مرسيدس

[هانى القناوى]

مقارنه بين
مرسيدس e200 العيون و مرسيدس c200 العيون

1 / بدايه انتاج العيون فى ال e و c
2 / اسعار قطع غيار مين الارخص ومين اللى متوافره
3 / مين اللى اعطاله اقل ومين اللى الصنايعيه تفهمله اكتر
4 / الابشن مين اكتر
5 / الحجم الداخلى مين اوسع
6 / استلاك البنزين كام
7 / الاداء والقوه وشده التكيف وعدم سخونيه العربيه فى الصيف
8 / الاسعار تبدا فى حدود كام للفل ابشن كامله من مجميعه

[هانى القناوى]

اه نسيت ياريت حد يقولى ايه افضل موديل ولمااااااااااااااذا

[هانى القناوى]

الموضوع ليه 4 ايام وماحدش عبرنى فيه

[هانى القناوى]

[ahmedalaahosny]

استاذ هانى يااااه هو حضرتك لسة بتدور برده ده انا متابع من ايام الاوكتافيا والكورولا والزلموكة 94 بالنسبة لاسئلة معاليك اساسا الفئة c كان تقريبا اصغر من الفئة E ف الصالون مش نفس فخامته بس فى نفس الوقت كان شكله من بره جميل اوى اوى عن العيون لان فوانيسه كانت مايله مش زى العيون 96 كانت الفوانيس واقفة طبعا دى ازواق بداية العيون ف ال E كان 95 مع ان فى زلموكة 95 برده بس كانت نزلت بموتور العيون الانجيكشن بالنسبة للاعطال اعتقد اللى حالته هتبقى نضيفه هو اللى مش هيتعبك معاه بس ال e200 تكسب ف حوار قطع الغيار اللى شفتها انصاص كتير ف بورسعيد واساسا عمرة المكنة المرسيسدس على مليون كيلو متر بالنسبة للتكيف والسخونة اكشف عليها كويس وشوف التكيف بس اعتقد ان الc200 العيون بتاعها كان اسمه رموش ودى كانت كانت بعد 2001 وتمنها كان بيلعب ف 190 و200 للحالات النضيفة طبعا دى اسعار قديمة شوية لان مافيش مرجع لاسعار المرسيدس c لانها ماانتشرتش اوى زى ال E ودى كانت بتنزل بمكنة كومبريسور بالنسبة للُE اخرها 150 الف للنضيف بالنسبة لاستهلاك البنزين ماعرفش عنه اى حاجة بس اهه الحمد لله ان الوزارة خلعت قبل ماتطبق قانون الكروت وتحديد اللترات ده اتمنى اكون افدت معاليك وكنت اتمنى افيد معاليك اكتر بس اعذرنى انا ماعرفش حاجة ف المرسيدس

[هانى القناوى]

ههههههههههههههه اعمل ايه يا استاذ ahmedalaahosny بجد مشعارف اقرر ولا اختار كل يوم اعجب بعربيه وتعبت وزهقت بس اهوه بحاول اعرف اى معلومه عن اى عربيه تعجبنى
انا عارف فى ناس زهقت منى هههههههههههههههه
وشكرا على توضيحاتك

[هانى القناوى]

يعنى ايه كومبرسور؟

[هانى القناوى]

هل e200 موديل فوق 98 قطع غياره غاليه اوووى سواء استيراد او جديد (هو فيه قطع غيار جديده) ولا كله استيراد
طيب e200 فضل ولا240 من ناحيه استهلاك البنزين و التراخيص واداء العربيه
هى بنزين 90 ولا92 ولا95 ؟
معلشى تاعبك وداوشك معايا

[ahmedalaahosny]

العفو ياباشا انت تؤمر اجاوب سؤال سؤال اولا كومبريسور يعنى هورس باور اعلى بالنسبة لموضوع قطع الغيار هو الخنزيرة والتمساحة والزلموكة والعيون اللى هى تسعينات و بداية الالفينات اللى هى فوانيسها مايلة شوية

هما اللى انتشروا كويس اوى عشان كده قطع غيارهم متوافرة كويس سؤاء استيراد او غيره بعدين هو فوق ال 2001 لما انا اشترى عربية بالتمن ده عشان اسيبها لصنيعى يعك فيها اكيد لا بتروح التوكيل اما بالنسبة لحوار ال200 و ال240 الفرق ف المكنة ال 200 2000 سى سى اما 240 دى 2400 سى سى طبعا الاستهلاك اعلى من ال 200 بس مش جامد وبرده الضريبة عالية جاحة بسيطة عن ال200 بس ال 2400 مع وزن العربية يبقى جميل جدا ف التكيف والجرى والتحميل بس اكيد خراب ديار ف البنزين اما الاوكتان بتاعها اى حاجة اعلى من ال 90 يعنى 90 فما فوق بس كده اتمنى اكون افدت حضرتك

