التصفيات قبل الأخيره

[wizardprince]

انا عارف ان الموضوع طال بس انا زهقت جدا من كتر العربيات !!


انا الاقي ميزه قبالها عيب،، فأخيرا الحمد لله توصلت لحاجتين هقارن بين ٤ حاجات و ربنا يسهل!!


انا كاحتياجات محتاج الأتي:

ليست كوري او صيني

سقف الأسعار ١٣٠

ثبات حتى سرعه ١٤٠ على الأقل

قطع الغيار متوفره

عوامل أمان كويسه

اوتوماتيك

سعر البيع مره اخرى يكون كويس


مستعمل او جديد مش مشكله بس المهم تديني سعر لو بره الاختيارات،،

شكرا،،

[Maghraby1987]

اولا الاسترا 2008 عمرها ما تعدي ال100 الف جنيه
130000 ليه مفكرتش في السيتروين سي اليزيه او بيجو 301 ال حتي نيسان تيدا؟
قصدي يعني ليه مستعمل لما ممككن تجيب جديد؟

[wizardprince]

اولا الاسترا 2008 عمرها ما تعدي ال100 الف جنيه
130000 ليه مفكرتش في السيتروين سي اليزيه او بيجو 301 ال حتي نيسان تيدا؟
قصدي يعني ليه مستعمل لما ممككن تجيب جديد؟

أولا انا بتكلم عن الأسترا توب لاين او gtc و شوفت متوسط الأسعار لقيتو كدا!!

سي اليزيه و بيجو ٣٠١ حصل معاهم مشاكل دلوقتي للي مستلم و يا عالم بكره هيحصل ايه كمان!!
مع اني من عشاق الستروين بس بجد سعر البيع تاني مش مخليني متحفز و متشجع زي اللانسر مثلا!

نيسان تيدا حلوه جدا بس اما تقارن بمتسوبيشي لانسر و خصوصا اني هجيب دا جديد و دا جديد!


ياريت لو حد يقدر يعمل مقارنه بس عمليا مش نظريا !!

أعتذر للإطاله و شكرا،،

[Maghraby1987]

أنا كان معرض عليا أسترا ٢٠٠٧ ٤ باب كامله انجوي ٢٦ الف كم ب ١٠٠،٠٠٠ جنيه عشان حاله زيرو
و واحدة تانية gtc ٢٠٠٨ فابريكه برضه عامله ١١٠ الف كم ب ٩٥،٠٠٠ جنيه
والكلام ده من شهر بالضبط
عشان كده بقولك الأشعر دي مبالغ فيها مش اكتر

[M I D O]

لو من حضرتك اكيد لانسر بومة بدون تفكير بس 1600 مش 1300

[wizardprince]

شكرا ليكو يا جماعه و ان شاء الله لما أستقر اكيد هوافيكو بالتقرير،،

حال البلد يخوف اساسا انك تشتري اي حاجه!!

[amr011111]

نيسان تيدا افضل
زيرو - فرامل abs+ebd+ba
اتنين ايرباج
مرايات كهرباء

[wizardprince]

نيسان تيدا افضل
زيرو - فرامل abs+ebd+ba
اتنين ايرباج
مرايات كهرباء

حضرتك متخيل مقارنه الوحوش اللي دخلت فيها نيسان تيدا؟؟

[Maghraby1987]

النيسان تيدا سحبها ممتاز والثبات علي السرعات العالية ( اكثر من ١٥٠ كم/س) جيد جداً ومش بتحك في المطبات
و اهم مييزه فيها الصالون واسع جداً

[wizardprince]

النيسان تيدا سحبها ممتاز والثبات علي السرعات العالية ( اكثر من ١٥٠ كم/س) جيد جداً ومش بتحك في المطبات
و اهم مييزه فيها الصالون واسع جداً

حضرتك دخلت التيدا مع الاسترا و الليون و البوما!!

[omar-saad]

حضرتك دخلت التيدا مع الاسترا و الليون و البوما!!

على فكرة العربية حلوة جدا
انا كنت مفكر زيك كدا
لحد ما واحد صاحبى اشتراها
احسن من البومة على الاقل !

[wizardprince]

و الله ندخلها كمان في الليله :))

[ahmedz310]

والياريس الهاتشباك الجديدة ايه ظروفها انا شايف ان فيها جميع وسائل الآمان واعتمادية تويوتا معروفة

[wizardprince]

والياريس الهاتشباك الجديدة ايه ظروفها انا شايف ان فيها جميع وسائل الآمان واعتمادية تويوتا معروفة

الياريس ورق على الطريق السريع O.o

[KABOKY_2010]

السعر الى معاك يجننك بس هات حاجة كويسة وتعيش وممكن زيرو عار يا كوتش انا معايا 160 وهجيب مستعمل لان العربية الى عايزها هى فانتازيا من اول 2010 بص يا كبير الاول تحدد انت عايز كورى ولا يبانى ولا المانى جميل وبعد كدة تشوف عايز مستعمل ولا جديد ولو وكمان عايز هاتشباك ولا سيدان وتشوف احتياجاتك اية للعربية وعايزة للسفر الكتير ولا جوة البلد اكتر حاجات كتير اوى بتحدد الحاجة الى انت عايزها انت مش رايح تجيب موبايل دى عربية ومبلع مش صغير فكر وانا تحت امرك فى اى استفسار


ولو مستعمل هيبقى الاختيارات كتييييييييييييييييييير اوى حدد الاول واسمع منى انا فى حيرتك بقالى 5 شهور لحد ما استقريت