كورولا 2014 , فورد فوكس, نيسان قاشقاي ... يا ريت تفيدونا في المقارنة

[shriefdiab]

عاوز اشتري عربية جديدة و محتار بين الثلاثة دول يا ريت حد يفيدني
يا ريت التركيز علي الامكانيات, الراحة, الوسع, التوكيل, قطع الغيار(توافرها,اسعارها), سعر اعادة البيع,

[OilMan]

التلاته اجمل من بعض وكل واحده فيهم تستحق التقدير

انا حقول لحضرتك راى شخصى كانى انا اللى حشترى بالظبط وده حيبقى راى منقول من خلال احتكاكى بملاك اى من السيارات المذكورة

انا اللى يهمنى عند الشراء
1- هل سوف تلبى رغباتى كسيارة عائلية (وبرده لو حضرتك مش متجوز يبقى شبابيه).
2- عوامل الامان واعلم جيدا ان الامان والقدر من عند الله سبحانه وتعالى ولكن علينا ان نجتهد والمكتوب مكتوب.
3- استهلاك البنزين لانى ده اكتر حاجه حفضل استعملها طوال فترة امتلاكى للسيارة.
4- قطع الغيار ومدى توافرها وثانيا سعرها.
5- توكيل ومعاملته ومدى مصداقيته فى الضمان دون الدخول فى نقطة ده نتيجة استعمال او الخ.
6- صيانات والذى يتم تغيره وهنا بقى اللى يهمنى الصيانات الاساسية اللى هى بيسموها major مثلا فى عربيات على 60 وعربيات على 80 وهكذا.
7- واخيرا سعر اعادة البيع وده يتفاوت من شخص الى شخص امتى بيحب يغير عربيته وده يعتمد على مدى اعتمادية السيارة وتاثرها بشوارعنا الجميله والعوامل الجوية والبيئية السيئه عندنا هنا من تراب وعيال تجرح عربيات وخلافه.

اخى العزيز اريد فقط ان اوضح لحضرتك ان الكمال لله وحده فقط ولا يمكن ان ناخذ كل شئ مثالى فى فئه واحده ولكن يجب ان اختار الذى يرضى رغباتى بما لا يقل عن 80% وان تعلم جيدا ان اى مالك سيارة فى الغالب بيبقى فى نظره هى احسن سيارة بصرف النظر عن اى شئ وديه حاجه سلبية للاسف فينا وانا يمكن اكون منهم علشان محدش يزعل منى.

احب ااقول لحضرتك انى قمت بالتصويت للكورولا بناء على كل العوامل اللى كتبتها لحضرتك سابقا ومن خلال خبرتى وتعاملى مع التوكيل خلال اربع سنوات ومشاهدتى بالتفصيل الممل للكورولا الجديده وخبرة بعض الاصدقاء فى العمل يملكون كورولا الشكل القديم وانا منهم طبعا والبعض يملك القشقاى وبصراحه مفيش حد يملك الفورد لى قريب فى العمل او خارجه ولكن البعض كان يملكها ولهم رايهم الخاص وليس من حقى نقله لانه متغير من شخص لاخر ولكن الجميع باع السيارة بناء على وجهة نظره الخاصه بيه .

توكل على الله واستخير ربك وان شاء الله ربنا يهديك لما فيه خير لك ولاسرتك

والسلام عليكم ورحمة الله

[M I D O]

رايي الشخصي كورولا 2014 العربية جميلة جدا واول مرة تويوتا تهتم بالاوبشن العالي بجوار المكيانيكا مخلي العربية تحفة

[S O P H O S]

علي كلام حضرتك يبقي الكورولا

[Ahmed TRAVCO]

يالنسبة لي أنا:

1. فوكاس
2. قاشقاي
3. كورولا

[memo_zezo]

