إعـــــــلان

Collapse

.

,
See more
See less

افيدونى وهاخد كلامكم ثقه محتار بين استرا كوزمو زيرو ولا بى ام دبليو 320 موديل 2010

Collapse
X
 
  • Filter
  • الوقت
  • Show
Clear All
new posts

  • افيدونى وهاخد كلامكم ثقه محتار بين استرا كوزمو زيرو ولا بى ام دبليو 320 موديل 2010

    محتار بقالى فتره ولما شفت منتداكم بقالى يومين اقرا المواضيع والردود ومتابع ولما حسيت انكم اهل ثقه وان فيه هنا ناس فاهمه قررت اسجل وهاخد كلامكم ثقه وهنفذ فورا والله فعلا وبدون مجامله ماشاء الله عليكم

    افيدونى محتار بين الاسترا كوزمو زيرو وبين بى ام 320 هاى لاين موديل 2010
    رجااااااااااء منتظر رد اخوانى وبجد شكرا ليكم مقدما
    18
    اوبل استرا كوزمو زيـرو
    0%
    6
    بى اى دبليو 320 مستعمل هاى لاين موديل 2010
    0%
    12

  • #2
    مبلاش رد اخوانى دى هههههههه no offence
    حضرتك لو ليك فى المغامره وعندك حد يكشفلك على العربيه وتكون نضيفه يبقى بى ام
    اما اذا كنت تحب الامان والزيرو يبقى خليك فى الكوزمو
    حط فى اعتبارك ان الاسترا ١٦٠٠ والبى ام ١٨٠٠ تقريبا او ٢٠٠٠ سى سى والله اعلم
    ان الله لا يغير ما بقوم حتى يغيروا ما بأنفسهم

    Comment


    • #3
      اه صحيح يامحى ماخدتش بالى من دى هههههههههههه
      ايوه البى ام 2000 سى سى ودى ميزه غير عاديه طبعا
      والاسترا بتغرينى انها زيرو وكمالياتها وثباتها عالى جدا لكن اسم البى ام لوحده ليه تمن
      مش عارف اعمل ايه

      Comment


      • #4
        لو البى ام عدادها قليل يعنى ماشية فى حدود ال50 - 60 الف و حالتها ممتازه يبقى توكل على الله و شوف البى ام و يفضل تكشف عليها فى الوكيل لان الوكيل بيعمل فحص شامل على السيارة و بيقولك على كل كبيرة و صغيره فى العربيه

        لو لاقيت كل حاجه فيها تمام يبقى توكل على الله


        لو لاقيتها ماشية كتير و هتحتاج شغل شوية يبقى خليك فى الأوبل أفضل علشان متدفعش مصاريف تانيه والاوبل استرا عربيه جميله برده و بقت منتشره شوية فى الشوارع

        وسواء البى ام او الاوبل الاتنين ثابتين على الطرق ما شاء الله


        وبالتوفيق باذن الله

        Comment


        • #5
          اعتقد شخصيا لو انا منك هجيب بيجوا 508 بدون تردد و لكن لو حضرتك عايز حاجه من الأتنين دول بس يبقا هقولك الزيرو زيرو و خليك فى الأوبل لو عرفت تتعايش مع عيبها الأساسى اللى هو ضيق المساحه الداخليه و لكن غير كده العربيه ما شاء الله زى الفل ...
          قُلِ اللَّهُمَّ مَالِكَ الْمُلْكِ تُؤْتِي الْمُلْكَ مَن تَشَاء وَتَنزِعُ الْمُلْكَ مِمَّن تَشَاء وَتُعِزُّ مَن تَشَاء وَتُذِلُّ مَن تَشَاء بِيَدِكَ الْخَيْرُ إِنَّكَ عَلَىَ كُلِّ شَيْءٍ قَدِيرٌ

