تشتروا ايه ؟؟

[pendodo2002]

السلام عليكم ورحمه الله و رمضان كريم عليكم كلكم
والدي عمل حادثه بسيطه ( او هيا مش بسيطه اوي ) المهم عربيته دخل بيها في لاند كروزر فا نص الماتور اللي فوق طار ... المههم راح علشان تتصلح سواء في توكيل مرسيدس في بن قرقاش او برا التوكيل قالو له رقم فلكي المهم عملها كنسله ( تكهين) للعربيه واتباعت ببحوالي
500 درهم

دلوقتي هوا هيشتري عربيه جديده
نزلنا لفينا النهارده اكتر من 5 ساعات في سوق السيارات داخل ابوظبي (مستعمل)
والخيارات اللي قدامنا هي كالآتي (سياره لعائله من خمس افراد بالكامل) مع العلم ان كل العربياتت دي عليها كشف بالكمبيوتر في الوكاله (الاجنس) :
1- شيفورليه Venture موديل 99 بـ 17 الف
2- GMC SuperBan موديل 2000 بـ 48 الف
3- فولفو V70 السيدان موديل 2004 بـ 30 الف
4- كيا كرنفال موديل 2003 بـ 26 الف
5- جولف 2000 سي سي موديل 2001 بـ 18 الف
6- فورد مونديو موديل 2005 بـ 35 الف
7- بي ام دابليو 530 موديل 99 بـ 30 الف
8- بي ام دابليو 530 موديل 2001 بـ 33 الف
9- كيا اوبريووس موديل 2005 بـ 48 الف
10- شيفورليه لومينا (سرعه محدده ) مومديل 2006 بـ 42 الف
11- فان هيونداي (مش فاكر اسمه) موديل 2006 بـ 30 الف
12- كيا سبورتاج موديل 2005 بـ 45 الف
13- جولف 2000 سي سي موديل 2004 بـ 27 الف
14- تويوتا راف 4 موديل 2000 بـ 32 الف
15- ميرسيدس S320 موديل 1995 بـ 27 الف (نظيفه اوي بس مش فبريكه )
16- نيسان التيما 2500 سي سي موديل 2006 بـ 42 الف
17- هوندا اكورد في تيك موديل 2005 بـ 46 الف
18- نيسان تيدا 1800 سي سي مودييل 2007 بـ 36 الف
19- ليكزيس LS400 موديل 97 بـ 38 الف ( زباله)
20- بيجو 307 سبورت موديل 2005 بـ 30 الف
21- شيفورليه كابريس موديل 2002 بت 26 الف (مش فبريكه بس صيانه مصنع)
22- دودج جراند كارنفال موديل 96 معاهاا تلفزيونين LCDاتنين ومعاهم مداخل وفيش كهربا لأيحاجة اضافيه وتلاجه و كاميرا و سينسور وآخر كرسي (كنبه) بتتحول كهربائيا لسرير وكل الفرش جلد مع جنوط سبور 18 و بلوتوث سيستم وتكيف كهربائي اضافي للجزء الخلفي و سقف خشب باضاءات مختفيه بس منور جامد والازاز (الجانبي والخلفي) فوتوبلاك (بيغمق لحد 40% في النهار وبيفتح بالليل لحد 10% ) والعربيه كانت ططلب خاص لواحد من الشيوخ و المبلغ المطلوب بـ 19 الف
23- اودي A6 موديل 2003 بـ 40 الف

(كل العربيات دي فبريكه ما لم يذكر عكس ذلك و مفهمش حتى خربوش صغير وعليها كششف بالكمبيوتر معتمد )
دي كل العربيات الممكنه في ضمن الفئه السعريه للممستعمل وهي 50 الف درهم
مع ملاحظة ان والدي استعماله عنيف ورياضي (متعود على الامريكي عموما) وبيضرب مشوار يومي بممقدار 360 كيلو و احيانا ممكن يكملهم 400 (على حسب التساهيل)
تختاروا ايه وليه ؟ و ايه المفروض اعرفه تاني عن العربيه (باستثناء هيا ماشيه قد ايه) ؟ ومين قطع غيارها رخيص (على المستوى العالمي) وتتحمل من ناحيه المشاويير ؟

وان شاء الله بكره انا نازل الف على التوكيلات اشوف الاسعار و ابعت لكم تقرير بيها في الامارات


تحياتي

تحياتي



___________________
تم النقل للمقارنات
مشرف العــــــــــــــــام

[جمال]

شكرا على الموضوع , تم التعقيييييد

[pendodo2002]

شكرا على الموضوع , تم التعقيييييد

مش ده الهدف

اقرأ للآخر
تشتري ايه لو مكاني ؟

[mohamed ibiza]

لو مكانك هشتري S320

[katkootaya]

أهم حاجه ابعد عن البي ام المستعمل علشان مشاكله كتييييييييييييييييييييييييييييير

انا رأيي اللومينا عربيه ممتازه بس هيه حالتها اييييييييه !!

