فورد موندي 98و الجيتا 98

[fayed_fikry]

اخوانى الاعزاء
السلام عليكم و رحمة الله و بركاته هل يمكن الافادة عن السيارة مونديو 98 او 99 و الجيتا ايضا من حيث قطع الغيار و هل متوجدة اما لا و سعر السيارة و تقييم العربية باعموم من حيث الاداء و هل الاتوماتيك منها به مشاكل (يعنى تنصحو بيهاولا لاء :roll: )علشان ناس بيقوبو قطع غيرها غير موجوده و سعرها نااااااااااااااااااااااااااااااااااااااااااار
جزاكم الله خيرا

[A.ELgamaL]

محدش رد ليه يا خبراء الفورد

انا زيك بالضبط عايز اجيب فورد مونديو و كل الكلام ده مخوفني منها حد يرد علينا في الموضوع ده

[ahmed_3omda]

اخي العزيز fayed علي لسان احمد حمدي ركيب المونديو (صديقي) :)


السياره المونديو تتميز بمنتهه الرفاهيه والثبات والقوه في السحب والصاج بالنسبه للصالون السياره سوف تشعر من النظره الاوله بالفخامـه سياره يعتمد عليها ;)


بالنسبه للفورد مونديو 1600 سي سي الاوبشن .. تكييف وسنتر وازاز كهربه وباور. سعرها يتراوح بين 40 ل 60

بالنسبه للفورد مونديو 2000 سي سي اسمها الحقيقي ( فورد جيـا ) .. تكييف وسنتر وازاز كهربه وباور وكراسي كهربه وبها سخانات واتوماتيك يوجد بها تلات تحكمات في الفتيس .معظمها فرش جلد طبيعي فرق السعر يتراوح بين 10 او 20 الف جنيه عن ال 1600 سي سي .. سعرها يتراوح بين 50 الي 70 الف حسب الحاله طبعا .

قطع الغيار متوفره والمتوفر اكثر ال 1600 سي سي اما ال 2000 سي سي ( الجيا ) قطع غيارها متوفره لكن انصحك بال 1600 سي سي لسهوله صيانتها وقطع الغيار المتوفره وسعر قطعه الغيار ارخص .اماكن بين قطع غيارها في التوفيقيه وشارع زكي اسئل علي عم ابراهيم امين .وشارع دمشق مصر الجديده اسئل علي بتاع الفورد وحرفيين السلام

اسعار بعض قطع الغيار:-

- سعر جوز مساعدين 1600 من حوالي سنه ب 500 الي 700 مش متزكر اوي :)
- استبليزر لينك ب 65 (شداد ميزان)
-تيل فرامل بـ 95 جنيه كهربه (abs)
-فانوس امامي 160 جنيه استيراد اصلي من الوكاله
-شبكه بـ 50 جنيه جديده من عم ابراهيم امين في شارع زكي
-قاعده ماتور 275 جنيه الماني اصلي
- طبه زيت 10 جنيه
- فانوس خلفي 275 جنيه جديد الماني
- سـير الدينامو والتكييف سير واحد بـ 125
- سير كاتينه 160 جنيه






واي استفسار اخـر تحت امـرك محدثكم الرسمي احمـد عماد :D

[A.ELgamaL]

شكرا جزيلا لك يا اخ احمد بالنسبة ليا انا عايز اجيب واحده نظيفة كاملة مانوال 1600 فممكن تسالي صديقك الاخ احمد حمدي ركيب المونديو هي اخبارها ايه من حيث العفشة و الارتفاع من علي الارض يعني اخبارها ايه مع المطبات و اخبارها ايه من حيث الاعطال و لو فيه ادامه حاجه فابريكه بره و جوه و حالتها ممتازه و عاملة كيلو متر قليل و تكون موديل لا يقل عن 98 بلغوني عشان اشتريها

[Xpert]

احب انبه سوق المونديو بطيء بالنسبه لاعاده التدوير .. اعاده البيع يعمي .
لو قصدك علي الجيتا (فولكس فاحن جيتا) يبقي اختياري الشخصي للجيتا ..
هع هع .. 50-70 الف جنيه .. انا مره قفشت واحده كنت هاخدها ب 38 الف بس الكلام ده عدي عليه 3 شهور تقريباُ هه

[A.ELgamaL]

شكرا جزيلا لك يا اخ احمد بالنسبة ليا انا عايز اجيب واحده نظيفة كاملة مانوال 1600 فممكن تسالي صديقك الاخ احمد حمدي ركيب المونديو هي اخبارها ايه من حيث العفشة و الارتفاع من علي الارض يعني اخبارها ايه مع المطبات و اخبارها ايه من حيث الاعطال و لو فيه ادامه حاجه فابريكه بره و جوه و حالتها ممتازه و عاملة كيلو متر قليل و تكون موديل لا يقل عن 98 بلغوني عشان اشتريها

[ahmed_3omda]

حـاضر يافنـدم لو ظهـرت حاجه كويسـه قدامي حبلغك علطول بأذن الله :)

بالنسبه للمطبات متقلقش ألسياره عاليه عن الارض وطبعا تحك معا مطب عالي واذا لم يتم اخد المطب بسرعه بطيئه جدا والبركه في المهندسين الخبره في الجبال الاسفلتيه :D

وفعلا زي ماقال بيشوي سوقها بطيئ لأن السوق المصري يتجهه نحو السيارات الكوري لأن قطع غياره متوفره في التوكيل بس حتدفع باردو ;)

المونديو قطع غياره متوفر بس استيراد لانـه موديل قديم نسبيا وربنا يوفقك :)

[A.ELgamaL]

شكرا جزيلا لك و دي نمرة موبيلي 0101534748 م/ احمد الجمل