سياره في حدود 85 الف جنيه جديده او كسر زيرو

[magedms2001]

السلام عليكم و رحمه الله

أنوي شرا سياره في حدود 85 الف جنيه يفضل اوتوماتيك بس لو مانيوال حاجه كويسه شغال برده انا بسافر بورسعيد كل اسبوع و بعد البحث و السؤال توصلت الي السيارات الاتيه:

لوجان اوتو (مستعمل موديل 2012 فاحدث)
افيو اوتو (مستعمل موديل 2012 فاحدث)
ساجا اوتو (مستعمل موديل 2012 فاحدث)
جين 2 اوتو (مستعمل موديل 2010 فاحدث)
byd اوتو (مستعمل موديل 2012 فاحدث)

ولا ازود و اجيب نيسان الجديده كسر زيرو

او اجيب عربيه مانيوال جديده زي اللوجان او الافيو او BYD أو جيلي امجراند أو الساجا

انا عايز مقارنه بين السيارات دي من حيث التوكيل , قطع الغيار , استهلاك البنزين , الاعتماديه , الثبات , مع العلم ان والدي يمتلك سياره نيسان صني 2006 و انا اجدها سياره متميزه من حيث الثبات و الوكيل و قطع الغيار و لكن استهلاك عالي جدا للبنزين لذا لريد سياره قريبه منها مع استهلاك بنزين معقول و شكرا لكم علي تعاونكم

[lenasam]

نيسان كسر زيرو

[aw2100]

افيو اوتو (مستعمل موديل 2012 فاحدث)
افضلهم من ناحية الثبات وقطع الغيار والتوكيل
ولو تقدر تجيب اوبترا يبقى افضل وافضل
وابعد عن اللوجان عربية مش ثابتة و البروتون توكيل سئ وقطع غيار مش متوفرة !!

[M I D O]

الافيو الاوتو معا خالي و العربية معا التكييف بتقلب بطة ولسة واكلة ابعد عنها تماما الافضل ليك في السعر دة جديد حاجتين الاولي اسبرانزا ام 11 جديدة او جيلي اميجراند جديدة ولاكن افضل الام 11 احسن عربية هتلاقي فيها كل الي انت محتاجة

[Elkordy2000]

اوبترا أفضل كتييييييير او صني شكل قديم

[amrelsaqqa]

من امتى والافيو ثابتة ؟

ادفع اللى معاك مقدم وقسط الباقى في بيجو 301 مانيوال بـ 107

[Mohammmed]

انا اتلخبطلك من الاراء المختلفة
خليك فى صنى احسنلك

[4fun14]

جين تو افضلهم بس جايز تتعبك شويه عشان مش منتشره اوي.. نيسان كسر زيرو افضل.. ورايي ان اللي بيشتري لازم يجيب اوتوماتيك خاصه انك حاطط ميزانيه تسمح

[grand GLS]

بص هى الافيو تحس انها زى اللانوس و احسن حاجة شيفها فى التمن دا هيونداى ماتريكس عربية ناعمة و فى الاخر دا قرارك

[S O P H O S]

جيب ياريس اوتو
او كورولا مانيوال 1300
مجرد رأي ..