايه

-- طيب هي العربية لو ممتازة ومافيهاش اي عيب وماشية عدد الكيلوات دا تستاهل كام آخرها ؟

العربية اعلى فئة للعلم

[برنس الليالي]

ودا إعلان بيع العربية

http://www........cars.com/usedcars_...?CarID=1274568

[برنس الليالي]

لو عامله 100000 يبقى 195 كتييييييير

بس معتقدش يا باشا ان السعر كتير على العربية عشان حالتها كالزيرو والمعاينة حتثبت اكتر وكمان العربية اعلى فئة اللي فيها فتحة سقف وزر تشغيل المحرك (ستارت إنجين) ومثبت سرعة واللذي منه

هي العربية يمكن تكون مشت كيلوات كتير عشان هي متعتبرش قديمة بس لو تعرف سعرها زيرو تستعجب عشان سعرها زيرو اعلى فئة عدا ال 350 الف واكتر بكتير كمان

[برنس الليالي]

100.000 كتير اوى بالنسبه لموديل العربيه
ومشكله البى ام الاساسية مش فى انك تقتنيها قد ما تستحمل مصاريفها
خد بالك قطه غيارها غاليه جدا..وانصحك لو اشتريتها تأمن عليها

طبعاً حأمن عليها وكله تمام بس انا حابب آخد رأيكو لو دا يعتبر احسن اختيار بالنسبة للسعر المحدد ولا لأ

[M I D O]

طبعا البي ام لا غبار عليها ولاكن رايي الشخصي بالمبلغ دة هات اوبل استرا جديدة لان الجديد احسن من المستعمل مهما كان هوة اية وكمان عشان الصيانات هتبقي ارخص بكتير من البي ام

[yasserelsayad]

طبعا هو مفيش وجه مقارنة بين 320i والاسترا
ثانيا بالنسبة للكيلو انا ماشى كتير جدا عشان بسافر كتير
عربيتى عاملة 160 الف كيلو
بس ما شاء الله شوف بقى الموتور لسه بحالته

[monamize4]

العداد مش مقياس خالص و ناس كتير بطلوا يبصوا عليه اساسا ,, الكشف ف التوكيل هو الفيصل

بس نصيحة ليك , اسال على اسعار قطع الغيار و الصيانة و الضريبة و شوف هتناسبك و لا لأ
متفتكرش انها عشان ب 190 الف يبقى مصاريفها هتكون زى الفانتازيا او الجيتا او الفوكس
بس ف نفس الوقت هى ركوبة مختلفة عنهم اساسا

[برنس الليالي]

طبعا هو مفيش وجه مقارنة بين 320i والاسترا
ثانيا بالنسبة للكيلو انا ماشى كتير جدا عشان بسافر كتير
عربيتى عاملة 160 الف كيلو
بس ما شاء الله شوف بقى الموتور لسه بحالته

تسلم يا استاذنا

بس تفتكر ان العربية مصفحة من تحت كفاية عشان المطبات متأثرش عليها ولا بتواجه مشكلة مع المطبات خصوصاً انها واطية جداً من الأرض

[yasserelsayad]

تسلم يا استاذنا

بس تفتكر ان العربية مصفحة من تحت كفاية عشان المطبات متأثرش عليها ولا بتواجه مشكلة مع المطبات خصوصاً انها واطية جداً من الأرض

لا التصفيح تمام مفيش فيه مشكلة
وبعدين العربية معايا مش بتحك طول منا راكب لوحدى او معايا حد جمبى
لكن لو معاك حد ورا والمطب وحش لازم تاخد المطب بالطريقة عشان تريح العربية

[shalaboka]

بس معتقدش يا باشا ان السعر كتير على العربية عشان حالتها كالزيرو والمعاينة حتثبت اكتر وكمان العربية اعلى فئة اللي فيها فتحة سقف وزر تشغيل المحرك (ستارت إنجين) ومثبت سرعة واللذي منه

هي العربية يمكن تكون مشت كيلوات كتير عشان هي متعتبرش قديمة بس لو تعرف سعرها زيرو تستعجب عشان سعرها زيرو اعلى فئة عدا ال 350 الف واكتر بكتير كمان

على فكره ال 320 بعد 2007 كلها فيها فتحه سقف و شاشه ده الطبيعى و برده بقولك السعر ده كتيير شويه على فطره انت ممكن تجيب c180 و موديل 2004 : 2007 بنفس السعر و الكيلومتر اقل و قطع الغيار ارخص و تقفيل المانى