ارجوا المساعدة من ذوى الخبرة فى السيرات

[shod90]

انا عايز اجيب عربية بس مش عارف اية ؟؟ انا فى فى دماغى شوية عربيات و محتار بنهم .. يا ريت حد يقولى اية الوحش و اية الحلو
mazda 3 or leon or ibiza or civic or 307 or foucs or astra or impreza or lancer!!
و شكرا مقدماً

[mohamed ibiza]

انت يا باشا حاطط اختيارات كتير و كلهم حلوين انا هقولك رأيي:
مازدا3 عربية في منتهي الجمال ثبات و اداء و شكل حلو عيبها الوحيد في نظري التوكيييييييييييييييييييييييييييييييييل تغور من وش غبور يعني لكن ليها مراكز تانية زي سمارت كار و سونستا و حاجات كده و سعرها حلو

ليون جميلة الجميلات نسخة من الجولف و الاودي a3 فيها كل ما تتمناه من كماليات الفتيس CLOSE RATIOS لزيادة التسارع عوامل امان عالية جدا تقفيل و تجميع ممتاز و من جوا خامات عالية الجودة اسباني و اساسياتها كلها الماني و الريفيوهات كلها في صالحها توكيلها غالي شوية بس بيفهموا و محترفين و عندكم كل الاجهزة المتطورة ثبات رائع و اداء قوي و هتستمتع بيها جدا جدا و كل الكماليات فيها من الابرة للصاروخ:d

سيفيك فئة تانية خالص و عربية حتي الان ممتازة و الصالون تحس انه صالون طيارة عربية ممتازة و تاريخها علي طرقات مصر مشرف جدا و 125 حصان

307 بلاش قطع غيار غالية جدا و مش اي حد بيفهم فيها

فوكاس مش هقول رأيي لان عليها اشاعات لم اتحقق من بطلانها او صحتها

استرا مبحبش شكلها اوي يعني في تصميمات احلي كتير لكن عربية ممتازة بدون شك بس قطع غيارها نااااااار فانوسها الخلفي برا التوكيل ب 700 جنيه امال جوا كام!!

امبريزا ممتازة و قوية جدا جدا جدا جدا بس الفانوس ابو 2000 جنيه يخليك تفكر 3000 مرة قبل ما تشتريها

لانسر عربية رياضية بموتور مايفك 109 حصان 1500 و متطورة وشكلها جريء جدا جدا بس الانتشار يخليها تفقد عنصر التميز انا في رأيي

فاضل بين الاتي:
1-لانسر
2-ليون
3-استرا

[shod90]

يا ريتك ما قولت رائيك:biggrinjester: انا كدا اتلخبط اكتر :) انا كنت حاطط قدامى يا السيفيك يا ليون يا مازدا3:biggrinjester:
و انا سمعت يعنى ان ليون ضعيفة كا متور 102 حصان تقريباً و سمعت بردو ان السيفيك 140 حصان و المازدا تقريباً 120 .. و انا اصراحة كان نفسى فى مازدا 3 من و انا فى 2 ثانوى :D مش عارف بقى اجيب ايةةةةةة :| :D

[mohamed ibiza]

يا ريتك ما قولت رائيك:biggrinjester: انا كدا اتلخبط اكتر :) انا كنت حاطط قدامى يا السيفيك يا ليون يا مازدا3:biggrinjester:
و انا سمعت يعنى ان ليون ضعيفة كا متور 102 حصان تقريباً و سمعت بردو ان السيفيك 140 حصان و المازدا تقريباً 120 .. و انا اصراحة كان نفسى فى مازدا 3 من و انا فى 2 ثانوى :D مش عارف بقى اجيب ايةةةةةة :| :D

الليون 102 حصان موتور اوديa4و الفتيس بتاعها close ratios لزياجة التسارع و المازدا 110 حصان و السيفيك الصافي بتاعها 125:)

روح اركب الليون و انت هتشتريها قبل ما تخرج منها :):)وعلي فكرة 8 ايرباج مش هتلاقيها الا في الليون بس لا سيفيك ولا مازدا فيهم الرقم ده:D

[shod90]

8 ايرباج :D يعنى اتكل و اجيب الليون ولا اية ؟؟:D

[mohamed ibiza]

8 ايرباج :D يعنى اتكل و اجيب الليون ولا اية ؟؟:D

اتكل علي الله عربية جميلة جدا اللي جربها بيحلف بيها و علي فكرة في عضو معانا هنا اسمه sabuhashem او المهندس شريف شاكر معاه ليون و بيشكر فيها جدا و فعلا هي عربية ملهاش حل و هتدعيلي لو جبتها:):)و انا عن نفسي هجيبها برضه بس لسه شوية

[mohamed ibiza]

و لو تحب اقولك باقي كمالياتها اقولهالك مفيش مشاكل و برضه الرؤية علي الطبيعة احسن بكتير

[Mohamed_Ibiza]

بما انك وقعت في شلة السيتاوية فانا من رايي تجيب الليون

والله ياعم محدش يعرف قيمة العربية دي غير اللي ركبها وبجد ناس كتير اوي في مصر مش فاهمة اي حاجة

والله كل العربيات اللي انت كاتبهم وبتقول عليهم حلوين اوي بس فيهم مشاكل بين قطع الغيار والتوكيل