[PRO-DRIVE]

فولفو V70 السيدان موديل 2004 بـ 30 الف
بي ام دابليو 530 موديل 2001 بـ 33 الف
نيسان التيما 2500 سي سي موديل 2006 بـ 42 الف
هوندا اكورد في تيك موديل 2005 بـ 46 الف
18- نيسان تيدا 1800 سي سي مودييل 2007 بـ 36 الف

لو حختار حجيب من دول :)

[magdy_momo]

هوندا اكورد
نيسان التيما
و اتوكل علي الله

[badblood]

الدودج جراند كارنفال طبعا لو كل الحاجات اللي فيها دي سليمة 100 % يبقى اتوكل على الله

[momenhamdy]

ا

10- شيفورليه لومينا (سرعه محدده ) مومديل 2006 بـ 42 الف
16- نيسان التيما 2500 سي سي موديل 2006 بـ 42 الف
17- هوندا اكورد في تيك موديل 2005 بـ 46 الف
18- نيسان تيدا 1800 سي سي مودييل 2007 بـ 36 الف

تحياتي

كل دي ماركات مخصصة لتحمل اجواء الخليج فأعتقد ان دول افضل موديلات و اعتقد ان اقلهم ال TIDA 1.8 و ربنا يوفقك ............ بس بجد انا اختار ال اكورد عربية مالهاش حل

[mahamedaraby]

18- نيسان تيدا 1800 سي سي مودييل 2007 بـ 36 الف
16- نيسان التيما 2500 سي سي موديل 2006 بـ 42 الف
17- هوندا اكورد في تيك موديل 2005 بـ 46 الف

انا لومكانك كنت هشترى دول

وبجد حرام حرام اللى بيحصل فينا فى مصر

[hazem_khidr]

النيسان التيما
هو اختياري من وسط كل العربيات دي
لاني ركبتها و عارفها كويس اوي و عارف امكانيتها
قطع غيارها رخيصه نسبيا و عربيه من الفئه العائليه الكبيره
و قليله الاعطال ان لم تكن منعدمه.
لو لو يلاقي واحده 3.5 يبقي احسن كمان

[mohamed ibiza]

ايه يا جدعان انا الوحيد اللي اخترت المرسيدس فيه ايه يا جدعان نيسان ايه و لومينا ايه دي النجمة الثلاثية Mercedes-benz دي ملهاش حل ولا مثيل

[pendodo2002]

شكر لكل الاعضاء اللي مشاركين برأيهم
وانا فعليا بحاول حصر الآراء في خمس اختيارات
بس والدي متمسك بالميرسيدس خصوصا اللي كان مستعملها قبل كدا (عمل بيها حادثه دي) بررضو مرسيدس و بيقول انها عربيه جامده وحلوه ...

بالنسبه للزياره للتوكيلات

اسعار السيارات النهارده في كل من توكيل ميتسوبيشي و سوبارو و مازدا
ميتسوبيشي فيها ثلاث انواع رئيسيه

1- الشكل القديم
وده المتوفر منو بس 1.3 والسعر 48 الف (مفهاش ABD or EBD

2- الشكل الجديد او كما هو معروف وهو باسم EX
وده متوفر منو فئتين
الاولى : 1500 سي سي
ودي في منها فئتين : HighLine و LowLine
ال LL
دي بـ 58 الف ومفهاش ABS ولا EBD بالإضافه ان اعدادتها بدائيه جدا
ال HL
دي بـ 66 الف وفيها 4 ABS and EBD and Brake Assist بس برضو تعبانه من جوا
بعد كده الفئه الثانية وهي : 2000 سي سي ( طبعع مستبعده علشاان الجمارك)
ودي منها تلات فئات فرعيه :
GLS : ودي اقل واحده وبـ 57 الف (ايوه الرقم صح ... اقل من ال 1500 سي سي ) ببس برضو اعدادات تعبانه عموما و ممفهاش اي حاجة من ال EBD or ABS او اي حاجة تانيه
GLX : ودي رقم اتنين زي ما بيسموها و تمنها 67 الف ABS + EBD وبس
GT : ودي مفهاش حاجة جديده باستثناء الشكل الخارجي مختلف شويه مع وجود كساحات اماميه خلفيه وعتب و شوية زيادات لا تسمن ولا تغني من جوع في امكانيات اللعربيه نفسها و تمنهها 72 الف لحد 77 الف

