النقيضين (الشاهين و الإسبيرانزا)

[zAzU]

انا عن نفسى لو مفيش قدامى غير دول مش هشترى خالص ولا فرنا ولا افيو هشترى مستعمل احسن انا كان معايا 75 وعملت كدا فعلا ههههههه حاسس ان كلها عربيات اى كلام اوى انضفهم الافيو بس ركبتها معجبتنيش خالص

[TAG_Turbo0]

لا دى ولا دى

[cobraa2008]

انا شايف ان كلام اغلب الناس هنا في اختلاف يا عني خلاص لو معايا فلوس ومافيش غير قدامي غير العربيتين دول بصراحة انا هافضل الاسبرنزا عن الشاهين

ليه لان املك سيارة افضل من الشاهين بس من غير باور وكارها

فما رايك بالشاهين

ييار يت كل واحد يكتي رايه عن العربية علشان على الاقل نعرف ايه السبب





انا بالنسبة ليا اسبرنزاا

ليه العفشة يايباني والماتور افضل

الشكل احسن

تقفيل ليس بالنظيف بس احسن من الشاهين

بمراحل كل اللي اشتروها شكروا فيها

انا عن نفسي العمر الافتراضي لاي عربية في وقتنا الحاضر لا يقل عن 5 سنين ولا يزيد عن 10


اعوام انا موش هافضل طول حياتي راكب شاهين لا اشتري اسبزا ولا ما ازهثق اغير

ولا افضل اني اركب اي عربية 1100 سي سي اوفر بصراحة

[amr mokhtar]

إذا كان لا يوجد إختيار غير العربيتين دول بس
إسبرانزا بدون لحظة تردد

[hamedo0]

بصراحه ولا دى ولا دى الشاهين كتير عليها السبعين الف والاسبرنزا لسه مع انها عربيه يعني كويسه
بصراحه اشوف بي ام الفئه التالته موديل حاجه وتسعين وحيفيض فلوس كمان

[amir]

المنتدي قتل بحثا و مشوره بخصوص فئتين
فئه الشاهين\لادا\128 و انا بتكلم هنا عن الزيرو و اللي بيفكر يشتري زيرو من الموديلات دي
و الفئه التانيه اللي بتتميز فيها بأوبشنز اكتر و نعومه و راحه و نفس السعر تقريبا و هي الاسبيرانزا 516 و ال a113

بالنسبه للفئه الاولي و ده طبعا رأيي الشخصي و ممكن ميعجبش ناس تانيه بس الاختلاف في الرأي و المناقشه حاجه جميله موجوده بينا في المنتدي
انا شايف ان العربيات دي عفي عليها الزمن من نواحي عده زي عوامل الامان و حمايه كابينه الركاب من الصدمات الاماميه و الجانبيه و عوامل الرفاهيه من تكييف و باور و زجاج كهربائي و سلاسه القياده و حتي دول ان وجدو في الفئه دي بتلاقيهم علي حساب السعر, و دي نقطه جدليه كبيره ازاي عربيات من التمانينات تباع بالاسعار اللي بنشوفها دي, اسعار تقترب من منافسين جدد ده غير طبعا المستعمل الكوري و الياباني اللي من غير جدل عقيم برقبه اي عربيه من الفئه دي
و كمان نقطه اضافيه, كل عربيه من الفئه دي ليها عيوب مشهوره و لسه بيتم انتاجها بنفس التصميم و ادي بعضها من خلال متابعه اقسامهم في المنتدي:
الشاهين:
1- عربيه ناشفه و خشنه القياده
2- صوت موتور جبار!!
3- صالون غير مريح في قعدته ده غير تصميمه القديم البشع
ال 128:
1-المشكله الازليه بتاعت الحوض
2-كثره الاعطال الممله و احتياج مستمر لاصلاحات لا تنتهي
3- نفس النقد للتابلوه
اللادا:
1-دريكسيون عجيب
2-تقل العربيه علي حساب استهلاك البنزين
و طبعا النقد ده موجه اساسا للعربيات الزيرو من الفئه دي, لكن المستعمل بتاعهم شايل ناس كتير و بيقضي الغرض و مش قدرتنا الماليه متساويه, لكن انا شايف ان اللي بيفكر يشتري العربيات دي زيرو حاسبها علي اساس خاطئ الا و هو ان العربيات دي بقالها ردح من الزمن في الشوارع و انها المناسبه لشوارعنا العزيزه لكن لو الناس حسبتها صح و فكرت الفلوس اللي هتتدفع دي مقابل ايه بالظبت؟ هتلاقي النتيجه انك دافع مبلغ محترم في عربيات لا تتناسب مع اسعارها, و ده اللي مخلي الزيرو منها حتي يومنا هذا بيتباع

