فلوانس vs سيراتو vs النترا

[MR_FOX]

السلام عليكم

انا بافكر اشتري عربيه جديده من السعوديه في رينج معين .. لاقيت ان العربيات الكويسه الي قدامي هي النترا وفلوانس وسيراتو ... وكلهم تقريبا في نفس الرينج .

الالنترا حلوه وكنت مايل ليها .. وسعرها ب 65 الف ريال تقريبا .. اوتوماتيك وفيها فتحة سقف وجنوط و 1600 طبعا . بس الي قفلني منها ان مافيهشا ABS !!
وبصراحه قلت ماينفعش الواحد يشتري عربيه جديده 2014 ومايكونش فيها خاصيه مهمه للامان زي دي ..

السيراتو 2013 الشكل الجديد.. ودي سعرها 69 الف ريال... هاي لاين .. ومواصفاتها وكماليتها حلوه ... بس انا سمعت كلام عن عفشتها انها سيئه زي القديمه .. ومش عارف اذا كان ليها سلبيات تانيه

الفليونس 2014 .. ودي سعرها 63 الف ريال .. النص فل ..بس حاسس انها فقيره في الكماليات.. وخايف من قطع الغيار ..

ياريت لو حد ينصحني ويساعدني في الاختيار ..

وشكرا

[monamize4]

فكر ف الاسترا ,, هتعجبك اوى ان شاء الله

[hossam_elwani]

النترا ولف حتلاقى مواصفات مختلفه كتير عند الوكلاء والموزعين عندكم فى السعوديه
كان فيه مواصفات خرافه مكتوب عنها فى منتدى السيارات وتقريبا كانت 72000 الف

[Rsarabia]

هات النترا اهم حاجة يكون فيها ايموبيليزر و abs

[M I D O]

هات النترا اهم حاجة يكون فيها ايموبيليزر و abs

اتفق معاك تماما

[toty_305]

-ال Cerato الجديدة أحلى.

[S O P H O S]

الرينو

[foxy_moody]

باشا المقارنة دمتنفعش مش عشان نفس السعر يبقي نقارن بينهم السيراتو والالنترا مهما اتنططوا هما في الاول والاخر كوري حضرتك انا ركبت الالنترا الجديدة علي الطريق بتعوم في البحر الشكل القديم ثابت عنها ......

اما الفلوانس تتقارن بالجيتا والاوكتافيا لان دول عربيات اوروبي ركوبة تانية خالص غير الكوري ثبات امان ووسع ده كفاية صاج الفلوانس لوحدة امان ههههه
والفلوانس كماليتها ممتازة تقريبا نفس كماليا اوكتافيا a7 الي ب 290 الف


توكل علي الله وهاتها

[mbisar]

اكيد طبعا فلونس .. الكورى حاجه و الأوروبى حاجه تانيه خالص من ناحيه الأمان و جوده الخامات و الفخامه و بصراحه انى بحس ان الأوروبى كل سنتيمتر فى العربيه مدروس اما بالنسبه للكورى بحسهم يالا بينا نعمل عربيه و اى حاجه فى اى حاجه

[princex1]

متابع الموضوع ... مع احترامي ل فلوانس كمنتج أوروبي كما اشار الزملاء

[حسام فتحى]

لو هتنزل بيها مصر خلال سنتين الفلوانس لكن اختار اعلى فئه اللى فيها فتحه سقف وفرامل يد كهربا لان الفئه الاقل فى السعوديه فقيره فى الكماليات عكس اللى فى مصر لكن فى جميع الاحوال مواصفات الامان كال abs , ebd,immobilizer,2 airbags,وتدعيم للابواب وافضل eps فى السوق كل ده اساسى فى جميع الفئات وهى ثابته جدا على الطريق زى كل الفرنسى والاوروبى عموما وصاجها قوى
الالنترا لو هتبيعها وانت نازل افضل لان الاوروبى مالهوش سوق فى السعوديه لكن هتلاقى كل المواصفات اللى انت عايزها لان الكورى بينزل فئات كتير حسب ما انت عايز فعلى الاقل اختار abs

ملاحظه مهمه الاير باج بتزود حمايه فى الحوادث 9% فقط على الحزام بينما الحزام وحده حوالى 35% وبعض السيارات مصممه انها ماتفتحش الايرباج لو مش رابط الحزام