والله هشد في شعري من كتر الحيره

[AhmeedElbahy]

يا جماعه انا والله هتجنن خلاص
محتار بين البيجو 301 موديل 2014 ولا اللانسر شارك 2013 ناس قالتلي الثبات بتاع الشارك وحش و كمان واحد من شركة ناشيونال موتورز اللي في شارع الطيران قالي مش حلوه و شكرلي في البيجو اد كده لحاد مخلاني هتجنن
يا اهل الخبره ساعدوني

[ahmedalaahosny]

الاوروبى اوروبى برده ياباشا فى حد يسيب ال 301 ويجيب شارك ارشحلك ال301 وبشده فى ناس جابوها هنا ف المنتدى وبيشكروا فيها جامد البيجو ياباشا معروف من زمان لاغبار عليه لو سئلت أي حد مالك بيجو من معارفك أو صحابك هوا اللي هيحكيلك علي ثبات البيجو عموماًً بيجو معروفة بثباتها من أيام ال 504 واللي شافها بتاخد غرز قدام عينة علي الطريق وهيا ماشية 100 و 120 وهيا عربية موديل 33 سنة ورا علي الأقل هتعرف يعني أيه ثبات بيجو مقارنة بالإيطالي والياباني القديم..
راجع دوول ياباشا

http://www.nilemotors.net/Nile/369153-301.html

http://www.nilemotors.net/Nile/360546-301-100-a.html

http://www.nilemotors.net/Nile/360846-301.html

[AhmeedElbahy]

الاوروبى اوروبى برده ياباشا فى حد يسيب ال 301 ويجيب شارك ارشحلك ال301 وبشده فى ناس جابوها هنا ف المنتدى وبيشكروا فيها جامد البيجو ياباشا معروف من زمان لاغبار عليه لو سئلت أي حد مالك بيجو من معارفك أو صحابك هوا اللي هيحكيلك علي ثبات البيجو عموماًً بيجو معروفة بثباتها من أيام ال 504 واللي شافها بتاخد غرز قدام عينة علي الطريق وهيا ماشية 100 و 120 وهيا عربية موديل 33 سنة ورا علي الأقل هتعرف يعني أيه ثبات بيجو مقارنة بالإيطالي والياباني القديم..
راجع دوول ياباشا

http://www.nilemotors.net/nile/369153-301.html

http://www.nilemotors.net/nile/360546-301-100-a.html

http://www.nilemotors.net/nile/360846-301.html

الف شكر يا باشا و جاري التفكير

[Ahmed TRAVCO]

سؤال لصاحب الموضوع: هوه حضرتك تقصد (وحش) بكسر الواو والحاء؟؟ حضرتك بتتكلم جد؟؟؟ يعني الشارك بتاعتي اللي باخد بيها الملفات العادية على 190 والملفات الاصعب على 170 مثلا تبقى مش ثابتة؟؟؟؟

امال يبقى ايه تعريف الثبات لو مش عربية بتجيب بيها 200 واحيانا 210 ومش حاسس بأي خوف من كتر ماهي مكلبشة في الارض؟؟؟

عجيبة جدا بصراحة... والاعجب تعليق الاستاذ اللي بيتكلم عن ال301 وثباتها كأنها 508 مثلا لمجرد انها بيجو!!!!

حضرتك مفيش مقارنة اصلا في نقطة الثبات دي بالذات وياريت اللي عايز يجادل يكون مجرب الشارك كويس وبعدين ييجي نتناقش...

وياريت كل ملاك الشارك يدخلوا يدلوا بدلوهم في الموضوع ده....

[just_magdy1]

يكفى أقول أنى كان معايا شارك ولما غيرت اشتريت ..... شارك تانى ... إللى قالك الشارك وحشه صدقني ماسقهاش

[S O P H O S]

الشارك افضل فرأي
مجرد رأي فقط ..

[M I D O]

الشارك ثبات وحش ؟؟!! دة مين الي قالك كدة .. يا باشا الشارك عربية معروفة من زماااااان ثباااااااات جباااااااااار وعربية وهم عيبها الوحيد قطع الغيار نار

[AhmeedElbahy]

طب ايه اخبر قطع الغيار !!

[ahmedalaahosny]

سؤال لصاحب الموضوع: هوه حضرتك تقصد (وحش) بكسر الواو والحاء؟؟ حضرتك بتتكلم جد؟؟؟ يعني الشارك بتاعتي اللي باخد بيها الملفات العادية على 190 والملفات الاصعب على 170 مثلا تبقى مش ثابتة؟؟؟؟

امال يبقى ايه تعريف الثبات لو مش عربية بتجيب بيها 200 واحيانا 210 ومش حاسس بأي خوف من كتر ماهي مكلبشة في الارض؟؟؟

عجيبة جدا بصراحة... والاعجب تعليق الاستاذ اللي بيتكلم عن ال301 وثباتها كأنها 508 مثلا لمجرد انها بيجو!!!!