          " رَبِّ إِنِّي لِمَا أَنْزَلْتَ إِلَيَّ مِنْ خَيْرٍ فَقِير "ٌ

          Comment


          • #6
            تسلم يحيى اكيد طبعا لو هجيب مستعمل هكشف عليها فى التوكيل
            mbisar انا فعلا فكرت فى البيجو 508 لكن لقيت سعرها عالى علي شويه
            انا عاوز عربيه فى حدود 210 متذدش عن كده او لو فيه ذياده تكون قليله والبيجو 267 يعنى فيه 57 الف فرق وده مبلغ

            Comment


            • #7
              هذه نقرة و تلك أخري. ديه حاجة و ديه حاجة تاني خالص. لو لقيت بي ام نضيفة خلص علي طول. مش مضمونة يبقي الاسترا. و علي فكرة ال 320 ضيقة من ورا. يعني نفس عيب الاسترا.
              https://t.me/pump_upp

              Comment


              • #8
                لو هتقدر تجيب بي ام 320 عدادها قليل ماشية اقل من خمسين اللف وفابريقة بالكامل تبقي البي ام طبعا بس خود بالك عشان المصاريف بتاعت البي ام عالية هيا عاوزة مغامرة شوية لاما تغامر وتجيب ال 320 وانت وحظك لاما تخليك في المضمون وتركب استرا زيرو وتريح دماغك منها 5 سنين زيت وفلتر بس بس كمتعة قيادة وثبات وسرعة وهاندلنج اكيد البي ام تتفوق من خلال تجربتي للاتنين بس انا اخترت المضمون لان كل الفلوس حاططها في عربية وكونت عاوز اريح دماغي منها لانك لو شربت مقلب في البي ام بالزات هيتعبك اوي قطع غيارها نار التيل الامامي والخلفي عامل 4 الاف جنية
                [SIGPIC][/SIGPIC]

                Comment


                • #9
                  البي ام لا تقارن طبعا
                  ولكن اختار الزيرو والجديد ..

                  Comment


                  • #10
                    بص يا باشا مفيش احسن من الزيرو ولو هتقارن بي ام مستعمل بفيرنا جديدة هقلك هات الفيرنا الجديدة طبعا معا احترامي لملاك الفيرنا .. الجديد مميزاتة كتير اولا هتكون اول واحد يركب العربية وعارف كل مسمار فيها عامل اية معاك مش هتركب ورا حد والله اعلم عمل بالعربية ثانيا ودة الاهم معاك ضمان مغطيك العربية لاقدر الله حصل فيها حاجة علي التوكيل عدل وهناك ملزمين يصلحوها انما فرضا انت جبت البي ام وحصل فيها حاجة هتعمل اية ؟؟ واكيد انت عارف ان اسعار قطع غيار البي ام نااااااااااار ساعتها هتحط ايدك علي خدك وتقول يارتني ماشتريت مستعمل وكمان هتضيع فرحتك بالعربية انك لسة جايبها وبتلف تصلحها واي عربية معرضه ان يكون فيها عطل وكمان اسعار صيانات البي ام غالية جدااااااااا عشان كدة انا رايي الشخصي خليك في الاوبل عربية تحفة وهتكون اول مالك ليها واول رجل علي العربية ولو حصل حاجة لاقدر الله معاك الضمان حاميك توكل علي الله وهات زيرو افضل ومتنساش الاستخارة
                    . . . . . . . . . . . . [SIGPIC][/SIGPIC] . . . . . . . . . . . .
                    . . . . . . . أة يــا تــيــشــيــرت الـــعـــمـــر يـــا أبــيـــض ... انـــا الـــزمـــالـــك انـــتـــو مـــيـــن ؟؟ . . . . . . .
                    و ارجــع روحــك عــالــيــة لـلـجـمـاهـيـر الـغـالـيـة و انـسـى كــل مــا فــاتــك و قــدم كــورة تـانـيـة ♥♥ ZAMALEK ♥♥

                    Comment


                    • #11
                      انا شفت الاسترا وجربتها واكتر حاجة عجبتني فيها شياكة التابلوه والاضاءات بتاعته... بس بصراحة اللي قفلني منها انها ضيقة جدا...

