إعـــــــلان

Collapse

.

,
See more
See less

لانسر شارك 2009 ولا رينو لوجان كسر الزيرو

Collapse
X
 
  • Filter
  • الوقت
  • Show
Clear All
new posts

  • لانسر شارك 2009 ولا رينو لوجان كسر الزيرو

    بسم الله الرحمن الرحيم
    كل سنة وانتم طيبين جميعا. عيد سعيد علي الامة الاسلامية والعربية كلها ان شاء الله .

    ان شاء الله في اخر الصيف هشتري عربية والحقيقة انا عجبني سيارتين اما لانسر شارك 2009 اما رينو لوجان كسر الزيرو . انا عارف ان اللوجان فئة و الشارك فئة اعلي .
    فايهما افضل لوجان ممشيتش الا سنة بالكتير ولا شارك بقالها 5 سنين ماشية في الشارع ( حالتها حلوة ) ؟؟؟؟
    من حيث
    1- ان العربية تكون مريحة وقطع غيارها معمرة وتخليني مفكرش ابيع العربية الا بعد زمن لاني عشري شوية (( معايا بيجو 504 )) .
    2- ولما افكر ابيعها في المستقبل ان شاء الله مين الاحسن لوجان عشان موديل 2013 احدث من الشارك 2009 ؟
    3- فرامل abs انا معنديش فكرة عنها . مثلا لو بجري علي 140 كم وعاوز افرمل العربية هتقف في كام ثانية في الفرامل العادية و هتقف في كام ثانية في فرامل abs ؟

    والف شكر لاعشاء المنتدي الجميل مستني ردكم

  • #2
    4- بالنسبة للشارك هو موتورها 1600 سي سي لاني سمعت حد بيقول انه 1500 و ضعيف ...؟؟؟؟

    Comment


    • #3
      اكيد لو لوجان وشارك يبقى اكيد شارك و الموتور بتاع موديل 2009 1500 ومش ضعيف كويس كموتور 1500 سى سى هى بس قطع الغيار الاصلية غالية جداااااا

      Comment


      • #4
        المشاركة الأصلية كتبت بواسطة haitham g مشاهدة المشاركة
        اكيد لو لوجان وشارك يبقى اكيد شارك و الموتور بتاع موديل 2009 1500 ومش ضعيف كويس كموتور 1500 سى سى هى بس قطع الغيار الاصلية غالية جداااااا
        اشكرك ع الرد طيب
        افهم من كلامك يا باشا ان موديلات 2010 فيما فوق 1600 سي سي ولا برضه 1500

        Comment


        • #5
          العربية تقريبا ماكنتش بتنزل فى فترة معينة اللى اتغير فيها الوكيل ونزلت تانى تقريبا من اخر 2011 وبعد كده تقريبا فى 2012 نزلت ال 1600 سى سى

          Comment


          • #6
            اولا: كل عام والجميع بخير وعيد سعيد على الامة الاسلامية جمعاء...

            ثانيا: المقارنة دي (لا تجوز شرعا)... حتى لو الشارك بقالها 5 سنين... فبغض النظر عن الفرق الهائل على جميع المستويات انا مؤمن تماما ان قطع غيار الشارك هتكون معمرة بشكل اكبر بكتير...

            ثالثا: الموتور اتغير من 1500 الى 1600 من بداية 2012... بس في المقابل مفيش زينون ولا عتب جانبي ولا كساحات ولا فاميه (مع الاسف)...
            [FONT=Palatino Linotype][SIZE=4][COLOR=navy]Ahmed Fawzy[/COLOR][/SIZE][/FONT]

            Comment


            • #7
              الشارك لحد 2012 محرك 1500 سي سي من اول 2013 اصبح المحرك 1600 سي سي و المحرك ال 1500 دة ممتاز مش وحش بس مشكلة الشارك اسعار قطع الغيار نار وبرضة الرينو اسعار قطع غيارها نااار بس اقل من الشارك
              . . . . . . . . . . . . [SIGPIC][/SIGPIC] . . . . . . . . . . . .
              . . . . . . . أة يــا تــيــشــيــرت الـــعـــمـــر يـــا أبــيـــض ... انـــا الـــزمـــالـــك انـــتـــو مـــيـــن ؟؟ . . . . . . .
              و ارجــع روحــك عــالــيــة لـلـجـمـاهـيـر الـغـالـيـة و انـسـى كــل مــا فــاتــك و قــدم كــورة تـانـيـة ♥♥ ZAMALEK ♥♥

              Comment


              • #8
                ممكن نعرف ثبات العربيه الوجان في المنحنيات الخطرة

                Comment


                • #9
                  مفيش وجه مقارنة والشارك كشكل وامكانيات وثبات وفرامل وركوبه وكل حاجه افضل وبالنسبة لقطع الغيار فالشارك زيها زي كل اللي في فئتها لكن اللوجات قطع غيارها غاليه جدا بالنسبة للفئه بتاعتها

                  Comment


                  • #10
                    المشاركة الأصلية كتبت بواسطة m i d o مشاهدة المشاركة
                    الشارك لحد 2012 محرك 1500 سي سي من اول 2013 اصبح المحرك 1600 سي سي و المحرك ال 1500 دة ممتاز مش وحش بس مشكلة الشارك اسعار قطع الغيار نار وبرضة الرينو اسعار قطع غيارها نااار بس اقل من الشارك
                    على فكرة الموتور ال1600 بدأ من 2012 يا ميدو باشا... مش 2013
                    [FONT=Palatino Linotype][SIZE=4][COLOR=navy]Ahmed Fawzy[/COLOR][/SIZE][/FONT]

                    Comment


                    • #11
                      اشكركم جميعا علي ردودكم واضح ان في اجماع علي الشارك
                      بس محدش جاوبني ع موضوع الفرامل

                      Comment


                      • #12
                        اللي شفته من الأعضاء هنا ان فراملها ضعيفه وكان لسه في عضو عامل موضوع عن رحلة للأوبترا للساحل وبيشتكي من ضعف الفرامل

                        Comment


                        • #13
                          الرينو قطع غيارها غاليه والشارك ايضا غاليه يبقى اختر الشارك افضل بكتير من حيث مقارنات كتير
                          ربنا يوفقك
                          فتح سابقا

                          Comment


                          • #14
                            المشاركة الأصلية كتبت بواسطة shaddadfalcon1 مشاهدة المشاركة
                            اللي شفته من الأعضاء هنا ان فراملها ضعيفه وكان لسه في عضو عامل موضوع عن رحلة للأوبترا للساحل وبيشتكي من ضعف الفرامل

                            لا يا باشا انا قصدي ع حوار فرامل abs ايه الفرق بينها وبين الفرامل العادية و هل هي موجودة في الموديل ده 2009 ولا ؟

                            Comment


                            • #15
                              Abs بيخليك تتحكم فى العربية لما تدوس فرامل جامد يعنى العجل مش بيكلبش وبالتالى تقدر توجه العربية فى حالة الضغط بقوة على الفرامل و بيكون معاه نظام ebd توزيع قوة الفرامل حسب القوة اللى كل عجلة محتاجها مثلا لو دوست فرامل فى منحنى فى الطريق توزيع قوة الفرامل لكل عجلة بيكون مختلف والعربية بيكون فيها abs حسب الفئة بتاعة العربية نفسها المفروض انه يكون حاجة اساسية زى العربيات الأوربية كده مش بالفئة زى العربيات الاسيوى لازم ادفع مبلغ زيادة عشان تلاقى العربية فيها وسائل امان

                              Comment

                              Working...
                              X