ومش معنى كده ان الليون او السيات عموما في مصر مفيهاش مشاكل .. لا طبعا السيات كمان توكيلها تعبان اوي بس اهون من غيرها

اتكل ع الله وروح اركب الليون وان شاء الله تنضم لعصابة السيتاوية

وبعدين والله الليون عربية مميزة عن غيرها ولو ع الاقل في الشارع المصري

وان شاء الله ربنا يقدم اللي فيه الخير :d

[shod90]

علي فكرة في عضو معانا هنا اسمه sabuhashem او المهندس شريف شاكر معاه ليون

اساساً المهندس شريف شاكر يبقى اريبى :D بس من نحية مراتة :D و ولا مرة لحد دلوقتى لا شوفت الليون و لا حتى ركبتها :D .. والله انتوا شجعتونى انى اجيبها و شكلها عامل زى عربية باتمان:D:D:D ان شاء الله هبشركوا انى جبتها
و اطمن يا ghalasa :D بقيت من الشلة ان شاء الله :D

[mohamed ibiza]

اساساً المهندس شريف شاكر يبقى اريبى :D بس من نحية مراتة :D و ولا مرة لحد دلوقتى لا شوفت الليون و لا حتى ركبتها :D .. والله انتوا شجعتونى انى اجيبها و شكلها عامل زى عربية باتمان:D:D:D ان شاء الله هبشركوا انى جبتها
و اطمن يا ghalasa :D بقيت من الشلة ان شاء الله :D

شريف باشا قريبك خلاص خد منه لفة استغلال:D:D

ان شاء الله هتعجبك جدا جدا جدااااااااااااااااااااااااااااااااا

[shod90]

و لو فيها رزالة منى شوية :D هية بتيجى stock زى السيفيك كدا ولا فيها جنوط و كدا :D?? و ياريت بالمرة بقى تقولى امكانيتها اية و خصوصا الكاسيت عشان انا بحب اسمع ترنسات و عايز عربية تكون كفاءة كسمعات و ككاسيت اساساً :D و اعرف بردو اية لزمة الشاشة الموجودة فى التبلوة دى .. لو مفهاش رزالة يعنى :D:$

[mohamed ibiza]

و لو فيها رزالة منى شوية :D هية بتيجى stock زى السيفيك كدا ولا فيها جنوط و كدا :D?? و ياريت بالمرة بقى تقولى امكانيتها اية و خصوصا الكاسيت عشان انا بحب اسمع ترنسات و عايز عربية تكون كفاءة كسمعات و ككاسيت اساساً :D و اعرف بردو اية لزمة الشاشة الموجودة فى التبلوة دى .. لو مفهاش رزالة يعنى :D:$

الكاسيت اسباني بس مش فاكر اسمه ايه و الشاشة دي بتبقي عبارة عن معلومات للسائق و بيظهر عليها الاسامي لما توصل الموبايل يالعربية و هكذا و ممكن تستفسر من شريف باشا لان اكيد هو عارفها اكتر مني لانه مالك انما انا لسه مجبتهاش
لا مبتجيش ستوك زي السيفيك كده بتنزل بجنوط سبور 16 و فرد 205\55
1-سيات ليون
2-1600 سي سي 102 حصان\5600 د.د 148 نيوتن\3800د.د عزم نفس مواصفات الاودي A4 و الجولف بجانب الفتيس ال close ratios
3-الفئة هاتش باك رياضية
4-الصالون مصنع من اجود الخامات الاسبانية علي مستوي عالي من الجودة
5-مانيوال مفيش اوتوماتيك لان نسخة واحدة اللي بتنزل
6-لم تنتشر نظرا للكمية المحدودة جدااااااااا اللي نزلا منها
7- 8 ايرباج سائق و راكب امامي و الجناب و السقف
8-شاشة معلومات داخلية
9-جنوط سبور 16 و فرد 205\55
10-راديو cd
11-فتحة سقف كهربائية
12-باور ستيرينج
13-طبعا في انوار للصالون و الحاجات دي
14-فوج لايت
15-باور لوك+ريموت كنترول+نظام امان+lock+unlock
16-تكييف كليماترونيك
17-عجلة قيادة متعددة الوظائف
18-ايموبليزر
19-كاب هولدر و الحاجات دي موجودة في كلة طبعا
20-سعة الشنطة 341 لتر
21-التانك 55 لتر
22-carkit bluetooth
23-وصلة i-pod
عاملين حركة جامدة في الباب الوراني الاكرة بتاعته من عند ااشراعة كده تديك احساس الكوبيه و هي 5 ابواب وزن العربية 1205 كيلو و الفرامل طبعا abs\tcs\ebd\espو هي 8 صباب و ده يوفر بنزين طبعا و للعلم اللي امتلك الموديل السابق بيحلف بيه

[mohamed ibiza]

http://www.nilemotors.net/Nile/showthread.php?t=17129&page=3

اللينك ده كنت شارحها فيه برضه و فيه صور ليها كتير

[shod90]

مش عارف اقولك اية ولا اية :d انت راجل 100 100 والله :d
و على حوار شريف ممكن ابقى استغل مراتة احسن :d عشان كدا كدا مش بشوفو اساساً :d

[mohamed ibiza]

اي خدعة :d و ربنا يوفقك