                      ورغم ذلك... لو الاتنين دول يبقى الاسترا بصراحة... زيرو... راحة بال... عربية محترمة وثباتها ممتاز وعزلها جيد جدا وتقفيلها كويس... انما لا احبذ اني اجيب مستعمل فئة عالية زي ال320 لان لو ظهر فيها حاجة بعدين لا قدر الله هتزعل جدا وهتدفع كتير...

                      زي ما بقولك... الاسترا ضيقة (من ورا ومن قدام)... لو مش فارقة معاك توكل على الله وهي عربية ممتازة زي ما قلت...

                      لو فارق معاك المساحة ممكن تبص على بدائل تانية زي الفوكس... الجيتا... الفلوانس... الخ الخ
                      [FONT=Palatino Linotype][SIZE=4][COLOR=navy]Ahmed Fawzy[/COLOR][/SIZE][/FONT]

                      Comment


                      • #12
                        المشاركة الأصلية كتبت بواسطة ahmed travco مشاهدة المشاركة
                        انا شفت الاسترا وجربتها واكتر حاجة عجبتني فيها شياكة التابلوه والاضاءات بتاعته... بس بصراحة اللي قفلني منها انها ضيقة جدا...

                        ورغم ذلك... لو الاتنين دول يبقى الاسترا بصراحة... زيرو... راحة بال... عربية محترمة وثباتها ممتاز وعزلها جيد جدا وتقفيلها كويس... انما لا احبذ اني اجيب مستعمل فئة عالية زي ال320 لان لو ظهر فيها حاجة بعدين لا قدر الله هتزعل جدا وهتدفع كتير...

                        زي ما بقولك... الاسترا ضيقة (من ورا ومن قدام)... لو مش فارقة معاك توكل على الله وهي عربية ممتازة زي ما قلت...

                        لو فارق معاك المساحة ممكن تبص على بدائل تانية زي الفوكس... الجيتا... الفلوانس... الخ الخ
                        معلش توضيح صغير بما انى مالك للاسترا السيدان كوزمو
                        انا طولى ١٨٠ سم وببقى قاعد بعيد جدا عن الدركسيون بدون تاثير على الراكب اللى ورايا
                        ربنا رازقنى ب٣ ابناء وواخدانا اخر حلاوه وكتير من الاوقات كمان بيكون معايا والدى ووالدتى وساعتها بس بحس انها يادوب علينا
                        بس من ورا تشيل تلات اشخاص متوسطى الحجم مستريح ومن قدام حزث ولا حرج براااااااح ونفس وسع الفوكس من ورا
                        اكبرهم فى الكنبه الخلفيه هى الفلوانس
                        ان الله لا يغير ما بقوم حتى يغيروا ما بأنفسهم

                        Comment


                        • #13
                          المشاركة الأصلية كتبت بواسطة mohyeldin1974 مشاهدة المشاركة
                          معلش توضيح صغير بما انى مالك للاسترا السيدان كوزمو
                          انا طولى ١٨٠ سم وببقى قاعد بعيد جدا عن الدركسيون بدون تاثير على الراكب اللى ورايا
                          ربنا رازقنى ب٣ ابناء وواخدانا اخر حلاوه وكتير من الاوقات كمان بيكون معايا والدى ووالدتى وساعتها بس بحس انها يادوب علينا
                          بس من ورا تشيل تلات اشخاص متوسطى الحجم مستريح ومن قدام حزث ولا حرج براااااااح ونفس وسع الفوكس من ورا
                          اكبرهم فى الكنبه الخلفيه هى الفلوانس
                          اوكي ممكن تكون مريحاك وانت مش شايفها ضيقة... بس انا لما جربتها حسيتها ضيقة من قدام وضيقة (جدا) من ورا... حكمي ده انا بنيته على مقارنتها بالشارك اللي معايا... في فرق مش قليل في المساحة الداخلية صدقني...

