أرجو المساعدة : ايه احسن عربية مستعملة في حدود 30 ألف جنيه ؟؟

[agouty]

السلام عليكم

دي اول مشاركة ليا في المنتدي الرائع ده

و ارجو المساعده من اهل الخبرة في المستعمل و يفضل اللي عنده تجربة شخصية

ايه احسن عربية مستعملة ممكن اجيبها في حدود 30 الف جنيه مصري

في ناس قالتلي سوزوكي سويفت و فيه ناس قالتلي هيونداي اكسيل

بس مش عارف ال 30 الف دول ممكن يجيبوا حاجة منهم نضيفة و لا هتكون طالع عينها و هتصرف كتير

و طلباتي في العربية الاتي :

1- ان قطع غيارها تكون متوفرة و اسعارها مش غالية يعني متوسطة او رخيصة
2- الصنايعية يكون بيفهموا فيها
3- تكون بتكييف حالته معقولة ( مش لازم ديب فريزر ) بس علي الاقل يخلي السواقه محتملة في اليومين النار دول
4- استهلاك بنزين كويس و يفضل انها تكون 1300 Cc و يا سلام لو كانت تشيل بنزين 80 من غير مشاكل كتير
5- لما تتباع كمان من 3-5 سنين متخسرش من تمنها فياريت تكون حاجة معروفة و ليها اسم في السوق

و شكرا

[magdy_momo]

انا في نفس حيرتك بالظبط

انسب حل ليك الهيونداي اكسيل

هتقولي طب مجيبتهاش ليه هقولك عشان مش لاقي واحده حالتها نضيفه ب 32 الف

الاكسيل ناعمه و هاديه بس مش بتاعه سفر علي سرعات عاليه

و قطع غيارها تكاد تكون ببلاش

[agouty]

شكرا علي الرد و المشاركة

و مستني اراء الشباب

[agouty]

؟؟؟؟؟؟؟؟؟؟؟؟؟؟؟؟؟؟؟؟؟

[أبو عبدالله]

ما هو السعر ده بالمواصفات دي مفيش غير الهيونداي الأكسيل والسويفت فعلا

ممكن عربيات تانيه بس مش هيبقى سوقها زي العربيتين دول لأنهم مطلوبين كتير

[TaoTao]

لاتوجد سيارة بكل هذه المواصفات مجتمعة!
أرشح لك سيتروين Zx، موديل تسعينات، موتور 1400 ومكيفة.
أظنها تمشي ببنزين 80 لأنها منتشرة كسيارة تاكسي (مش متأكد من معلومة البنزين)

عيب هذه السيارة سعر إعادة البيع (وإعادة البيع في حد ذاته :))

[agouty]

شكرا لكل اللي دخلوا و ردوا عليا

بس يا تري حدي يعرف الفروق في المميزات و العيوب بين السويفت و الاكسيل حتي لو السعر زاد شوية عن ال 30 الف