ساعدني فالاختيار بين الكورولا والاسترا

[doctors124]

السلام عليكم وكل سنه وانتوا طيبين
كنت عايزكوا تساعدوني في فالاختيار بين الكورولا والاسترا وللاتنين اشتري 2013 والا استنى 2014 وبالذات ان في كلام ان الكورولا هتبقى تركي ولو في اختيار تاني اضيفه قولولي

[ahmedteam]

لو هتقدر على مصاريف الاسترا يبقى الافضل فى رأيى

لو عايز اختيارات تانيه قول رنجك فى السعر و المواصفات المطلوبه علشان نقدر نساعدك(هتشباك ولا سيدان .. وتو ولا مانيوال..عائليه ولا لأ .. 1600 سي سي اكثر او اقل .. سفر ولا داخل المدينه)

[Haitham G]

استرا

[M I D O]

لو هتقدر تستني شوية الكورولا الجديدة 2014 يبقي افضل بس علي فكرة سعرها هيرفع جامد ولو انت عامل ميزانية محددة يبقي الاسترا تكسب حاليا

[cosmo]

اعتقد الافضل تستنى علشان تحكم على العربية بعد ما تنزل مع انى اعتقد ان هيا هتبقى غاليا وتكنولوجيا مش قد كدة بردة وده واضح من الاوريس
اعتقد الاسترا هيا الافضل فى الفئة السعرية (بما انى من ملاكها الجداد)
بس ممكن تشوف الفلوانس والفوكاس والسفيك

[aahfly]

لو مكانك كنت حشوف انا محتاج العربيه فى ايه
لو اغلب مشاويرك جوه البلد و في الزحمه يبقي الكرولا حتبقي احسن
لو حتبقي على طرق سريعه و بتجيب سرعات عاليه يبقي الاسترا

[doctors124]

الف شكر على المشاركه وكل سنه وانتوا طيبين
كنت عايز عربيه عائليه شويه وللسفر ورينج 160 او ازيد شويه المهم متتعبيش بعد كده فالصيانه وقطع الغيار

[doctors124]

في حد اقترح عليا القاشقاي ايه رايكوا ؟
الف شكر تاني ليكوا ياجماعه

[doctors124]

يا جماعه في ناس اشتكتلي من صيانه الاوبل الكلام ده صحيح

[Haitham G]

انا سمعت نفس الكلام و برضه فى ناس بتقول ان لازم 95 بس اعتقد ان ده كلام مش صح وبعدين الصيانات حتكون ايه شوية فلاتر وزيت وتيل فرامل مش قصة يعنى

[Mohyeldin1974]

اعتقد الكورولا ٢٠١٤ عشان تركب اوبشنز معقوله مش هتقل عن ٢٠٠ الف وفى الحاله دى الاسترا تكسب
وهى حاليا فى الفءه السعريه دى تكسب كل اللى على الساحه
مفيش مشاكل فى الصيانه بس طبيعى ان حاجه الالمانى بتبقى غاليه شويه بس معمره
على فكره انا راكب كورولا من ١٩٩٨ لحد ٢٠١١ بس لما ادفع نفس المبلغ فى كورولا او استرا يبقى اوبل طبعا
الشىء الوحيد اللى ممكن يميز الكورولا هو اعاده البيع بس ياعالم هل التركى هتبقى بسمعه الجنوب افريقى!

[Ahmed TRAVCO]

الاسترا طبعا (وبفرق ملحوظ)..

في المقابل... الاسترا مش هي الاحسن في الفئة السعرية لان اول فئة (طاسات) ب175000... ولوعايز الكوزمو يبقى هتدفع 190000 (سيدان) او 196000 (هاتشباك)...
انا مازلت مصر على ان ميتسوبيشي شارك اعلى فئة ب170000 افضل من ده كله خصوصا مع الاسعار المتخلفة عقليا من الشركات التانية:
فلوانس هايلاين 200000
كورولا هايلاين 180000
سيفيك 210000
جيتا 215000
فوكس كمفورت 210000
النترا هايلاين 183000
سيراتو توب لاين 196000
كروز هايلاين 165000


الشارك الوحيدة اللي سعرها ممتاز بمعايير اليومين دول هي والامبريزا اسبيشال اوردر180000

[martinmystery]

طب سعر اعادة البيع فى اوبل يا جماعة بتنزل جامد وهيتخسف بيها الارض ولا عادى مش اوى اقل سنة من الكرولا ؟؟

[عمرو سامي]

الاسترا طبعا (وبفرق ملحوظ)..

في المقابل... الاسترا مش هي الاحسن في الفئة السعرية لان اول فئة (طاسات) ب175000... ولوعايز الكوزمو يبقى هتدفع 190000 (سيدان) او 196000 (هاتشباك)...
انا مازلت مصر على ان ميتسوبيشي شارك اعلى فئة ب170000 افضل من ده كله خصوصا مع الاسعار المتخلفة عقليا من الشركات التانية:
فلوانس هايلاين 200000
كورولا هايلاين 180000
سيفيك 210000
جيتا 215000
فوكس كمفورت 210000
النترا هايلاين 183000
سيراتو توب لاين 196000
كروز هايلاين 165000


الشارك الوحيدة اللي سعرها ممتاز بمعايير اليومين دول هي والامبريزا اسبيشال اوردر180000

فعلا انا معاك اوى بالذات في موضوع الإمبريالية عربية عربية الصراحة افضلهم

[mafify]

انا افضل الvw ما دام هتجيب المانى