                          طبعا انا مش بعيب في العربية لانها ممتازة ومش محتاجة كلام... كل واحد واحتياجاته... انا مثلا كنت عارف ان شنطة الشارك صغيرة قبل ما اشتريها بس لقيتها مناسبة لاحتياجاتي وهقدر اكيف ظروفي عليها والحمد لله مش مسببالي ازمة...
                          [FONT=Palatino Linotype][SIZE=4][COLOR=navy]Ahmed Fawzy[/COLOR][/SIZE][/FONT]

                          Comment


                          • #14
                            المشاركة الأصلية كتبت بواسطة ahmed travco مشاهدة المشاركة
                            اوكي ممكن تكون مريحاك وانت مش شايفها ضيقة... بس انا لما جربتها حسيتها ضيقة من قدام وضيقة (جدا) من ورا... حكمي ده انا بنيته على مقارنتها بالشارك اللي معايا... في فرق مش قليل في المساحة الداخلية صدقني...

                            طبعا انا مش بعيب في العربية لانها ممتازة ومش محتاجة كلام... كل واحد واحتياجاته... انا مثلا كنت عارف ان شنطة الشارك صغيرة قبل ما اشتريها بس لقيتها مناسبة لاحتياجاتي وهقدر اكيف ظروفي عليها والحمد لله مش مسببالي ازمة...
                            كلامك مضبوط طبعا انها احتياجات ومفيش عربيه كامله
                            وربنا يباركلك فى عربيتك ويكفيك شرها
                            ان الله لا يغير ما بقوم حتى يغيروا ما بأنفسهم

                            Comment


                            • #15
                              شوف : الرأي ده لزميل :

                              اهلا بيك الاول ونورت قسم بي ام :


                              الرائ ده شوفته بالصدفة من زميل بيدخل علي الموقع واشتراه العربية وده رايه فيها .

                              ورائي الشخصي : طبعا بي ام - بدون تفكير - انت هيبقي اسمك راكب عربية ، ليها احترامها ورونقها

                              وجبروتها . ( ملحوظة : وبدون ما اقرا راي الزميل طبعا بي ام )




                              تقييم الزميل :

                              تقييم شخصى لكوزمو بعد ٣٠٠ كم ( التقيم من ١٠)

                              ١-- السعر .......١٠/٦ وكذلك حال جميع اسعار السيارات فى مصر مع العلم انى مخفض فى سعرها ٢٥٠٠جنيه ولكن فى راى best value for money فى هذه الفءه
                              ٢- التكيف......لم يتم تجربته ان شاء الله بعد ١٠٠٠ كيلو وربنا يستر لان عربيتى لونها اسود
                              ٣- الشكل الخارجى....... ١٠/٩.٥ طبعا دى ازواق ولكنها افضل تصميم وشكل خارجى فى فءتها
                              ٤- تحميل الصاج........١٠/٨.٥ ماعدا الاكصدامات بحكم المواصفات الاوروبيه
                              ٥- جوده التقفيل.....١٠/٩ بس ليه ملحوظه وحيده هى ان معظم الاسترا الجديده اللى شوفتها لاحظت ان الاكصدام الامامى مفارق بسيط عن جسم العربيه وكان الكلبسات مش مريحه مكانها
                              ٦- التابلوه والتصميم الداخلى ١٠/١٠ بدون مبالغه وخاصه انوار التابلوه الناريه وان كان كثره الزراير ممكن تكون مشكله لبعض الناس ولكنى متعود عليها بحكم ان كان معايا النسخه estate خارج مصر
                              ٧- الوسع والرحابه الداخليه ١٠/٨ بحكم ان العربيه C segment فطبيعى انها تبقى مش كبيره ولا صغيره بالذات الكنبه الخلفيه
                              ٨- العفشه ١٠/٨ واعتقد الاداء هيتحسن مع الوقت
                              ٩- المحرك ١٠/٨ واعتقد الاداء هيتحسن بعد مايفتح ولكنه مرضى جدا بالنسبالى بحكم انى مش بتاع تسارع وصوته ممتاز
                              ١٠- استهلاك البنزين ١٠/٧ اعتقد ان حكم بدرى شويه لان لسه العربيه بتلين وان شاء الله بعد فتره الاستهلاك بيقل وهى بتعمل متوسط ١٠ لتر/ ١٠٠ كم داخل المدينه
                              ١١- الفتيس ١٠/٧.٥ عندى نفس الملاحظات اللى ذكرها الزملا فى موضوع الرعشه والاحساس بتسقيط النقله فى حاله فرمله عنيفه ولكن اعتقد انها طبيعيه وليست عيب ولكنه احساس غير مرضى فقط وان شاء الله بالتحديث تختفى
                              ١٢- الفرامل ١٠/٨ بحكم انها لسه بتطبع ولكن استجابتها ممتازه الا ان الاحساس الزياده بتساقط النقلات يعطى احساس ان الفرامل بتمسك بقوه ثم اقل ثم اقوى واعتقد انه طبيعى
                              ١٣- الشنطه ١٠/٩ وسع ممتاز وكافى بخلاف امكانيه طى المقاعد
                              ١٤- الاضاءه ١٠/٩ تنوع لقوه واتجاه الاضاءه وكافى جدا بخلاف الشبوره
                              ١٥- الدريكسيون ١٠/١٠ فعلا ماشاء الله بدون مبالغه
                              ١٦- ارتفاع السياره ١٠/٨.٥ مناسب جدا واعتقد التصميم مساعد على ارتفاع السياره من الارض ومحكتش معايا وربنا يستر