3- اللانسير ايفولوشن ودي سعرها بيبدأ من 190 الف درهم 6 سلندر و 3000 سي سي وطبعا العالم دي بتهرج اني اجيب لانسير ببـ 200 الف واسيب بورش بـ 240 الف

تعليقي كان مع مسؤول المبيعات كان : انتو يا جماعه اكيد اكيد عينتوا مصريين عندك في اداره المبيعات , الاسعار مباااااالغ فيها جدا .... فهو هو رد وقالي اصل ده شكل جديد وامكانيات جديده .... قلتله انا معايا لانسير 1.3 موديل 2007 الهاي لاين بـ 38 الف من التوكيل , يبقا ازاي بقدره قادر نفس العربيه و نفس الشكل بس اللو لاين بتاعها بقا بـ 48 الف ؟؟؟؟؟؟ ايه في يوم وليله ربنا نفخ في سيرتها وبقت طياره ؟؟؟ .... فقالي دي اداره شركه و دا حال التجاره اللي عليه طلب سعره بيزيد ..... قلتله اه , شكرا ... فقالي طيب ما تشوف التويوتا كانت نازله بكام وبقت بكام .... قلتله مهو واضح انها بقت سياسه عند اليابانيين : قدم خدمه تعبانه و عربيات تعبانه و ارفع سعرها علشان تزييد من فضول العميل انو يشتريها .... فقالي انتا عمرك شفت مشكله في عربياتنا ... فكاان ردي : 1- الصبغ بقبق في بعض الاماكن ولما رحت لهم في الصيانه قالو اصل ده زيت باكم -2- التكييف تعباااااان بين قوسين كسييح -3- سحبه العرببيه تعبانه لدرجه ان لو فيي واحد مشلول راكب عجله جنبي ممكن يسبقني و ده بيحطني في مشاكل كتير جدا خصوصا في التجاوز في ابوظبي وانتا عارف كدا .... فقالي اولا التكيف تعبان علشان الماتور 1300 ...-قاطعته- قلته اه حجه البليد ... طيب ما الايكو و الياريس و الكرولا اللي في نفس الفئه برضو تكيفهم كويس جدا جدا وشوف بنفسك 80% من التكاسي في ابوظبي كرولا و يارس و شغالين 18 ساعه في اليوم لف ودوران والتكيف تلاااجه و العربيه بتسحب تمام طيب هسألك سؤال ... انا بقالي 6 سنين في ابوظبي شفت كل انواع العربيات على شكل تكاسي ماعدا اللانسير ... ده ميدلش على ان اللانسير فيه عيب اصلا في الماتور والتكييف و الشركه بتكابر ؟؟ .... فقالي والله انا دي التعليمات اللي بتجيلنا والكلام ده تقولوا للشركه .... قلتله طيب منا قلتلك شكرا من الاول ... وسبته

:: طبعا هوا مكانش في اي داعي للكلام معاه او لاسلوب الكلام معاه يالشكل ده بس بصراحه انا طلعت مشاكل سنه كامله فيه من تووكيل تعبان :P ::

بعد كدا السوبارو
امبريزا مش موجوده ومفيش اي بيانات عنها هتنزلل قبل اواخر اكتوبر
الليجاسي سعرها على اربع فئات
4 سلندر لو و هاي لاين من 85 الف لحد 100 الف
6 سلندر لو و هاي من 105 لحد 122 الف
مع ملاحظة ان معاملتهم صراحه مش على مستوى عالي من الاحترافيه

المازدا 3
في منها خمس اعدادات
S - وده اقل اعداد يقابل اللانسير هاي لاين GT وتمنها 56500 درهم
V1- وده اعداد اعلى شوية معاه فوانيس فوج و جناح و جنوط بـ 61500 درهم
V2- زي الاول بس معاه فتحه سقف بـ 64500 درهم
VS- وده الاعداد الاسبورت باكيج معاها Front and Rear sport bumber and sporty grill + side air dams + keyless entry ,..... بـ 67500 الف
VS-HatchBack - نفس كل حاجة باستثناء انها هات باك بـ 69800 درهم

مع ملاحظه انهم كلهم معاهم ABS+EBD+BrakeAssist + ActiveMatic gear + dual air bags + وكل حاججة كهرباا و مصابييح زينون + 1600CC + 16 valve + 106 horse powwer



بس

تحياتي
يوم السبت ان شاء الله هنزل سوق الحراج في مصفح اشوف المستعمل هناك وبكره هنزل هيونداي وكيا (توكيلات)

[أبو عبدالله]

الخلاصة

16- نيسان التيما 2500 سي سي موديل 2006 بـ 42 الف
17- هوندا اكورد في تيك موديل 2005 بـ 46 الف