مقارنه مهمه حتفيد ناس كتير جيتا ولا اوكتافيا A5

[Ahmed Samy]

الأوكتافيا الفانتازيا نظريا فئة أعلي من الجيتا .. فئة الباسات بس أرخص

ولا نظريا ولا عمليا

الأوكتافيا و الجيتا عربيات من الفئة العائلية المتوسطة

و مشتركين في نفس الـplatform كمان ده غير الشبه التقني الكبير اللي واضح ما بينهم

الباسات فئة تانية خالص تقابلها من اسكودا السيارة "سوبيرب" .

الفانتازيا هي هي الـِA5 فروق و رتوش بسيطة هي الفرق

[abedos]

كل عام وانتم بخير

انا مقيم بالكويت وانتم حيرتونى
وانشاء اللة بشترى حاليا جيتا وبصراحة انا ركبت الجيتا والاوكتافيا بس
فخامة الجيتا افضل واروع وتحس انك فعلا راكب المانى وحاليا الوكيل نزل من سعرها 1000 دينار لكل من الجتا العادية والمتوسطة مع فتحة سقف والفل اوبشن بكراسى جلد ولكن الاوكتافيا وكيلها مش راضى ينزل وفى خلال اسبوع تم خجز 45 سيارة جتا يعنى الجيتا العادية ب4700 دينار يعنى 95000 الف والمتوسطة 115000 والفل 120000 والاوكتافيا تبدا العادية من 5000 يعنى 100000 والمتوسطة بدون فتحة سقف ب 110000 جنية والفل 140000 جنية
انا شايف ان الجيتا افضل وانعم وافخم
ولكن سوالى كم جمارك الجيتا وجمارك الاوكتافيا رجاءا اذا حد يتاكد من مصدر موثوق بة ويبلغنا افضل من تقدير المنتديات ولكم جزيل الشكر
ورمضان كريم

[م.احمد زكريا]

jetta is the best choice

[Ahmed.TV]

موضوع هائل وانا اختار الجيتا

[Eng.GEMI]

أنا شايف إن السكودا الفانتازيا شكلها جميل و فيها لمحات لذيذة و كماليات عالية..بس شكلها مش شبابي أوي في رأيي ... أما الجيتا فشكلها شبابي أكتر...و لو ليا هفكر في حاجة تانية بس مش اوبل ...

[red_4_blood]

يا جماعة انا عايز اعرف الشكل الجديد هينزل امتى للجيتا

عشان كدة مش هعرف اجيب الشكل الحالي لاني مش هينفع اجيبو و اقعد بيه سنة و ينزل الجديد


تاني حاجة عايز اعرف هل هي واطية ... يعني لو معايا في العربية 3 او 4 الجيتا هتحك ولا لا

[m_o_sakr]

i prefer octavia

[seqoia]

الاثنين حلوين بس ديكور الجيتا احلى من الاوكتافيا
والاثنين ميستهلوش اسعارهم
تصويت(جيتا)

[radwan214]

الاوكتافيا تكسب

انا عربتى أوكتافيا 2008 كاملة اليجانس وانا مرتاح فيها جدا وقوية لدرجة كبيرة وموفرة على الطوالى وغير اقتصادية داخل المدينة ودة نتيجة ان 90% من محطات البنزين حرامية ومعندهمش ضمير ولا توجد رقابة وبالنسبة للمساحة للراكب الخلفى واسعة جدا وذلك نظرا لان السائق لابد لة ان يقرب اكثر الى الدركسيون وذلك نظرا لطبيعة فيتيس البنزين لانك لازم تضغط علية من فوق بعكس اليابانى وبالنسبة الى الجيتا انا اتفرجت عليها فى نفس المعرض اللى اشتريت منة الاوكتافيا وكانت ضيقة وواطية وشنطتها صغيرة بالمقارنة االاوكتافيا. ومن وجهة نظرى اللى عايز عربية عملية يشترى الاوكتافيا احسن. ولولا اختلاف الاذواق لبارت السلع....
مهندس/ رضوان

[NaderNabil]

السائق لابد لة ان يقرب اكثر الى الدركسيون وذلك نظرا لطبيعة فيتيس البنزين لانك لازم تضغط علية من فوق بعكس اليابانى

يعني إيه؟
مش فاهم

[monmonmon]

مقارنة ممتازه و ليست سردا للمواصفات الفنية.. احييك
الف شكر
بس السيراتو فين منهم؟؟؟

[khaledtag]

انا كان عندى لانسر و بعدين جبت اوكتافيا بس الفرق شاااااااسع طبعا
لكن يا جماعه هى عفشة الالمانى فاشله ليه ؟؟ ليه اليابانى وانت جواها حتى لو عربيه رخيصه جدا
تلاقى عفشتها حلوه اوى .. لييييييييييييييييييييييييييييييييييييييه ؟؟؟؟؟

[monmonmon]

انا كان عندى لانسر و بعدين جبت اوكتافيا بس الفرق شاااااااسع طبعا
لكن يا جماعه هى عفشة الالمانى فاشله ليه ؟؟ ليه اليابانى وانت جواها حتى لو عربيه رخيصه جدا
تلاقى عفشتها حلوه اوى .. لييييييييييييييييييييييييييييييييييييييه ؟؟؟؟؟

طيب لانسر موديل كام؟؟؟
حضرتك تقصد العفشة ناشفه؟؟؟ لو كده يبقى عندك حق
بس مش كل العربيات اكيد و متنساش ان الهدف من العفشة دى الثبات و التماسك العالى
و ده على حساب الراحه بالذات لو الكراسى ناشفه شويه

[waleedsaber]

علي الرغم ان الموضوع من فترة لكن انا استفدت جدا و اثر عليا لدرجة اني اشتريت اوكتافيا فانتازيا بالفعل بدلا من الجيتا----و بدات اقارن نفس المواصفات المكتوبة في المشاركات--- بجد موقع محترم و ناس فاهمة --- شكري لصاحب الموضوع و لكل من قام بالرد

[amrhos]

جيتا طبعا طبعا طبعا

جيتا طبعا بدون منافسه

الa5 خشنه شويه

الجيتا و الألماني عموما عربيات محترمه جدا و بلا منافس

[frame="7 80"]
جيتا/باسات/بي ام دبليو/مرسيدس/اودي
no1
[/frame]