رينو لوجان ولا بروتون ساجا ولا بريليانس fsv

[cupid]

السلام عليكم
ان شاء الله هجيب عربيه قسط
استقريت على 3 عربيات اوتوماتيك مناسبه للفئه السعريه المناسبه ليا
ارجو من حضراتكم اللى يرشح حاجه منهم يذكر السبب
وياريت محدش يقول ابعد عن الصينى ولا الماليزى الا لو عن تجربه
1- بريليانس fsv اوتوماتيك
2- رينو لوجان اوتوماتيك
3- بروتون ساجا اوتوماتيك

[إبراهيم المصرى]

مبروك
لوجان اتوماتيك من وجهة نظرى المتواضعة
1 - وذلك لان التوكيل بيشكروا فيه والصيانه لحد 100 الف فى التوكيل هتريحك .
2 - لانها اوروبى ولو انها رومانى وتقفيل مغربى وبالتوفيق يا رب

[M I D O]

في وجهة نظري المتواضعة افضل عربية فيهم البريليانس اوتوماتيك

[gebreel]

لوجان يليها الساجا

اللوجان معايا الحمد لله مش مضيقاني في حاجة و توكيلها كويس و العيوب اللي فيها معروفة و التوكيل بيحلها بدون مشاكل، قطع غيارها موجودة و اسعارها كويسة مقارنة بباقي التوكيلات و الحاجات اللي مش موجودة هي الحاجات النادر طلبها و مش كلها كمان و بتيجي بسرعة لو انطلبت، اسعار صيانتها معقولة و عندك صيانة كل 5000 كيلو ببلاش، العربية مصفحة من تحت

الساجا عربية جميلة جدا و انا سقتها و محستش ان الموتور ال1300 ظالمها بس مش جراية يعني سحب اللوجان افضل منها، الفتيس بتاع الساجا تكنولوجيا قديمة لأنو هو بتاع الانسر موديل حاجة و تسعين بس مش فاكر انهي واحد بالظبط، تانك البنزين في الساجا صغير و استهلاكها في البنزين مساوي لعربية 1600، التوكيل بتاعها سئ جدا عن تجربة مع صديق ليها، قطع غيارها مش كلها موجودة فيها حاجت كثير مش موجودة في التوكيل و تنطلبلك و تفضل مستني بالشهرين و ال3 و 4 على ما تيجي، التوكيل بيحاول يحسن من نفسه بس في رأيي لسة قدامه كثير، بروتون كعربية ممتازة لأنها واخدة تكنوجيا بتاعة لوتس الانجليزية، عيوب الساجا مش واحدة يعني كل عربية ممكن يبقى فيها عيب مختلف عن الثاني


انا كنت بفاضل بين العربيتين دول و استقريت على اللوجان و الحمد لله مش ندمان على اختياري

[S O P H O S]

اميل كرأي فقط لل لوجان

[eng.octooo]

اكيد اللوجان
من ناحية
الجودة
والقيمة مقابل السعر
وسعر لاعادة البيع
و التوكيل
وانتشار قطع الغيار برة التوكيل

[Omar2017]

الساجا كماليات قوة موتور توفير في البنزين شكل افضل

[J A G U A R]

اللوجان

[M_SALLAM]

لوجان رغم انى معجب بالبريليانس جدا

[cupid]

لوجان رغم انى معجب بالبريليانس جدا

بما انك معجب بالبريليانس مرشحتهاش ليه

[Hmatchy]

