نيسان تيدا 2013 ولا لانسر بوما 2013

[hisham abdalla]

السلام عليكم ورحمة الله وبركاته

اولا انا جديد فى المنتدى ودى اول مشاركة ليا

ثانيا أرجو من حضراتكم افادتى لانى فى حيرة رهيييبه
قررت ان شاء الله اشترى عربيه زيرو ومحتار مابين النيسان تيدا واللانسر البومة
طبعا التيدا فل اوبشنز بلس والبومه الى فى نفس السعر اوتوماتيك عاديه مافيهاش حتى جنوط

عاوز اعرف التيدا قطع غيارها متوفره ولا لا وهل الشكل 2013 فرق عن الى قبله ولا لا
وقرأت مواضيع هنا بتقول ان موتور التيدا جامد جدا فهل هحس بفرق اوى بينه وبين البومه
وعموما انا مش ناوى اغير غير بعد 7 سنين مثلا إن شاء الله
وعاوز اعرف برده ايه اخبار التوكيل
وايه اخبار قطع الغيار خارج التوكيل

واكون شاكر لحضراتكم جدا على التفاصيل المهمه..

[M I D O]

التيدا اختيار موفق لان العربية فيها كل وسائل الامان بعكس البومة غير متواجدة في الفئات الاولي غير اير باج واحدة وبس و شكل التيدا هوة هوة متغيرش وقطع غيار الياباني عموما بتكون معمرة و موفق ان شاء الله في الشراء

[aymankfafy]

التيدا بدون منازع ولكن للامانة اللانسر تكسب فى اسعار قطع الغيار ولكن كسيارة التيدا تكسب بنسبة 50 على عشرة

[aliabdo]

التيدا وش بدون تفكير بس ده لو لقيتها دلوقتى عشان مش بتنزل عشان مستنين الشكل الجديد عموما دور عليها على الاقل الشكل الموجود دلوقتى قطع غياره مليه الدنيا و العربيه معروفه الشكل الجديد سعره حيعدى قوى و قطع غيار فى التوكيل بس

[Ahmed_Mega]

تيدااا وتوكل على الله

[mohjarr]

تيدا عربية ممتازة و كنت هأجبها قبل البيجو... الصراحة التيدا هيا إللى كانت المفروض تبقى أكثر مبيعات فى نيسان مش الصنى .

[samyyousef]

تحياتي لصاحب الموضوع و لمن سبقني من المشاركين
أتصور ان البوما ربما تتفوق في سعر اعادة البيع، و البعض يرى أن شكلها أفضل، لكن طالما حضرتك لا تفكر في البيع الا بعد فترة طويلة فاتصور ان التيدا افضل
السؤال الأن كم سعر التيدا ؟ و هل هي موجوده؟؟

[hisham abdalla]

متشكر جداا لرد حضرتك

التيدا اختيار موفق لان العربية فيها كل وسائل الامان بعكس البومة غير متواجدة في الفئات الاولي غير اير باج واحدة وبس و شكل التيدا هوة هوة متغيرش وقطع غيار الياباني عموما بتكون معمرة و موفق ان شاء الله في الشراء

[hisham abdalla]

سعر التيدا

تحياتي لصاحب الموضوع و لمن سبقني من المشاركين
أتصور ان البوما ربما تتفوق في سعر اعادة البيع، و البعض يرى أن شكلها أفضل، لكن طالما حضرتك لا تفكر في البيع الا بعد فترة طويلة فاتصور ان التيدا افضل
السؤال الأن كم سعر التيدا ؟ و هل هي موجوده؟؟

شكرا لرد حضرتك وتحية حضرتك ليا
التيدا متوفره بسعر 136.000
فل اوبشنز بلس وهى تقفيل مكسيكى مش عارف ده تقفيل كويس ولاﻻ

[hisham abdalla]

تيدا عربية ممتازة و كنت هأجبها قبل البيجو... الصراحة التيدا هيا إللى كانت المفروض تبقى أكثر مبيعات فى نيسان مش الصنى .

بصراحه انا سعيد جدا انى سألت السؤال ده علشان ردودتكم الجميله والمشجعه واهتمام حضراتكم بالموضوع بجد متشششششكر جدا:

[hisham abdalla]

قطع الغيار متوفرة فعلا؟؟

التيدا وش بدون تفكير بس ده لو لقيتها دلوقتى عشان مش بتنزل عشان مستنين الشكل الجديد عموما دور عليها على الاقل الشكل الموجود دلوقتى قطع غياره مليه الدنيا و العربيه معروفه الشكل الجديد سعره حيعدى قوى و قطع غيار فى التوكيل بس

تسلم يا باشا على الرد
حضرتك متأكد ان قطع الغيار متوفرة للتيدا فعلا ويا ترى اسعارها ايه ؟

[aliabdo]

التيدا عربيه محترمه جدااو اعتماديه عاليه و الى اعرفه ن قطع غيارها معقوله مش حراقه قوى كمان الشكل ده موجود من فتره فميتعبش فى قطع الغيار بره التوكيل

[Omar_4ever]

القطع متوفرة في التوكيل وخارج التوكيل

[samyyousef]

هل هي متوفرة في المعارض ام يجب الحجز

[aliabdo]

الى اعرفه ان التيدا واقفه شويه لحد الموديل الجديد بس ممكن تسال فى المعارض