حضرتك مفيش مقارنة اصلا في نقطة الثبات دي بالذات وياريت اللي عايز يجادل يكون مجرب الشارك كويس وبعدين ييجي نتناقش...

وياريت كل ملاك الشارك يدخلوا يدلوا بدلوهم في الموضوع ده....

فى ايه ياعم ماتقوم تدور فينا الضرب احسن !!!
دى مجرد مناقشة الراجل المحترم طلب نصيحة انا رديت قولت كذا غيرى رد قال كذا ده قال وجه راى وده جايز شايف نقطة انا مش شايفها فبيعرضها بس دى فكرة المناقشة لكن مش كده

[eng.salama93]

شارك .. علي الأقل عشان اعادة البيع

[Ahmed TRAVCO]

فى ايه ياعم ماتقوم تدور فينا الضرب احسن !!!
دى مجرد مناقشة الراجل المحترم طلب نصيحة انا رديت قولت كذا غيرى رد قال كذا ده قال وجه راى وده جايز شايف نقطة انا مش شايفها فبيعرضها بس دى فكرة المناقشة لكن مش كده

هوه ايه بالظبط اللي مش عاجبك في اللي انا قلته مش فاهم؟؟؟؟؟ انت محسسني اني شتمتك مثلا والعياذ بالله...

الراجل المحترم سأل سؤال وانت قلت رأيك وغيرك (ومنهم أنا) قال رأيه... وهي دي فعلا فكرة المناقشة مش فاهم ايه اللي انا عملته غير اني (شاركت برأيي) في المناقشة دي!!!!!!!

وانا رأيي (مرة تانية) ان لما حد يقول ان ثبات الشارك وحش وان ازاي الواحد يسيب ال301 علشان الشارك ان ده شيء عجيب... ده رأيي يا فندم!!!

[ahmedalaahosny]

يعنى شايفك داخل قفش كده مش عارف لييه ؟؟ يعنى داخل شمال ف جملتك دى
عجيبة جدا بصراحة... والاعجب تعليق الاستاذ اللي بيتكلم عن ال301 وثباتها كأنها 508 مثلا لمجرد انها بيجو!!!!
انا حر ف اللى انا بكتبه محدش ليه الحق انه يراجع ع اللى انا كتبته باسلوب سخرية لا يليق باى لغة حوار على الاطلاق
انا قولت رايي وحطيت لينكات وسلام عليكم حصل مش كده
طب ليه داخل في المناقشة بتعصب لفكرة معينة ؟
هاتلى ياسيدى لينكاتك وكلامك وعلى راسى ياعم
على فكرة فكرة المشورة ف الحوار ده فكرة فاشلة لانك انت متحيز لعربية فلان متحيز لعربية انا متحيز لعربية مش هنوصل لحاجة هنتوه الراجل وخلاص انا من رايي ان الافضل كان دور ف قسم ده وف قسم ده وعمل مقارنة
عامة قشطة مساءك فل حصل خير

[Ahmed TRAVCO]

انا حر ف اللى انا بكتبه محدش ليه الحق انه يراجع ع اللى انا كتبته باسلوب سخرية لا يليق باى لغة حوار على الاطلاق

وانا حر جدا في اني اقول رأيي بناء على تجاربي... وطبعا اي حد في المنتدى من حقه يعلق على اي حاجة مكتوبة هنا ويقول رأيه فيها... انما بقى حتة السخرية دي انا لم اسخر نهائيا من كلامك ومش فاهم ايه اللي ممكن يخليني اسخر من كلامك يعني؟؟؟ ايه السخرية في اني بقول ان وجهة نظرك ان ثبات الشارك وحش حاجة عجيبة؟؟ ايه المشكلة؟؟ ده رأيي اللي بنيته على تجربة شخصية...

وبعدين مش قصة تعصب ولا حاجة... يعني هوه في حد هيشتري الشارك وهوه شايف البيجو افضل؟؟ ازاي؟؟؟ طيب ما كان اشتى البيجو وخلاص!!! خصوصا انها ارخص بحوالي 35000 جنيه... ولا ايه؟؟؟

في النهاية اتفق ان صاحب الموضوع يعاين العربيتين على الطبيعة ويجربهم بنفسه قبل ما يحكم...

[eleanor]

قصه الثبات اعتقد الاتنين متساوين ان لم تكن الشارك اثبت وده نتيجه اليروديناميكيه بتاعت العربيه
لكن البيجو ثابته والشارك ثابته
انت شوف ايه احتياجاتك من العربيه وشوف الاتنين على الطبيعه واحكم

[ahmedalaahosny]

هو من الاخر عايز عربية سنة واقلب وهات غيره الشارك
هتقعد معاك 4 او 5 سنين خليك ف البيجو لانها تقيلة ف البيع كحال معظم الفرنساوى الجديد