بي ام دبليو قديم ولا سيتروين ax ولا 128

[moamen_badboy]

السلام عليكم

طلب مساعدة منكم لو سمحت

انا قدامي 3 عربيات والتلاته بنفس السعر تقريبا ومحتار حيرة التنين وطالب مساعدتكم

العربيات هي:-
1- 128 موديل 1990 مسقط موتور ريجاتا وتابلوه اوبل كورسا ومظبط العربية جامد قوي .. بس راشش جوا عشان كانت لونها ابيض ومغيره لونها -علي كلام صاحبها-
2-بي ام دبليو موديل 1980 والعربيه كويسه ومش محتاجه اي مصاريف خالص ومجهزه تكييف وزجاج كهربا وكده
3-سيتروين ax موديل 1998 وعربية كويسه برده بس محتاجه شوية مصاريف خفيفه تظبيط للصالون بس مش اكتر

انا عن نفسي بميل للسيتروين عشان موديل حديث نوعا ما ومش قلقان من قطع غيارها ولا ميكانكيتها ولا حاجه عشان سالت وعرفت عنها كل حاجة
ومش بحب ال128 خالص بس هيا متظبطه وشكلها حلو بس في الاخر 128 برده
والبي ام دبليو بقي عربية مفيش عليها كلام بس معرفش حاجه عن قطع غيارها وكده

ياريت اسمع رأيكم

[mohammed dodda]

من اطلاعى فى المنتدى- وليس تجربة شخصية- فيه اجماع ان قطع غيار البى ام دى غالية جدا ومصروفها كتير نظرا لقدم الموديل...أنا أرشحلك الستروين بما أنك عرفت نظامها فى الصيانة وخلافه.. وأساسا هيه عربية ممتازة بشرط الحالة...وابعد عن ال128 خالص

[M I D O]

من اطلاعى فى المنتدى- وليس تجربة شخصية- فيه اجماع ان قطع غيار البى ام دى غالية جدا ومصروفها كتير نظرا لقدم الموديل...أنا أرشحلك الستروين بما أنك عرفت نظامها فى الصيانة وخلافه.. وأساسا هيه عربية ممتازة بشرط الحالة...وابعد عن ال128 خالص

انا ماعرفش نظام الستروين بس ال 128 معا ابن عمي وعربية قطع يغراها برخص التراب ومريحاة بس يشترط الحالة بتاعتها عشان تريح

[moamen_badboy]

ال 128 بغض النظر عن شكلها اللي مبحبوش
ناس كتير خوفتني منها عشان الشاسيه بتاعها ضعيف والموتور جامد عليها ... وكمان عشان خاطر رشه دواخل

[M I D O]

ال 128 بغض النظر عن شكلها اللي مبحبوش
ناس كتير خوفتني منها عشان الشاسيه بتاعها ضعيف والموتور جامد عليها ... وكمان عشان خاطر رشه دواخل

شوف عربية تانية 128 تكون حالتها حلوة ومش راشة دواخل و العربية موتورها مش قوي عليها ولا حاجة دة 1100 سي سي مش كبير يعني هوة مظبوط علي العربية