بصراحه الفوكاس حلوه ولكن انا ركبتها ف التوكيل هنا ف السعوديه مع الاسف عربيه ضيقه جدا مش عارف هما ليه ضيقوها عن الشكل اللى قبله ف بالنسبالى كده هيبقى الاختيار بين قشقاى وكورولا ,, القشقاى فيها احلى ميزه ف مصر وهى انها عربيه عاليه عن الارض ف انت لو ف مكان كله مطبات ومبهدل وف نفس الوقت بيركب معاك ناس كتير يعنى اغلب وقتك مش هتبقى لوحدك وهيبقى معاك 3 او 4 ف العربيه يبقى ارشحلك قشقاى وششش طبعا ,, الكورولا شكل جديد وطبعا بصفه عامه التويوتا مجرد اسمها على عربيه كفايه سعر اعادة بيع ممتاز قطع غيار مؤكد هتبقى متوفره ف كل مكان العربيه عليها سحب رهيب جدا والشكل الجديد ف نظرى هيرجع كرولا 2007 من تانى بس المرادى الجديد على تويوتا كمية الاوبشنز اللى تخلى الواحد ميفكرش غير فيها ف الفئه السعريه دى بس بالنسبالى عيبها الوحيد اللى يخلينى افكر كويس قبل ماخدها ارتفاعها عن الارض اللى اغلب الناس متضايق بسببها ف انت شوف بقى بالنسبالى لو هركب هختار قشقاى وشوف برضه راى باقى الناس باذن الله يفيدوك

[برنس الليالي]

الامكانيات لصالح الكورولا 2014
الراحة والوسع لصالح القشقاي
الفوكاس بتتميز بالأداء والهاندلينج العالي جداً

[janagabr]

كورولا وبعدين قاشقاي وفكك من الفورد مالهاش سوق في مصر خالص واعتقد بنزين ٩٥

[ضياء]

أنا برضة محتار ما بين ال3 سيارات دول وكمان معاهم الرينو فلوينس

[Eng_Amr Fahmy]

علي كلام حضرتك يبقي الكورولا

بالضبط كده .. أنا رأيي أنها الأفضل بالنسبة لإحتاجات حضرتك اللي ذكرتها

[tefafathy1]

إختياراتك و إحتياجاتك أصلا تخلى الفوكاس بره المقارنة , من حيث الوسع وسعر اعاده البيع , رغم انى بصراحة اعتبرها افضل الأختيارات و يمكن بالإضافة لقوتها و ثباتها إنى مش بحب اركب عربيه منتشرة اوى..
بس الاقرب لإحتياجاتك على حسب اللى ذكرته هيكون التويوتا , بس رأيى بردو عدم الإستعجال خصوصا مع التويوتا لحد بس ما تنتشر و تمشى شوية و يبان العيوب و المميزات بوضوح ..

[maxx]

كورولا ...

[J A G U A R]

كورولا مناسبه لاحتياجاتك

[khaledhamdy300]

رايى الفوكاس
ولاهم سبب وهو الامان
esp , eba, abs, ebd
كل هذة معاملات الامان متوافرة فى الفورد بالاضافة الى الثبات العالى على الطريق اللى اتوقع بشهادة ناس كتير قوى انة تفوق على ثبات الاوكتافيا, ودية من وجه نظرى ميزة فى غاية الاهمية خصوصا فى شوارعنا الغير مومنة بالمرة حتى على الطرق السريعة
بالاضافة الى وزن العربية مع وجود هيكل فولاذى قوى
العربية تجمع بين قوة الصناعة الامريكية وجودة تجميع الصناعة الالمانية

[برنس الليالي]

عاوز اشتري عربية جديدة و محتار بين الثلاثة دول يا ريت حد يفيدني
يا ريت التركيز علي الامكانيات, الراحة, الوسع, التوكيل, قطع الغيار(توافرها,اسعارها), سعر اعادة البيع,

الإمكانيات واعادة البيع لصالح الكورولا ( بس اسعار قطع الغيار عدت الالماني بمراحل زي مثلاً الفانوس الامامي بـ5000 جنيه )

الراحة والوسع وتوافر قطع الغيار واسعارهم حتلاقيهم في النيسان قشقاي

- متعة القيادة والهاندلينج العالي جداً موجودين في الفورد فوكاس وهي افضل ثبات لحد فئة الـ300 الف بصرف النظر عن الـb كلاس والـ1 سيريس

في امان الله ورعايته