محتار بين الروتون جين 2 و الاسبرانزا a620

[Omar2017]

بسم الله الرحمن الرحيم
سبحانك اللهم وبحمدك ، أشهد أن لا إله إلا أنت أستغفرك وأتوب إليك
اللهم صل على محمد وعلى آله وصحبه أجمعين
السلام عليكم ورحمة الله وبركاته
كل عام و انتم بخير
انا محتار بين البروتون جين 2 و الاسبرانزا a620 هشتريي واحدة من الاتنين هيكونوا موديل 2007 جمال و الانتشار هو هو تقريبا و الامكانيات كويسة في الاتنين الجين2 دركسيون مالطي مثبت سرعة نظام ايكون
الاسبرانزا فتحتة سقف شاشة دي في دي و الباقي موجود في الاتنين
انا عايز اعرف اهي الافضل من ناحية
الموتور و قوتة
السحب و السحب مع التكييف
التكييف الصاج
التقفيل و الخامات بتاعتة
التكييف
شكرا لكم

[ahmedalaahosny]

الاسبرانزا بحسها كده عوجيزى مش بتاعه شد وجرى عربية للناس اللى بيتحب العربيات الكبيرة نيجى للمواصفات الفنية
نمط السيارة - سيدان
سعة المحرك - 2000 سى سى
قوة المحرك - 124 حصان
صندوق التروس - اوتوماتيك
السرعة القصوى - 175 كم / س
سعه خزان الوقود - 60 لتر
طول / عرض / ارتفاع -4770 / 1815 / 1445
نظام الأمان - ABS - EBD
أطارات السيارة - 205/55R16
معدل استهلاك الوقود - 8.7 لتر / 100كم
وزن السيارة فارغه - 1835
بلد المنشأ - الصين

البوتون عربية شبابى ثبات واداء عالى والموديل ده كويس اوى قبل التقفيل المصرى
المواصفات الفنية :-
طول – 4310 مم
عرض –1725 مم
الارتفاع – 1435 مم
قاعدة العجلات – 2600 مم
الوزن الصافي – 1185كجم
سعة خزان الوقود – 60 لتر
المحرك – 4/ 1.6/ 110
متوسط إستهلاك الوقود ( لتر / 100 كم ) –6.8
الفتيس:-
الاوتوماتيك : – 4 سرعات
مانيول:– 5 سرعات
- نظام تعليق رياضي من Lotus الانجليزية
- نظام فرامل ABS + EBD من Porsche الألمانية مانع للأنزلاق
- AirBags للسائق و الراكب الأمامي
- تحكم مالتي فانكشن بالطارة تحكم كامل بالنظام الصوتي
- طارة رياضية 3 ريشة قريب من الفيراري
- نظام ثبات رياضي في المنعطفات و مانع انقلاب
- محرك Campro الاداء القوي علي السرعات العالية - يمتاز بصوت الزئير عند الضغط على دواسة البنزين ( صوت رياضي ) لا يحتاج فلتر هوا رياضى
- شمعات أمامية رياضية سوداء + التحكم بقوة اضائة التابلوه
- اضائة داخلية رياضية حمراء
- كراسي رياضية بالكامل + فرش رياضي قماش فاخر جدا أسود و احمر ..
- مساحة زجاج خلفية
- فتح الشنطة بكامل الزجاج الخلفي + دعامات تثبيت ( طبعا الشنطة واسعة جدا بعكس ما قد يخيل لك )
- مصابيح ضباب أمامية نوعية ميتاهالوجين .. ( للأسف مزعجة لأي سيارة امامك من قوتها )
- مصابيح ضباب خلفية قوية جدا !!
- حساسات خلفية
- اكصدام رياضي أمامي و خلفي + مرايات رياضية + جناح خلفي
- طقم صوتي Blupanket ب 6 سماعات و مضخم صوت قوي جدا جدا جدا + CD MP3 + اريال راديو رياضي علوي بالسقف
- اماكن تخزين منتشرة بالداخل + امكانية طي المقاعد الخلفية الاثنين بالكامل 90 درجة
- جنوط رياضية + شبكة رياضي + فلتر هواء رياضي أمامي
- نظام الرحلات Trip odo لحساب البنزين المستهلك و المتبقي و غيره
- ضبط وضعيات الكراسي
- مثبت سرعة
- 6 Airbags اضافي خلفي و جانبي

[eng.m7md.ali]

الجين٢ عمرها ماكانت تقفيل مصري

وبعدين انا اجيب عربية مسخ زي الاسبرانزا للي ميعرفش انها تقليد اعمي للشيفي ابيكا لما ممكن اجيب عربية شكلها حلو وجديد زي الالنترا او الجين وهكذا

[draboeyad]

خليك فى الجين 2 احسن بكتير
الa620 تحس فعلا انها عربيه عائليه مش لشاب مطلقا

[Omar2017]

شكرا على الردود يا بشوات بس انا مش هركبها لوحدي هركبها انا والوالدة

[ALshahba]

اسبيرانزا 620 عربيه عائلية من الدرجة الاولي مش بتاعة شد , لكن قوة عزم حديد ولا تتأثر بتشغيل التكييف واستهلاك البنزين داخل المدينه جيد جدا وسعة خزان الوقود الاجمالي 70 لتر يعني تسافر بيها وترجع ولا تحتاج اي بنزينه علي الطريق , اعطالها قليله جدا وقطع غيارها رخيصه

الجين2 سياره شبابية من الطراز الاول بتاعة شد وجري ومواصفاتها جيده ولكن سعتها من الداخل ضيقه جدا بالمقارنه ب 620

وبالتوفيق

[M I D O]

جين 2 طبعا رغم ان ال 620 عربية فخمة جداااااااا بس لو جبتها هتلبس في دعم البنزين وهتشتري اللتر ب 5 جنية تقريبا ودة خراب بيوت

[Omar2017]

شكرا يا الاساتذة انا خلاص نويت على الجين 2 و اديني بدور

[ALshahba]

بالتوفيق ان شاء الله

والف مبروك

[ALshahba]

جين 2 طبعا رغم ان ال 620 عربية فخمة جداااااااا بس لو جبتها هتلبس في دعم البنزين وهتشتري اللتر ب 5 جنية تقريبا ودة خراب بيوت

بالمناسبة الدعم علي جميييييييع فئات السيارات وليس 1600 فقط