الفئه التانيه و هي الاسبيرانزا 516 و a113 و دي عربيات بتتباع في نفس الفئه السعريه لكن الخوف من المجهول و سياسه القطيع المسيطره علي الناس مأثره علي قرار الشراء, لكن بالعقل لو بصينا هنلاقي مبيعات كتيره ليهم و العربيات دي بتديك معادله كويسه و معقوله ما بين سعر مناسب و رفاهيه و نعومه في القياده
لكن انا بعنب علي الناس اللي بتفكر ان العربيه ميراث للاحفاد و مش عامله حساب لراحتهم و امانهم في مقابل ان شكل الصاج الخارجي للعربيه هيفضل زي ماهو علي مدار سنين طويله مع انهم لو بصو في الشوارع هيلاقو عربيات الفئه الاولي من اكثر العربيات اعطالا علي الطريق و ده موقف سخيف لو انت سايق و رايح مشوار ليك لكن سخافه الموقف ده لا تقارن لو مراتك او اختك او والدتك هما اللي سايقين العربيه و عطلت بيهم و هما لوحدهم
و في الاخر كل واحد بيحسبها بدماغه و تفكيره و كل واحد حر

[MohabSaeed]

بدون الدخول فى مقارنات,
لا يصح المقارنة بين سيارة أصيلة و سيارة مغشوشة,
و على فكره الأوبشن الى فى الاسبيرانزا ديه هيتنهى عمرها بعد ال10 الاف الأولى غالبا,
و مش هتلاقى لا تكييف و لا اى حاجة من اللى خلوك تشتريها,
و بالنسبة الشاهين 1600 فيها أهم الأوبشن الى انت محتاجها فى عربية, تكييف و باور.
بقالها معايا حاليا 50 الف كيلو من غير اى مشاكل, و كل شىء فيها يعمل بكفاءة.

على فكره يا استاذ فادى ... المقارنه هنا مابين
شاهين 1400 فاضيه تماما ب 69500 جنيه مصرى VS اسبرانزا فل اوبشن ب 69 الف جنيه

الشاهين ال1600 بقت ب 75 الف جنيه ...

استاذ فادى ربنا يباركلك فى عربيتك و يخفظهالك .. خلى بالك من الحاقدين على الشاهين لدخولها فئه ال75 الف .... ديه دلوقتى بتنافس مع النوبيرا 2008 فل اوبشن و فيات بونتو كلاسيك


"الصقر يحلق عاليا و بيفترى على الناس بارتفع اسعاره 10 الف جنيه دفعه واحده "

[فادى]

