مساعدة على الاختيار : بيجو 301 كامله او كيا سيراتو (هاف) 2014 سعودى

[Elashhab]

السلام عليكم
كنت محتاج اعرف رأيكم ايهم افضل من حيث الكماليات والصيانه وكعربيه عموما ؟!!!
هل البيجو وخدمة التصليح وسيبنا من الوكيل لان ديما بتكون الاسعار مسافرة يعنى لو عطلت هقدر اصلحها برا ؟!؟! ولا لازم توكيل
ونفس الكلام بالنسبه للكيا سيراتو .......... مستنى ردودكم
شكرا

[Elashhab]

هل الفروق كبيرة اوى كدا ولا محدش جرب البيجو ؟!

[M I D O]

القلب يقول سيراتو و العقل يقول بيجو 301

[Elashhab]

القلب يقول سيراتو و العقل يقول بيجو 301

طيب معلش ممكن توضح اكتر .... لانى قلقان من تصليج البيجو فى مصر .... وقطع الغيار وغيره

[amrelsaqqa]

هى السيراتو الهاف دي بكام
شوف انت محتاج عربية في الفئة الصغيرة (بيجو) ولا المتوسطة (سيراتو) ولا ما تفرقش معاك !
ده بعيدا عن امكانيات كل عربية وسعرهم حتى لو كان متقارب وحتى لو دى اوروبى ودى كوري ، دى فئة ودى فئة تانية

[M I D O]

طيب معلش ممكن توضح اكتر .... لانى قلقان من تصليج البيجو فى مصر .... وقطع الغيار وغيره

الي اقصدة ان القلب بيقول السيراتو عشان الشكل الجميل جدا و الاوبشن الكتير في العربية وشبابية شوية فتحسسك بالقوة و العقل بيقول بيجو 301 عشان اوروبي يعني تقريبا زي الالماني كدة في الركوبة حاجة عالية جدا وقطع غيار غالية شوية اة بس معمرة جدا وهتركب عربية فعلا مش هتقول يا تصليحات قبل 5 سنين يعني راحة بال ومجرد ان العربية تنتشر شوية ودة فعلا بدء يحصل هتلاقي ناس كتير بدئت تشتغل فيها

[Elashhab]

هى السيراتو الهاف دي بكام
شوف انت محتاج عربية في الفئة الصغيرة (بيجو) ولا المتوسطة (سيراتو) ولا ما تفرقش معاك !
ده بعيدا عن امكانيات كل عربية وسعرهم حتى لو كان متقارب وحتى لو دى اوروبى ودى كوري ، دى فئة ودى فئة تانية

لا معلش صغيرة ازاى .... صغيرة من ناحية ايه .... وايهما فئه اعلى واحسن وعلى اى اساس
شكرا

[Elashhab]

الي اقصدة ان القلب بيقول السيراتو عشان الشكل الجميل جدا و الاوبشن الكتير في العربية وشبابية شوية فتحسسك بالقوة و العقل بيقول بيجو 301 عشان اوروبي يعني تقريبا زي الالماني كدة في الركوبة حاجة عالية جدا وقطع غيار غالية شوية اة بس معمرة جدا وهتركب عربية فعلا مش هتقول يا تصليحات قبل 5 سنين يعني راحة بال ومجرد ان العربية تنتشر شوية ودة فعلا بدء يحصل هتلاقي ناس كتير بدئت تشتغل فيها

متكشر جدا

[amrelsaqqa]

لا معلش صغيرة ازاى .... صغيرة من ناحية ايه .... وايهما فئه اعلى واحسن وعلى اى اساس
شكرا

انا حاجز 301 على فكرة ..

بس برضه هى عربية صغيرة ومش عايزين نطلعها من الفئة بتاعتها هى المفروض في فئة الـ sub-compact cars مش الـ compact cars رغم انها واسعة جدا من جوة ويمكن اوسع من عربيات في الفئة اللى بعدها ، ولكن اولا واخيرا عربية صغيرة ..

ممكن تبقى افضل من السيراتو كتحمل واداء ومتعة في السواقة ، ( مش عارف الحقيقة ) ، بس السيراتو فئة اكبر يعنى في نظري ما نقدرش نقول افضل من السيراتو الا لو ثبت ده فعليا وعمليا لكل الناس

(موضوع الفئة ده مهم ، وشوف النيسان صنى الجديدة لما نزلت في الفئة بقت عاملة ازاى )

المفروض كمقارنة بين نفس الفئات يبقى 301 تتقارن بالريو مش السيراتو ، وهنا ممكن نقول دى افضل او دى افضل بمقارنة السعر والامكانيات والاداء
انما سيراتو ، هيبقى موضوع محير وعايز حد درس العربيتين وعارفهم عن قرب ، بس انا رأيي الشخصى بعيدا عن اي حاجة ان السيراتو الجديدة ما تستاهلش تمنها

[Elashhab]

انا حاجز 301 على فكرة ..

بس برضه هى عربية صغيرة ومش عايزين نطلعها من الفئة بتاعتها هى المفروض في فئة الـ sub-compact cars مش الـ compact cars رغم انها واسعة جدا من جوة ويمكن اوسع من عربيات في الفئة اللى بعدها ، ولكن اولا واخيرا عربية صغيرة ..

ممكن تبقى افضل من السيراتو كتحمل واداء ومتعة في السواقة ، ( مش عارف الحقيقة ) ، بس السيراتو فئة اكبر يعنى في نظري ما نقدرش نقول افضل من السيراتو الا لو ثبت ده فعليا وعمليا لكل الناس

(موضوع الفئة ده مهم ، وشوف النيسان صنى الجديدة لما نزلت في الفئة بقت عاملة ازاى )

المفروض كمقارنة بين نفس الفئات يبقى 301 تتقارن بالريو مش السيراتو ، وهنا ممكن نقول دى افضل او دى افضل بمقارنة السعر والامكانيات والاداء
انما سيراتو ، هيبقى موضوع محير وعايز حد درس العربيتين وعارفهم عن قرب ، بس انا رأيي الشخصى بعيدا عن اي حاجة ان السيراتو الجديدة ما تستاهلش تمنها

متشكر جدا على رأيك ومبروك على البيجو مقدما وانشاء الله تطلع حلوة وتعجبك واول ما تجربها يا ريت تعرفنى رأيك

[sehs15]

ولا السيراتو ولا الريو تستاهل تمنها ... الكوري بيفتري في الاسعار واحنا السبب

[janagabr]

ماينفعش تقارن البيجو ٣٠١ بالسيراتو الجديدة لان السيراتو اعلي من البيجو غير ان سعر السيراتو مبالغ فيه جدا جدا
البيجو لسه جديدة عشان تحكم علي العربية صح علي الاقل استنا عليها تقريبا سنه عشان يبان امكانيتها وقطع غيارها في السوق

[S O P H O S]

اميل للكيا كرأي