[هانى القناوى]

شكرا يا ahmedalaahosny
والله انا تاعبك معايا
يعنى ال e200 فى منها عادى وكومبرسور ؟
هى e240 بتفرق فى حاجه فى تجهيزاتها عن 200 غير الهورس باور ؟؟
طيب ايه فئات العيون ؟ واحسن فئه ؟؟
ياريت تعرفلى الاسعار ايه من 98 الى 2000 e200
طيب لو انت مكانى تختار ايه من كل ده (الزلموكه 94 ولا العيون ولا الكورولا والفانتازيا) وليه ؟؟

[ahmedalaahosny]

العفو انا تحت امرك المشكلة ان معاليك عايز عربية للطرق المكسرة فانا كان راييى لو تفكر فالجيب عربيات ف اى حتة بتدوس او ممكن الاسبرانزا تيجو الجديدة لو حضرتك مابتحبش المواتير اللى بعد ال 2000 سى سى لانى الصراحة شايف ان الحاجات دى قريبة من الارض شوية يمكن الفانتازيا بالاكتر

[ahmedalaahosny]

العفو ياباشا انت تؤمر عايز رايي انا فاكر ان حضرتك عايز عربية تتحمل الطرق المكسرة يبقى سيبك من كل ده خاصة الفانتازيا قريبة شوية من الارض فكر كده ف الجيب عربيات دايسة معاك ف اى حتة لو حضرتك مابتحبش المواتير اللى فوق 2000 سى سى يبقى خليك ف التيجو الجديدة عربية جميلة جدا

[هانى القناوى]

طيب و التيجو عربيه كويسه ولا زى الطبق الصينى
اصل بصراحه ماعرفشى عنها حاجه وبعد كده كل اللى يقولى العربيات الصينى بعد 5 سنين بتترمى وبتفتح بوقها
وهى مواصفاتها ايه واسعارها ايه واوتوماتك ولا تيبترونك

[ahmedalaahosny]

اجاوب بقى واحدة واحدة ايوة فى منها عادى وكومبريسور بالنسبة للفروق يعنى ساعات تكيف تاتش زى ال200 الخليجى فى بعض الاحيان ستارة كهربا او كراسى كهربا اللى ظهرت ف ال 200 بعد 96 وطارة مالتى زى ال20 98 بالنسبة للفئات كانت بتاعتنا وخليجى و اوروبى بس للاسف الاوروبى كان التكيف بتاعها سئ للغاية الخليجى تكيفها فريزر بالنسبة للاسعار كان فى ال 200 موديل 96 كانت 145 وفى واحدة 98
السعر : 172,000 جنية سعة المحرك : 2000 سى سى المسافة المقطوعة : 132 الف كيلو المنطقة : الجيزة رقم التليفون : 01005449003 التفاصيل : لهواه الحالات النادره- جمبع الكمالبات -كراسي كهرباء 3 ميموري - 2 تكببف و كونصول و خلفي - دركسيون كهرباء- ستاره خلفيه كهرباء -صالون بحاله الزبرو - مثبت و محدد سرعه كتالوجات الفابريقه- استبن لم بستخدموفى واحدة 99
السعر : 185,000 جنية سعة المحرك : 2000 سى سى المسافة المقطوعة : 131 الف كيلو المنطقة : الجيزة رقم التليفون : 01001345503 التفاصيل : عيون 200 مو 99 لون ابيض فبريكة بدون خدوش جنوط طارة مالتى مثبت ( كاملة ماعادا فتحه السقف 185000ج قابل للتفاوض بعد المعاينة . بالمهندسين
وكان فى موديل 2000 ب 170 الف نهائى

[هانى القناوى]

باشا شكرا كتيــــــــــــــــــــــــــــــــــــــر على المجهود الكبير ده
طيب اعرف ازاى ان دى كومبروسر ولا عادى ؟؟
طيب اعرف ازاى انها خليجى ويعنى اي كلمه اليجانس ؟؟
طيب اللى فيها فتحه سقف دى بتكون اعلى فئه ؟؟

والف الف شكر يا باااااااااشااااااااااااااااا