                              السلبيات من وجهه نظرى

                              ١- عدم وجود فتحات تكييف للكنبه الخلفيه
                              ٢- الاستبن صغير ومش نفس مقاس الجنط السبور
                              ٣- عدم امكانيه غلق المرايه عن طريق الريموت مع الازاز ( لو حد يعرف يقلى) وكمان جسم المرايه مش بيلم كله يعنى بحس ان لسه المرايه مقفلتش للاخر
                              ٤- السياره مجهزه للبلوتوث ولكن غير موجود
                              ٥- مع كل دواره بلاحظ ان الزرار الخاص بادخال الهوا من خارج السياره بيكون off معناه ان لازم مع كل فتحه كونتاكت اشغل الزرار عشان ميدخليش هوا من بره ( بردو لو حد يعرف ازاى اخليه على طول on يقلى)
                              ٦- الفتيس بياخر هسه فى قراءه النقله يعنى مثلا من d ل r و العكس يعنى مش تنقل وتدوس اكسريتير لا لازم تصبر لما الفتيس يقرا الحركه ويحولها ودى بتاخد جزء من الثانيه وعلى فكره كانت معايا النسخه المانيوال بره مصر ومان لازم بردو اصبر على الفتيس جزء من الثانيه عشان ياخد النقله ولكن هو مش عيب هو تكنولوجيا مختلفه والله اعلم.
                              ٧- صندوق التابلوه مفيهوش تلاجه
                              ٨- الاريال تركيب قلووظ مش fixed يعنى لو ركبته مش هتلاقيه
                              ٩- فرامل اليد ودى عن تجربه شخصيه وهو موضوع ممكن يبقى ايجابى عند بعض الزملا وهو ان فرامل اليد كهربا يعنى لو مشدوده والعربيه واقفه ودورت وزودت بنزين على nاو p عادى الفرمله تفك نفسها اوتوماتيك حتى لو طلعت بالعربيه وهى مشدوده هى بتفك نفسها اتوماتيك عادى ونصيحتى هنا لبعض الاخوه اللى ممكن يسيبوا اولادهم يقعدو يلعبو فى العربيه لبعض الوقت ان فى حاله الدوس على الاكسراتير والعربيه معشقه الفرامل هتقرا انك عايز تتحرك وهتفك نفسها اتوماتيك وممكن لاقدر الله تبقى العربيه فى منزل وتعمل مشكله.
                              ١٠- قفل الباب مش بيقفل اتوماتيك بعد العربيه مابتتحرك ( لو حد يعرف يقلى) يعنى لازم ااقفل اللوك يدوى من الزرار
                              :F_eyeb1[1]: Yassooooo

                              Comment

                              Working...
                              X