وبعدين ف سر ارتفاع اسعار السيارت المبالغ ؟؟؟؟؟

[m_newyork]

السلام عليكم ورحمه الله وربركاته كل سنه وكل مصر طييه مسلم ومسيحي وكل سنه وانتم طيبين بمناسبه شهر رمضان الكريم ويارب مصر تكون بخير والخير يكون ف كل مصر يارب المهم ي جماعه اي الي احنا بقينا في دا حرام بجد مفيش اي شركه عربيات محترمه بتزل بسعر كويس عربيه يعني اللوجان كانت 65 الف وقولنا ماشي وغلت بفتري والفيرنا والانوس كذالك احنا دلوقتي اقل عربيه وطبعا صيني 78 الف وبعدين طيب نفسي اشتري عربيه ومستحرم احط كل الفلوس ف عربيه غاليه ف الوقت الراهن دا واكيد ف كتير زي كدا واكيد ف زي مش بيقتنع غير بالزيرو لاننا بنحس براحه نفسيه اكتر لانك بتكون اول حد ركبها مابلك بعربيه مستعمله دا احنا بنركب زيرو وبيكون عندنا وساوس من اي صوت ف العربيه ونجري علي التوكيل يشوف ف ايه امال لو مستعمل بقي وبصراحه العربيات الصيني دي مش مضمونه زي البطيخه مع كامل احترامي لملاك هذا النوع من السيارات بس بجد الاقي حاجه كويسه يعني انا مش هخبي عليكم انا معايه 130 الف عاوز اجيب حاجه ف حدود 70 او 75 بالكتير والباقي اجيب شقه وكمان الحاج هيسعدني فيها لاني نفسي اتجوز واتلم بقي وكان املي ف البيجو كبير وهيا والستروين وخاب املي بس لسه عندي امل ف الفيات جراند سينا لما تنزل نفسي تنزل بسعر كويس بقي انا كان معايه شاهين 2007 وكانت رائعه وبعد كدا لوجان وكانت حلوه ولكن الاسعار بقت فوق اوي وفكرت ف الاسبرانزا m12 بس قولت لا وخوفت ومش عارف اعمل ايه وانا نفسي نلاقي حل ي جماعه بجد احنا تعبنا اوي ولا شغل ولا عربيات واكل ولا شرب الشعب دا تعب اوي ف النهايه اللهم اكرمنا يارب واحفظ مصر

[Hema_Basha]

السلام عليكم ورحمه الله وربركاته كل سنه وكل مصر طييه مسلم ومسيحي وكل سنه وانتم طيبين بمناسبه شهر رمضان الكريم ويارب مصر تكون بخير والخير يكون ف كل مصر يارب المهم ي جماعه اي الي احنا بقينا في دا حرام بجد مفيش اي شركه عربيات محترمه بتزل بسعر كويس عربيه يعني اللوجان كانت 65 الف وقولنا ماشي وغلت بفتري والفيرنا والانوس كذالك احنا دلوقتي اقل عربيه وطبعا صيني 78 الف وبعدين طيب نفسي اشتري عربيه ومستحرم احط كل الفلوس ف عربيه غاليه ف الوقت الراهن دا واكيد ف كتير زي كدا واكيد ف زي مش بيقتنع غير بالزيرو لاننا بنحس براحه نفسيه اكتر لانك بتكون اول حد ركبها مابلك بعربيه مستعمله دا احنا بنركب زيرو وبيكون عندنا وساوس من اي صوت ف العربيه ونجري علي التوكيل يشوف ف ايه امال لو مستعمل بقي وبصراحه العربيات الصيني دي مش مضمونه زي البطيخه مع كامل احترامي لملاك هذا النوع من السيارات بس بجد الاقي حاجه كويسه يعني انا مش هخبي عليكم انا معايه 130 الف عاوز اجيب حاجه ف حدود 70 او 75 بالكتير والباقي اجيب شقه وكمان الحاج هيسعدني فيها لاني نفسي اتجوز واتلم بقي وكان املي ف البيجو كبير وهيا والستروين وخاب املي بس لسه عندي امل ف الفيات جراند سينا لما تنزل نفسي تنزل بسعر كويس بقي انا كان معايه شاهين 2007 وكانت رائعه وبعد كدا لوجان وكانت حلوه ولكن الاسعار بقت فوق اوي وفكرت ف الاسبرانزا m12 بس قولت لا وخوفت ومش عارف اعمل ايه وانا نفسي نلاقي حل ي جماعه بجد احنا تعبنا اوي ولا شغل ولا عربيات واكل ولا شرب الشعب دا تعب اوي ف النهايه اللهم اكرمنا يارب واحفظ مصر

والله انا زيك بالظبط ومكنتش عارف اعمل ايه وتوكلت علي الله وحجزت سيتروين بس ناس كتير عمالة تخوفني منها علشان مش منتشرة في دمياط واسعار قطع الغيار وكمان سعر اعادة البيع ومش عارف اعمل ايه ياريت اهل الخبرة يفيدوني

[M I D O]

والله انا في نفس الوضع بتاعك وكنت محتار اشتري كيا سيراتو الشكل القديم خليجي واصبر بقي شوية في موضوع الخطوبة و الجواز و كدة ولا اشتري عربية بتمن اقل و اخطب وبعدين قلت كدة كدة انا هشتري جديد يعني مفيش ان شاء الله تعب اعصاب من العربية و كمان دي هتبقي اول عربية شخصية ليا وانا لسة صغير وبعدين لما ربنا يكرمني ابقي اشتري حاجة اعلي بفلوسي وقررت اني ان شاء الله اشتري اسبرانزا ام 11 احسن عربية في متوسط سعر 80 الف وقليل اوي الي بيشتكي منها ومازنقش نفسي في حاجة هايفة هاتلك انت كمان ام 11 عربية تحفة بجد بس اصبر لما يعاد انتاجها و بالباقي اتجوز ياعم وعيش حياتك بلا عربية بلا زفت اي عربية هتمشي وتوصلك وخلاص هات حاجة بنص الفلوس الي معاك و اتجوز بالباقي ولما ربنا يكرمك بعدين ابقي اشتري حاجة اغلي .. وتقبل مروري