معلش يا جماعه استفسار بس
هو الناس اللى بتتكلم على السحب هو مش متور اللوجان 90 حصان بردو ؟؟؟ اصل البريلليانس 102 رغم انها 1500
وبالنسبه لسعر اعاده البيع هو الرينو بقى من السيارت اللى ليها سعر اعاده بيع؟؟؟
انا لقيت بعض النقاط اللى بس حبيت استفسر عنها لانى لاحظت ان فى تحيز غريب من ملاك السياره انتو معنى كلامكو ان العربيه بدون عيوب تقريبا لان الوكيل بيحل كل مشاكلها
اما بالنسبه للبريلليانس فهى موفره فى البنزين واسعه ثابته فرامل هايله صاج محمل تكنولوجيا اعلى تسارع وتجميع مع الحرق شنطه وصالون معقولين جدا
عيوبها وكيل غالى بس يعتبر افضل وكيل فى مصر
قطع غيار غاليه لان مفيش منها مضروب ولو جبت الاوريجنال بتاع اى عربيه هيكون بنفس السعر
فى نقط كده ممكن ميكنش ليها لازمه فى المقارنه بس احب اعرفهالك بعد 80 الف كيلو قياده للبريليانس لو هتجبها متفكرش تنزل منها الا على الاكتافيا او الفورد فوكاس لان اى عربيه فى النص غير البريلليانس مش هتعجبك

[ahmzd]

لوجان والله أعلم.

[nonalaziza]

معلش يا جماعه استفسار بس
هو الناس اللى بتتكلم على السحب هو مش متور اللوجان 90 حصان بردو ؟؟؟ اصل البريلليانس 102 رغم انها 1500
وبالنسبه لسعر اعاده البيع هو الرينو بقى من السيارت اللى ليها سعر اعاده بيع؟؟؟
انا لقيت بعض النقاط اللى بس حبيت استفسر عنها لانى لاحظت ان فى تحيز غريب من ملاك السياره انتو معنى كلامكو ان العربيه بدون عيوب تقريبا لان الوكيل بيحل كل مشاكلها
اما بالنسبه للبريلليانس فهى موفره فى البنزين واسعه ثابته فرامل هايله صاج محمل تكنولوجيا اعلى تسارع وتجميع مع الحرق شنطه وصالون معقولين جدا
عيوبها وكيل غالى بس يعتبر افضل وكيل فى مصر
قطع غيار غاليه لان مفيش منها مضروب ولو جبت الاوريجنال بتاع اى عربيه هيكون بنفس السعر
فى نقط كده ممكن ميكنش ليها لازمه فى المقارنه بس احب اعرفهالك بعد 80 الف كيلو قياده للبريليانس لو هتجبها متفكرش تنزل منها الا على الاكتافيا او الفورد فوكاس لان اى عربيه فى النص غير البريلليانس مش هتعجبك

اللوجان الأتوماتيك 110 hp يعني اعلي من البريليانس.
بالنسبة لسعر إعادة البيع انا خسرت في السانديرو 3000 جنيه بس لما جيت ابيعها. علي فكرة كانت معايا سنه و عشر شهور وعامله 19000ك و فيها بربريز مشروخ. و اكصدام مكسور. لو كانت فابريكة كنت كسبت فيها كمان الفين او تلاته

[Hmatchy]

اللوجان الأتوماتيك 110 hp يعني اعلي من البريليانس.
بالنسبة لسعر إعادة البيع انا خسرت في السانديرو 3000 جنيه بس لما جيت ابيعها. علي فكرة كانت معايا سنه و عشر شهور وعامله 19000ك و فيها بربريز مشروخ. و اكصدام مكسور. لو كانت فابريكة كنت كسبت فيها كمان الفين او تلاته

انا اسف نسيت موضوع الاتوماتيك صح كده الرينو تكسب لان البريلليانس الاتوماتيك 106 حصان بس لكن سوال بنسبه لسعر اعاده البيع حضرتك جبتى العربيه بكام وبعتيها لما كانت بكام زيرو لان العربيات كلها غليت جدا
انا مثلا جبتها من 3 سنين ونص المانيوال الكامله ب 75 وعامله 80 الف بس دلوقتى سعرها 104 الف ومش موجوده معنى كده انى لو بعت ب 70 هبقى كسبان؟؟ معتقدتش لان قيمه الجنيه نزلت اوى لدرجه ان كده هكون خسرت مكسبتش

[ahmzd]

لوجان طبعا