افضل سياره مستعمله فى حدود 15000 الى 20000

[سامى ادور]

عاوز اشترى عربيه ودى هتكون الاولى ليا وهتعلم عليها السواقه
مش عارف ايه فضل عربيه مناسبه خصوصا انى استخدامى ليها مش هيكون كتير يعنى مشواريين تلاته فى الاسبوع وكل مشورا تقريبا 30 او 40 كيلو
بحيث تكون سهله البيع لما احب اغيرها واجيب احدث
تنصحونى بايه

[mohamedrabia]

هو في الحدود الي حضرتك ذكرتها اعتقد مش هتخرج عن اطار الفيات 128-127-131
ممكن مازدا 323
ممكن ماروتي موديل تسعينات
وبالنسبه لمشوارك كلهم اعتقد هيكونوا كويسين

[سامى ادور]

شكرا لرد حضرتك
بس انا فيه واحد صاحبى قالى ان 128 دى كبالن وابعد عنها
قالى هات حاجه كرونه تستحمل
معلش انا مفهمش حاجه فى الكلام ده
ايه راى حضرتك

[ahmedteam]

ال 128 ميزتها انها سهله البيع و الصيانه بس هتفرق معاك الحاله

[dodo2000]

131 - لادا

[su35flanker]

شكرا لرد حضرتك
بس انا فيه واحد صاحبى قالى ان 128 دى كبالن وابعد عنها
قالى هات حاجه كرونه تستحمل
معلش انا مفهمش حاجه فى الكلام ده
ايه راى حضرتك

هو بيقولك الكبالن ابعد عنها على اساس انها بتتغير كتير عشان ال 127 و 128 اغلبهم بيركبو حاجات مشى حالك
الكورونا عمرها الافتراضى طويل و دى الموجوده غى 131 جر خلفى بس لما تكون حالتها حلوه و موتورها اغلبه 1600 سى سى
افضلهم بدون كلام 131 من حيث الاستحمال و الاعتماديه
ال 127 اخفهم بموتور 950 سى سى و هتكون مريحه فى سواقتها لصغر حجمها على افتراض جودة حالتها
الفيات 127 و 131 سوقهم شغال و بتلاقى لهم بيعه من غير مشاكل
اغلاهم ال 131 و كلهم تحت 20 الف ما عدا حالات خاصه فى 131 بتكون مشدوده جامد , هتجيب ال 127 بمتوسط 12 الف

[سامى ادور]

ايه رايك حضرتك فى البيجو 305
والفيات الريجاتا

[S O P H O S]

ماروتي او 127 ..

[ahmed legend]

ارشحلك المازدا 323 عربية يبانى وناعمة وقطع غيارها متوفرة ومعمرة جدا واقتصادية جدا فى البنزين عيبها الوحيد انها واطية

[A3SAR]

مازدا 323
او
سويفت هاتشباك
ربنا معاك

[4fun14]

المازدا 323

[elhelwany188]

السلام عليكم ورحمة الله وبركاته ...
131- 1600 سى سى ...
128 - 1300 سى سى ...

[سامى ادور]

شكرااااااا للردود
طب ال 131 سعرها مناسب فى حدود الميزانيه بتاعتى
وهل استعمالها للبنزيين عادى ولا كتير وقطع الغيار
لان شوفت صورها الحقيقه جميله وواسعه عن 128