النترا 2012 فولى لودد والا سيفيك 2013 اول فئة

[Sindibad]

السلام عليكم

معايا النترا 2012 فولى لودد يعنى كل حاجه
امامى سيفيك 2013 ال اكس اى بيز لاين وبفكر ابدل ايه رايكم؟
هندم والا مش هندم مش عارف السيفيك الجديدة دى اخبارها ايه

[amgomaa]

انا كنت نفس الحاله كان معايا النترا 2012 وبدلتها بسيفيك 2012 والحمد لله حاسس بتغيير جامد للاحسن

[Sindibad]

انا كنت نفس الحاله كان معايا النترا 2012 وبدلتها بسيفيك 2012 والحمد لله حاسس بتغيير جامد للاحسن

شكرا لردك لكن ممكن اعرف الفروق اللى انت حسيت بيها وهل الالنترا كانت معاك اى فئه لأن اللى معايا كل حاجه مع العلم ان كان معايا سيفيك 2007 قيل كده لكن مش عارف فيه فروق بينها وبين الجديدة؟

[ahmedshetewy]

السلام عليكم

معايا النترا 2012 فولى لودد يعنى كل حاجه
امامى سيفيك 2013 ال اكس اى بيز لاين وبفكر ابدل ايه رايكم؟
هندم والا مش هندم مش عارف السيفيك الجديدة دى اخبارها ايه

x السيفك طبعا مفيش كلام ( كفاية ثباتها )

[amgomaa]

شكرا لردك لكن ممكن اعرف الفروق اللى انت حسيت بيها وهل الالنترا كانت معاك اى فئه لأن اللى معايا كل حاجه مع العلم ان كان معايا سيفيك 2007 قيل كده لكن مش عارف فيه فروق بينها وبين الجديدة؟

العفشه التحكم الثبات الخامات خامة الكراسى كل ده احسن بس لو الالنترا عجباك ومش عامله معاك مشاكل ليه تغيرها انا اللى كانت معايا كانت هاى لاين خليجى العفشه كانت زفت لدرجة اى حفره مطب كانت بتسمع حتى فى الطاره و كمان الابواب و الطابلوه وكل حاجه فى العربيه كانت بتزيق بطريقه غبيه والعربيه مكانش معاها ضمان فخفت احسن توسع منى ومعرفش ده كان فى الانترا بتاعتى ولا عامة وكمان انا كنت متعود على الهوندا من زمان انما لو عربيتك ماشيه معاك كويس ومعاك ضمان و مش مديقاك خلاص ليه تغيرها وربنا يوفقك

[yasserelsayad]

لو فى القديمة ممكن اقولك سيفيك كل بصراحة الموديل الجديد مش قد كدا من الداخل والخامات كلها بلاستك ومتحسش ابدا بفخامة
انصحك تستنى وتشوف النسخة المعدلة منها هتنزل مصر امتى .. دى هتكون احسن بكتير من موديل 2012 - 2013
وبعدين احسبها كويس يعنى انت هتدفع ايه مقابل ايه
ايه اللى هينقص هيقصر معاك وايه اللى ملوش لازمة ومش هيفرق .. ومتسبش ودنك لحد عشان مياكلهاش

[hossam_elwani]

اعتقد انك حتندم

[Rsarabia]

تبيع النترا من الزيرو فولى لودد مليانة كماليات و شكلها احلى بكتير من السيفيك الجديدة مستعملة ؟؟
اكيد صفقة خاسرة
عارف لو مش فولى لودد او فيها غلطة زى مثلا مفيش ايموبيليزر او abs كنت هتكسب كتير

[ياريساوي]

السيفيك شكلها هيتغير قريب السنة دي او الجاية

[ahmedeihab]

المهم انت عايز ايه

بتحب الكماليات الكتير و الكلام ده انت معاك فولى لودد

بتحب الثبات و الجرى و ألخ خليك فى السيفيك

المهم انت احتياجاتك ايه

بس انا ارشح هوندا طبعاً

^_^

[ahmedwagdy03]

السلام عليكم

معايا النترا 2012 فولى لودد يعنى كل حاجه
امامى سيفيك 2013 ال اكس اى بيز لاين وبفكر ابدل ايه رايكم؟
هندم والا مش هندم مش عارف السيفيك الجديدة دى اخبارها ايه

أعتقد و الله أعلم إنك حتندم أشد الندم .
.
.
.
.
.
.
.
.
.
.
.
.
.
.
.
إنك مجبتش سيفيك من الأول



رأيى الشخصى ( عن تجربة للكورى فى مصر و السعودية و السيفيك فى السعودية) هو إن السيفيك مهما قالوا إنها شكلها وحش (و هذا لا أعتقده ) و إنها ياي بقت تركى ( علما إن مصنع تركيا ينتج هوندا منذ 1992) إلا أن فى النهاية الهوندا تكسب .
و ماتأخذنيش فى التشبية : الكورى عامل زى بنت متوسطة الجمال أهلها بيجملوا فيها بالعافية ( أوبشنز بقى و دلع ) علشان تلاقى نصيبها إنما اليابانى و بالأخص الهوندا فمش محتاجة

[SAMEH_FOUAD]

على فكرة ياجماعة والله والله السيفيك شكلها مش وحش ولا حاجة بالعكس شكلها جميل جداااا وحلو اوى , هية عشان العربية مش عاجبة ناس كتير من الخلف يبقى العربية كلها شكلها وحش ؟؟؟؟؟؟؟؟

طيب مانت عندك الالنترا نفسها شكلها مش بينزلى من زور من الخلف , وفية الوان فيها استغفر الله العظيم شكلها غريب جداااااااااااا

السيراتو الجديدة , شكلها من قدام وحش جدااااااا , وخصوصا وهية بتنور بليل بالشرايط الليدات الى واخدين شكل ودن الارنب دول , لكن من الخلف جميلة , بعكس الموديل كانت من الامام جميلة ومن الخلف بشعة

يعنى انا راضى ذمتكم دية منظر عربية شكلها وحش





مش الناس كلها بتقول ان شكل السيفيك الجيل الثامن اشد وان دة صغر عن الاول طيب ماتجيى نشوف كدة

[Thebutcherr]

يعنى انا اسف بس من غير ما رجالة الالانترا يتضايقوا احنا بنقارن ايه بايه؟!!! ادا كان انا معايا مازدا 3 هاي لاين 2008 و لما كنت بركب السيفيك البيزك بتاعة اخويا ماكونتش ابقى متضايق خالص و لو كان قاللى بدل كنت هقول ماشى!!
يعنى بس خلينا واقعيين يا جماعة فرق فى العفشة و الماكينة و الفرامل و الجودة و الخامات !!

[amgomaa]

انا كان معايا العربيتين بالنسبه للشكل احب اقول ان السيفيك شكلها متناسق يعنى ماشى مع بعضه على العكس من الالنترا

[sanhory]

خليني اتكلم في نقطة واحدة

السيفيك ال baseline فيها VSA
حط بقى ال VSA ده في كفة و كل الحبشتكنات اللي في الفولي لودد في الالنترا في كفة