ايهما افضل !! أفيو هاتشباك، نيو اكسنت، ماتريكس ؟

[john_hurghada]

انا حاجز عربية افيو هاتشباك بس سمعت انها بتسحب بنزين جامد
كنت عايز اخد رأيكو انهي احسن أفيو الهاتشباك 1500 Cc ، النيو اكسنت ، الماتريكس 2008
مع العلم اني لسة اول مرة اسوق عربية :d
عايز اعرف اي عربية من دول قطع غيارها ارخص وسحبها فى البنزين حنين

[momenhamdy]

اعتقد ان النيو اكسنت افضل ...... و الله اعلم

[bassam nagy]

لو عاوز عربية كبيرة وعائلية تبقى ماتريكس
واعتقد الانسب من ناحية استهلاك الوقود النيو اكسنت موتورها تكنولوجيا اعلى من الماتريكس
واستبعد الافيو لقرب سعرها من النيو اكسنت
والنيو اكسنت احسن واقوى

[fahd_628]

انا صوت للماتريكس لأنها فعلا مبتطلبش قطع غيار و استهلاكها عادى ك 1600

نفسى اعرف مين صوت للأفيو على توفير البنزين

[john_hurghada]

شكرا قوي ياجماعة على مساعدتكم وانا دلوقتي بفكر جديا فى النيو اكسنت
المشكلة ان فى ناس بتقول ان العفشة بتاعتها وحشة
هل النيو اكسنت تقفيل كوري ؟؟
والاحسن اجيب 1600 cc ولا 1300

[askoda]

Check this topic :

http://www.nilemotors.net/Nile/showthread.php?t=37109

Ana bas 3ayez a2olk 3ala 7aga law enta 2awel marra tesoo2 3arabya falazem tegeeb 3arabya tekoon kawya wketa3 3'yarha re5eesa wb3deeeen lamma teeegy tebe3ha tany yeb2a ana ansa7ak belmatrix wyasalaam law 3reft tegeeb wa7da kasrr zeroo 3ashaaan lama teegy tebe3ha tany mate5sarsh keteeer

[Amrrr]

ان رأيي انك تجيب حاجة قديمة ترزع فيها شوية طالما أول مرة تركب عربية عشان كل العربيات دي ضعيفة أوي لو خدت خبطة عمرها مترجع زي ماكانت ودا عن تجارب قدام عيني الأفيو القديم والفيرنا والله العظيم العربية من أول حادثة بتسخن والدريكسيون تقيل وعلبة البوار باظت والسنسورز أغلبها باظ والزيت نزل من الموتور والسنسور بتاعة بايظ وصاحب العربية معرفشي اي حاجة غير ان الموتور فجأة بيرزع

بعد الشر عليك بس اي حد لما هيركب عربية أول مرة هيبقى في شوية حبشتكانات كدة
وعموما رأيي الماتريكس لو انت عندك عيلة وكدة ولو لسة خليك في النيو أكسنت

[john_hurghada]

القديم عامل زي البطيخة مش عارف هاتطلع حلوة ولا وحشة
انا بفضل انها تتخبط على ايدي واعرف خباياها :d وربنا مايجيب خبط

زي مانتوا عارفين اني حاجز الافيو عند شيفورليه منصور بس هو لسة مستنيني اقرر البنك اللى هاقسط عندوا يعني لسة ماجبهاش من المصنع
دلوقتي لو حبيت اسحب المقدم دا هل هايخصم مني حاجة ؟؟

[الريس]

الماتريكس حلوة للاستخدام العائلي
و لو حابب برة الليسته عنك الجين تو

[john_hurghada]

الكل بيشكر فى جين تو بس مش عارف ليه انا عمري مافكرت فيها وكل شوية اللستة بتوسع مني :D
انا خايف فى الاخر اتجنن
فى كمان الهوندا سيتي شكلها بيعجبني جدا وانا مش محتاج اكتر من 1300 CC وسعرها معقول جدا على انها ياباني وموفرة فى البنزين

لو حد عنده خبرة مع منصور ياريت بس يطمني الاول هل بيخصم حاجة ولا خلاص اعتبر نفسي اتدبست فى الافيو

[rabeden]

blash el aveo blash blash blash nasy7a mshakelha kteera w f3ln zay mal 2a55 Amrr 2all enaha btgyb trombet powe w hya lssa fl daman w fyha mshakl nasy7a mn wa7d kamman mgrb tawkeel mansor blash

[john_hurghada]

بالنسبة للنيو اكسنت في منها 1400 cc دلوقتي ؟؟؟
ولو فى، سعر المانيوال منها كام ؟

[john_hurghada]

؟؟؟؟؟؟؟؟؟؟؟؟؟
المقارنة حاسسها صعبة قوي لحد دلوقتي، النسب متساوية
وتقريبا الماتركس خارجة من المقارنة الا لو لقيت الشكل القديم منها زيرو

[Eslam_A]

طالما مش فارق معاك الماتور يبقي شوف الياريس استهلاك بنزين قليل وقطع غيار معمرة اكتر من العربيات اللي انت كاتبها

[Kate]

نصيحة منى بجد شوف البونتو كلاسيك 2008 ملهاش حل موتورها 1300 سىسى بس موفرة جدا جدا جدا فى البنزين و بتنزل ب 2airbages و جنوط و كماليات تانية وب 75 الف.. ادخل على منتدى فيات و شوف ملاكها بيتكلموا عنها ازاى .. انا الحمد لله بعد لف كتيييييير حجزت البونتو و سيبك من الكلام عالتوكيل (اوماترا) بجد ناس قمة فى الذوق و محترمين جدا عن تجربه . انا كنت حجزت من فترة و رجعت سحبت الحجز و مقالوش و لا كلمة بالعكس كانوا ذوق قوى .. جرب كدة و شوف الكلام الى متقال عنها بس يا ريت يبقى من ملاكها ابعتلهم على الخاص و هما هايتكلموا معاك بمنتهى الامانة .. و ربنا يوفقك