[m_newyork]

والله ي ميدو كلامك صح ف ظل الأزمه دي الواحد تعب واحنا شباب ومحتاجين للجواز والأستقرار بقي بس انا عجبني الأ12 اي رايك فيها

[m_newyork]

انا بشكر ميدو و ابراهيم علي مدخلتكم الجميله دي بس كونت اتمني من 60 مشاهد ان يكتبوا رايهم حتي نستفيد جميعا ولكن للاسف يكفيني ميدو وابراهيم

[M I D O]

والله ي ميدو كلامك صح ف ظل الأزمه دي الواحد تعب واحنا شباب ومحتاجين للجواز والأستقرار بقي بس انا عجبني الأ12 اي رايك فيها

اة والله الشباب خلاص مش مستحمل و الام 12 هية هية الام 11 بس من غير شنطة و العربيتين تحفة وانا بحب الام 12 اكتر بس احتياجي للشنطة بيخليني اتجة للام 11

[M I D O]

انا بشكر ميدو و ابراهيم علي مدخلتكم الجميله دي بس كونت اتمني من 60 مشاهد ان يكتبوا رايهم حتي نستفيد جميعا ولكن للاسف يكفيني ميدو وابراهيم

الشكر لله وحدة يا باشا احنا كلنا هنا اخوات ومفيش بينا الكلام دة ومعلش مش كل الناس بتشوف المواضيع بترد بس عادي يعني حضرتك حاول تجمع المعلومات الي انت عاوزها بنفسك واقرء مواضيع عشان تعرف توصل لقرار وانا رايي الشخصي خليك في الام 12 او 11 عربيتين ممتازين و سعر كويس و تتجوز ودة الاهم ان يكون عندك بيت

[m_newyork]

بارك الله فيكم يارب وان شاء الله هتخذ القرار قريب باذن الله بس انا عاوز الناس كلها تسفيد مش انا بس لان اكيد في زي كتير عشان كدا بطلب من الي يدخل يشوف الموضوع يتكلم ويقول رايه مش هيخسر حاجه

[Hema_Basha]

انا بشكر ميدو و ابراهيم علي مدخلتكم الجميله دي بس كونت اتمني من 60 مشاهد ان يكتبوا رايهم حتي نستفيد جميعا ولكن للاسف يكفيني ميدو وابراهيم

ربنا يكرمك يا باشا وزي ما قال ميدو احنا كلنا اخوات وطبعا كنت اتمني حد يفيدني بس للاسف مفيش

[m_newyork]

يارب ي ابراهيم تعرف انا كمان بفكر ف حاجه بس انا خالي شغال ف الجمرك وجايب اوكتافيا a4 موديل 1999 بس عاوز اقولك رائعه جدا جدا وكمان فيها 4 اير باج وabs ebd وتكيف وسخانات للكراسي وماتور 1600 بس المكنه الكبيره الي هيا العداد بتعها 240 مش 220 وكمان واطيه غير الي بتنزل مصر جايبها من السويد بس عاوز اقولك تحفه ف الجري والسحب وثابته علي الطريق بفكر فيها كانت 72 الف

[tone]

مرتبط بسعر الدولار

[mohjarr]

رأيى يا جماعة الزيرو أفضل من المستعمل و بلاش الصينى و يبقى أقل حاجه لوجان و لو مانوال و لو فيه إمكانية يبقى الأتوماتيك .
أنتوا مش بتجيبوا عربية كل يوم و بعدين زى ماذكرتوا لسه فيه إلتزامات تانيه فامينفعشى تجيبوا حاجه مش مضمونه تتعبكوا .
أنا شوفت عربية صينى فى الشارع و كان شكلها جميل و هى الجيلى الإيمجراند و أعرف أنه عليها ضمان 5 سنوات من غبور وده ممكن يحسس بالأمان شوية ممكن بزيارة قسم الصينى تعرفوا إيه أخبارها بس أنا رأيى إللى ذكرته فى الأول.

[mohamed hussei]

انا رأيي تشوفلك حاجة محترمة تعيش 10 سنين وشوف نظام قسط مريح

[KABOKY_2010]

من الاخر كدة عمرك سمت ان فى عربية مثلا فى مصر نزلت ب 10 جنية وسعرها نزل بقى ب 8 جنية زيها زى اى حاجة فى البلد التييييييييييييت دى الى بيغلى مستحيل ينزل تانى

[Amr_tika88]

انا نظرا للاسعار الحالية دي ب ١٠٠ الف او ١٣٠ بحد اقصي تشوفلك عربية الماني محترمة فيكترا سي او جيتا او باسات او اوكتافيا او في الياباني وتفحصها كويس في التوكيل ولو فيها حاجات بسيطة مثلا ب ٢٠٠٠ او ٣٠٠٠ الاف هيكون احسن مليون مرة من عربية زيرو في الاصل صناعتها تعبانه وخاماتها رديئة والمستعمل مش سيء للدرجة في كتير عربيات مستعملة حالتها زيرو وجديده تعتبر ، وانزل ودور واتفرج وبيبان من صاحب العربية نفسه واهتمامه بادق تفاصيل في عربيته