إعـــــــلان

Collapse

.

,
See more
See less

مقارنه محيره..ارجو المساعده...

Collapse
X
 
  • Filter
  • الوقت
  • Show
Clear All
new posts

  • مقارنه محيره..ارجو المساعده...

    السلام عليكم...كنت ارجو الحصول على مساعدتكم يا جماعه علشان كنت بدور مؤخرا على سباره مستعمله فى حدود ال 80000 او 85000 الف...و اصلا كنت بدور على نيسان تيدا 2008 او 2009 و شايفها افضل اختيار بالنسبه لى...بس نظرا لقله و ندره التيدا اللى حالتها كويسه , بدأت ادور على بدائل فى نفس الرنج و الكفاءه....فى ناس قالتلى على اللانسر(الشكل الجديد (الشارك)) 2010 لانى مش بحب الشكل المعتاد (البومه) بس المشكله انى معرفش كتير عنها و مش عارف ايه نظام الصيانه و قطع الغيار بتاعتها..... فى ناس تانيه بترشح الميجان 2007 او 8 او 9 ...و العربيه عاجبانى اوى..بس سمعت كلام عن مشاكل فى الميجان فى الموديلات دى و انها فيها مشاكل صناعه و بتبقى مزعجه فى الصيانه .... اخيرا فى رأى بيقول اوبل استرا...بي برضه مش عارف هل توكيلها و صيانتها و قطع غيارها هتبقى كويسه و لا لأ؟
    دلوقتى انا محتار...
    هل افضل مركز فى التيدا؟
    هل اللانسر الشارك اختيار كويس؟ وليه؟ و ايه نظام صيانتها و قطع غيارها؟
    هل الميجان فعلا فيها مشاكل؟..و هتضايقنى فى الصيانه ..و لا الكلام ده مش صح؟
    هل الاوبل استر اختيار حلو؟ و لا برضه هتبقى مزعجه فى الصيانه و قطع الغيار وهتبقى غاليه؟
    ملحوظه بس انى مش بميل للكيا او الهيونداى و الشيفروليه...علشان كده استبعدتهم نت الاختيارات....
    شكرا مقدما يا جماعه

  • #2
    السلام عليكم
    لانسر شارك في رأيي طبعا... وبلاش ترعب نفسك قوي كدة من موضوع الصيانات وقطع الغيار... صدقني هتلاقيها في نفس رينج الميجان والاسترا... بس الناس دايما بتحب تبالغ عن دون علم... انا عن نفسي لسة عامل 12000 كم ومدخلتش في الصيانات التقيلة.. بس اللي اعرفه ان قطع غيارها الاصلية معمرة... بوجيهاتها بتتغير على 80000 وسير الكاتينة جنزير مش بيتغير... ده على سبيل المثال... بس طبعا لحد 2010 كانت بتنزل بفوانيس زينون وعدسات afs وسعر الفانوسين الاصلي في التوكيل سمعت انه بيوصل 6000 بس برضه اي فوانيس afs في اي عربية هتبقى بنفس السعر تقريبا...
    انما كعربية... ممتااااازة جدا ولو حضرتك سوقت البومة مثلا هتحس بفرق فظيع في الثبات والقوة والتقل على الارض... العربية ملهاش حل واوسع من الاسترا والميجان... الميجان انعمهم عفشة وثباتها جميل وتوكيل رينو كويس (رغم ان مركز الخدمة اللي عندي في البحر الاحمر سيء جدا)... الاسترا طبعا عربية الماني ممتازة بس عن نفسي بشوفها ضيقة شوية واسوأ حاجة فيها توكيلها... لو عايز اوبل شوف فيكترا...
    القصد... انا ارشح الشارك لان ادائها على الطريق فوق الممتاز وممكن تاخد غرز وانت ماشي 200 عااادي جدا بسبب قوة تحمل الشاسيه اللي بيركب عليه الايفولوشن ب400 حصان واكتر... زائد طبعا العفشة الخلفية الممتازة في الشارك وشوية الكماليات الحلوة في فئة الهاي لاين... زائد ان الشارك بصراحة بصراحة موجودة من 2008 وعمرنا ما سمعنا عنها مشاكل متكررة او عيوب تقفيل مثلا... بصراحة كاعتمادية الشارك تكسب...

    ربنا يوفق
    [FONT=Palatino Linotype][SIZE=4][COLOR=navy]Ahmed Fawzy[/COLOR][/SIZE][/FONT]

    Comment


    • #3
      طالما مش حابب البومة يبقى الشارك افضل اختيار في التلاتة...ربنا يوفقك

      Comment


      • #4
        شارك
        [COLOR=Black]الحمد لله عدد ما احصى كتابه و الحمد لله على ما احصى كتابه
        الحمد لله ملء ما فى السموات و ملء ما فى الارض و ملء ما بينهما [/COLOR]
        [img2]http://nileup.com/up/uploads/nilemotors_13651184541.jpg[/img2][COLOR=Black]
        [SIZE=4] You decide on your speed. Physics decides whether you live or die(بأمر الله طبعا)[/SIZE][/COLOR]

        Comment


        • #5
          شكرا يا جماعه بشده على الردود ....المشكله بس انى لسه بفكر فى التيدا...و مش عارف افضل وراها شويه كمان و لا ابتدى ادور على حاجه من الحاجات التانيه...

          Comment


          • #6
            الشارك عربية ممتازة لاكن يبقي عيبها الكبير اسعار قطع الغيار الغالية جداااااااااااا
            . . . . . . . . . . . . [SIGPIC][/SIGPIC] . . . . . . . . . . . .
            . . . . . . . أة يــا تــيــشــيــرت الـــعـــمـــر يـــا أبــيـــض ... انـــا الـــزمـــالـــك انـــتـــو مـــيـــن ؟؟ . . . . . . .
            و ارجــع روحــك عــالــيــة لـلـجـمـاهـيـر الـغـالـيـة و انـسـى كــل مــا فــاتــك و قــدم كــورة تـانـيـة ♥♥ ZAMALEK ♥♥

            Comment


            • #7
              شكرا ليكوا يا جماعه..و ان كنت لسه بفكر برضه..

              Comment


              • #8
                الشارك افضل
                لكن وقت الشراء اجيب التيدا
                كرأي فقط
                وحاول تسأل علي قطع الغيار الاصلية زي فانوس كامل من التوكيل
                قبل ما تاخد قرارك ..

                Comment

                Working...
                X