يا جماعة لازم ناخد بالنا من حاجة مهمة جدا,
الكثيرون يعتقدون أن سيارات مثل الفيرنا, الاسبيرانزا و غير ذلك تفوق الشاهين و ال128 فى التكنولوجيا, أى ان بينهم فرق زمنى و هذا غير صحيح,
فمثلا معظم السيارات الكورية هى اعادة تصنيع لمحركات يابانية و أمريكية قديمة, و المحركات اليابانية هى اعادة تصنيع لمحركات أمريكية أو أوروبية قديمة مع بعض التطويرات الطفيفة التى تدخلها الشركة, أما السيارات الصينية فهى غالبا اعادة تصنيع لمحركات مسروقة من سيارات قديمة!
السيارات الأسيوية عموما هى اعادة تغليف للتكنولوجيا القديمة بشكل حديث مع اضافة بعض الكماليات.
عشان كده منطقى انو الشاهين تبقى أغلى من الفيرنا و اللانوس و الاسبيرانزا و غيرهم حتى و لو كانت فاضية!
اللى يكتب عن الشاهين يا ريت يكون ساقها قبل كده, لأن فعلا أنا ملاحظ معظم الى بيكتب عن الشاهين بيكتب عن انطباع من الشكل ليس أكثر,
الاسبيرانزا سيارة ضعيفة و سيئة لأقصى درجة, و هى السيارة الوحيدة التى تعانى من صعود الكبارى و غيرها من منجزات البنية التحتية, و هى السيارة الوحيدة التى سوف تجبرك على اتخاذ الطرق الفرعية و الميادين للوصول الى وجهتك, لكن مع الحذر الشديد من المطبات و غيرها من العوائق التى سوف تعانى ايضا عند تجاوزها و قد لا تخرج سالما منها!
و الاستاذ الى بيتكلم عن الأمان, قولى بقى عن مستوى الأمان فى السيارات الصينية التى تنبعج كلها على بعض فى اى اختبار سلامة,
علما أننى عملت حادثة قبل ب128 و دخلت فى اللى ادامى على سرعة تقارب ال70-80 و طلعت منها سالما بلا أى خدش (كنت رابط الحزام).
فعلا الشعب المصرى أسهل شعب فى العالم تبيعله عربية , يكفى سرقة بعض المحركات القديمة و اعادة تصنيعها و تجميعها, ثم وضعها فى سيارة مصنوعة من علب السمن القديمة (بشرط أن يكون الشكل انسيابيا, لأن المصريون لا يحبون الأشكال القديمة), ثم وضع بعض الكماليات و ال"حبشتاكانات" و كام اعلان يتحدث عن أن السيارة كلها "أوبشنز" و يمكنك أن تعلن عن عدد كبير من الأحصنة(حتى توحى للمصريين بالتقدم التكنولوجى فالمصريين يقيمون المحرك بحسب عدد الأحصنة, و هما مش هيقيسوا عدد الأحصنة و لا هيفتشو وراك فاطمئن).
فعلا بعض المستهلكين لا يستحقون أكثر من سيارة رديئة!

[tamim]

طبعا اختار الاسبيرانزا من غير تردد

[sherif_84]

طبعا شاهين ويفضل ان تكون المكيفة بموتور 1600 العربية دى هايلة فعلا وكان نفسى أبيع عربيتى الـ 1400 وأشتريها ولكن سعرها ارتفع كتير بس تستاهل
الاسبيرنزا انا معاك شكلها جميل وفيها كماليات لكن فى نفس الوقت أضعف من الشاهين وبعدين فيه حاجة مهمة جدا
انت بتقارن بين عربية لها تاريخ مشرف وبين عربية لسه مولودة من يومين طب ازاى ؟؟

[HRH_Sameh]

طبعا شاهين :)

[waelelsafty]

إخوانى الأفاضل
للكلام عن الأمان فى السيارات يا ريت تزورو الموقع دا

http://www.euroncap.com/Content-Web-Start/$c7dad01d-a23c-4ae6-bc4c-2676e24a78c2/home.aspx

وها تلاقو إن الشاهين والإسبرنزا مش موجودين
إنما فيه موقع روسى بيبين معدلات الأمان للسيارات جارى البحث عنه باللغة الإنجليزية
شوفو الأول معدلات أمان السيارات وبعدين قرروا حاتختاروا إيه

[emadkamel]

طب ما اشترى شاهين فيها اوبشن واريح دماغى

[ma7oo]

شاهيييييييييييين ايه بس دى ضايعه فى الكنافه خالص
اسبرانزل طبعا

[rabbat5]

الشاهين....