ا جماعة انا محتار جدا بين الياريس و السيتي 1300

[meyouhana]

الرجاء المساعدة

[Hossam_Hassan]

السيتى طبعا، تمنها فيها اما الياريس سعرها مبالغ فيه.

[إسلام شاهين]

بدون ما تفكر وبدون ما تحتار وبدون ما دور طبعا وأنت مغمض السيتي أحلى وأقوى وأعتقد إنها أرخص توكل على الله ومش هاتندم .

[memoo_1st]

السيتي طبعا افضل

[ابوحميد]

معلش
اسمحولى اقول وجهة نظر مختلفة
انا معاكم ان الياريس مبالغ فى سعرها لكن بص لها من زاوية انها قطع غيارها متوفرة اكتر وتوكيلها اكتر من ممتاز
:roll: :roll: :roll:

[meyouhana]

هل فية حد جربها؟؟؟؟؟؟؟؟

الصراحة انا خايف من التكييف خصوصا ان الهورس بور بتاع السيتي 86 بينما الياريس 92 و الناس ما بتشتكيش منة و السحب

[Karim_Monir]

الياريس معروفة وبتتباع وصناعة يابانية بالكامل
السيتي تقيلة قوي في بيعها وصناعة تايلند يعني في اجزاء داخلها كتير من تايلند
بس انا لو هاجيب ومش بفكر في بيع هاجيب السيتي فورا
عربية رائعة وبالتمن ده
ده انا اركبها لحد ما ضمانها يخص وبعد كدة ابيعها
وكمان في نقطة لصالح سيتي
قوة التحمل العام للجسم مش قصدي اختبار اللامان
واوسع شوية من الياريس
ونوتورها 90 حصان كانوا بيقولو كدة في المعرض

[kareem_Ashmawy]

السلام عليكم يا أهل المنتدى الكرام

بالنسبة لسؤال سيادتك

فأنا شايف ان السيتى أحسن بكتير

انا كنت امبارح فى المصرية و شوفت السيتى من برة و جوه

العربية هايلة

و فول اوبشن
اما الياريس لأ

و اما سألت امبارح لقيت ان لا ينقصها عن ال 1500 ABS

اما التجهيزات و الفرش هوه هوه

و انا قارنت الفرش بنفسى مع 1500 مانيوال فعلا هوه هوه

كمان فى ميزة جامد جدا تتفوق فيها السيتى

وهى الثبات

معظم الناس اللى معاهم ياريس بيشتكوا من الثبات
وواحد صحبى معاه و بيشتكى منها جدا فى النقطة دى بس
و انا شايف ان دى حاجة مهمة جدا عشان الطرق المصرية المعفنى
اللى بتلاقى نفسك فيها و لا كأنك بتلعب اتارى



ربنا يوفقك فى الاختيار




انا برده احتمال ادخل فى واحدة 1300
بس عايز اقسط على 50 الف مقدم
و 600 فى الشهر 72 شهر
بس لسه بدور على حد بيقسط كده

[معاذ الشرباصى]

انها قطع غيارها متوفرة اكتر وتوكيلها اكتر من ممتاز

للاسف قطع غيار الياريس مش متوفرة زى ما الناس معتقدة للدرجة

لسه الوكيل مجابش كل حاجتها

[tamohsen]

الفرق بين العربيتين مش كبير وكل واحده وليها مميزتها
من الأخر اشتري اللي هاتستريح ليها نفسيا لأن الأتنين صفقه رابحه

[Sharky]

السلام عليكم

رأى الشخصـــى يــــــاريــــــــــــس

[fahd_628]

يـــــــــــــــــــــــــــــــــاريـــــــــــــ ـــــــــــــــــــــــــــــــــــــس

[أبوسيف]

الفرق بين العربيتين مش كبير وكل واحده وليها مميزتها
من الأخر اشتري اللي هاتستريح ليها نفسيا لأن الأتنين صفقه رابحه

دة الرأى الصح ، لو جبت اى واحدة فيهم هاتكون مبسوط ، هات اللى انت مقتنع بيها.

[أبو عبدالله]

مع احترامي للكل بس الياباني ياباني
ولما الأتنين ياباني الياريس تكسب علشان التقفيل ياباني مش زي السيتي
وعلى فكره ده مش ذم في السيتي ولا حاجه ولكن اكيد اللي متقفله في بلدها احسن برضه حتى لو بدرجه
ده غير قطع الغيار والتوكيل والكلام اللي انتم عارفينه ده

[meyouhana]

شاكر ردودكم بس للاسف انا ازدت حيرة

بعد الردو الاولي اقتنعت بالسيتي خصوصا وان السعر و الشكل الداخلي في صالحها

بس بعد الردود الاخيرة رجعت للحيرة تاني


اشتري مين ؟


لو هركب سنتر و انذار للسيتي هيكلف كام ؟