بعد ما فقدت الامل في الفا 146 حالتها حلوة .. ايهم افضل " البرافا vs البوينتر vs C3 "

[M_a_h_M]

السلام عليكم

انا كان بقالي فترة طويلة بدور علي الفاروميو 146 حالتها حلوة لكن مع الاسف مش لاقي .. و بقالي فترة من غير عربية .. فبعد تفكير في بديل ليها ملقتش حاجة في حدود امكانياتي و في حدود اني بحب الاختلاف شوية غير دول .. فكنت عايز اعرف من الخبراء ايهم افضل من حيث الاداء .. و العيوب و المميزات :

برافا - بوينتر - c3

[Gelgel2004]

ابعد عن البوينتر فولكس فاجن- قطع غيار قليله و موش موجوده فى التوكيل غير وجود شويه عيوب فى تصميم دوره لتبريد و التكييف

انصح ب c3 او برافا
بالتوفيق..

[ahmedalaahosny]

طب الاسهل ان حضرتك تقول حضرتك معاك كام وتوسع دائرة البحث شوية اصل كل دوول مالهمش سوق ولاقطع غيار بره غير عند ناس بعينها ومش اي حد بيشتغل فيها

[samyyousef]

البرافا ممتازة.............لكن اين هي؟؟
ستواجه نفس المشكلة انه يتعذر الحصول على برافا بحالة جيدة الان
انا بعتها كانت عاملة سبعين الف كيلو ب واحد و ثلاثين الف جنية من سنة و نصف
و ندمت على بيعها
مشكلة البرافا انها لو لم تكن حالتها ممتازة ينصح بالبعد عنها تماما

[M_a_h_M]

طب الاسهل ان حضرتك تقول حضرتك معاك كام وتوسع دائرة البحث شوية اصل كل دوول مالهمش سوق ولاقطع غيار بره غير عند ناس بعينها ومش اي حد بيشتغل فيها

انا من الناس اللي مبحبش اركب العربيات المتعارف عليها لأن عندي نظرية لأنها بتكون مستهلكة نظرا لرخص قطع غيارها و بيكون عدي عليها كذا رجل .. لو العربية كويسة و ركوبة مش مشكلة تكون قطع غيارها غالية شوية و تعمر معايا شوية .

انا قدامي عربيتين برافا حالتهم كويسة و زيهم بوينتر و زيهم c3

[ahmedalaahosny]

انا من الناس اللي مبحبش اركب العربيات المتعارف عليها لأن عندي نظرية لأنها بتكون مستهلكة نظرا لرخص قطع غيارها و بيكون عدي عليها كذا رجل .. لو العربية كويسة و ركوبة مش مشكلة تكون قطع غيارها غالية شوية و تعمر معايا شوية .

انا قدامي عربيتين برافا حالتهم كويسة و زيهم بوينتر و زيهم c3

اتفق مع حضرتك ف النقطة دي بس انا مثلا اشتريت عربية ومالقتش مركز صيانة او محل قطع غيار ف المكان اللي انا فيه هضطر اجيب عم عبده الميكانيكي يفتي فتيتين يبهدل الدنيا وطبعا هيجيب حاجات مش بتاعها ويركبها تحت مسمي مشي حالك يابيه فبكده حالة العربية البعيدة عن عز العرب تعتبر الله يرحمها دي وجهة نظري بس برده حضرتك ماقولتش رينج العربية الجديدة كام ؟

[i_Am_Legend]

برافا كويسة او ماريا..بس المهم الحالة..وممكن تشوف الويرا.. والنوبيرا ١
وال c3 مش عارف قطع غيارها بصراحة..اسعارها لو معقولة هاتها طبعااااااااا هي او ال٢٠٦

[M_a_h_M]

اتفق مع حضرتك ف النقطة دي بس انا مثلا اشتريت عربية ومالقتش مركز صيانة او محل قطع غيار ف المكان اللي انا فيه هضطر اجيب عم عبده الميكانيكي يفتي فتيتين يبهدل الدنيا وطبعا هيجيب حاجات مش بتاعها ويركبها تحت مسمي مشي حالك يابيه فبكده حالة العربية البعيدة عن عز العرب تعتبر الله يرحمها دي وجهة نظري بس برده حضرتك ماقولتش رينج العربية الجديدة كام ؟

رينجي للعربية اواخر الثلاثينات .. و مش اوائل الاربعينات عشان اي عربية مهما كانت لسة هيتصرف عليها شوية

[ahmedalaahosny]

هههههه خلاص ماشى مش اوائل الاربعين هو الاقرب شوية من دوول السيينا والكوردوبا طبعا مش هقول ابيزا لانهامنتشرة بالعبيط

[M_a_h_M]

هههههه خلاص ماشى مش اوائل الاربعين هو الاقرب شوية من دوول السيينا والكوردوبا طبعا مش هقول ابيزا لانهامنتشرة بالعبيط

ههههههههه .. فعلا فكرت في الكوردوبا لكن اللي عدي قدامي كانوا عربيتين 94 و حالتهم مش اد كدة و واحد فيهم كان طالب 32 و التاني 34 .. كانوا اقل كمان من الرينج اللي عاملة لكن للاسف حالتهم وحشة .. و السيينا مش ميال ليها نفسيا بصراحة

[tarekmomo]

بص ابعد عن البوينتر دى 1000 سى سى وقطع غيارها قليلة اووى كانت مع واحد صاحبى ومطلعة عنية

[M_a_h_M]

كدة غالبا تم استبعاد البوينتر .. طب بالنسبة للبرافا و ال c3 .. مين افضل كأداء ؟؟؟؟؟؟؟

[ahmedalaahosny]

خليك ف البرافا وخلاص احسن حالا من الستروين و الماريا

[ahmedalaahosny]

شوف برده الكليو دي http://www.nilemotors.net/Nile/374713-2001.html