نيصان صني 2014 ولا بيجو 301 2014

[mfawzyali]

السلام عليكم

انا دلوقتي محتار بين الصني ال EX Saloon 2014 و بين بيجو 301 الفئه الاولى منها

وانا محتار بين العربيتين دول لأن انا مشكلني اني طويل شويه في محتاج عربيه صالونها واسع و اعرف اقعد فيها

وبناء عليه الاختيار بقى بين دول

الصني فيها اوبشن كتير لكن ناس كتير بتشتكي من الاستبيلتي و الفرامل

و البيجو مش عارف لسه ظروفها ايه بس الفئه الاولى منها المرايات فيها حتى مش كهربا

و الريو للأسف صالونها من جوه ضيق جدا بالنسبه ليا

فياريت حد ينصحني و شكرا

[د.هشام]

الصني ستابيايتي ممتازة حتى ١٤٠، بس لو انت غاوي سرعات أعلى على الطرق السريعة، سيبك منها. علشان العربية وزنها خفيف وعالية عن الأرض

[ahmed salah90]

انا معايا صني 2011 مافيهاش مشاكل في الفرامل خالص لو حضرتك بتتكلم على الشكل القديم الشكل الجديد هو اللي فيه مشاكل في الفرامل كل مره تيجي تدوس فيها الفرامل تلاقيها مره عاليه و مره واطيه اما مشكله الثبات العربيه ثابته بالنسبه للعربيات في الفئه السعريه دي الصراحه يعني لو حضرتك بتقارنه بالكوري هي بالنسبه ليهم تمساح ماشي لكن فيها بعض العيوب زي صوت العربيه عالي شويه بس موش زي القديم طبعا الموديلات القديمه لحد 2011 الله اعلم لسه المشكله دي موجوده ولا لا هي الضفيره الاماميه بتتغير في التوكيل لما عدد لفات المحرك بيعلق في السلانسيه و دي حصليت ليا بس بتتحل في التوكيل يعني موش مشكله كبيره علشان ليها حل اما بيجو 301 فانا الصراحه ماعرفش عنها كتير غير انها واسعه من جوه لكن اكتر من كده ماعرفش

[ahmed sameer]

ايه رأي حضرتك في النيسان تيدا هاتشباك واسعه وممكن تكون مناسبه لك

[eng.octooo]

الصنى الشكل الجديد سيئة لابعد الحدود ادخل على قسم نيسان وشوف الشكاوى منها
البيجو جميلة جدا جدا وواسعة وسحب وتسارع وعزل مممتاز بس سعر اعادة البيع مش اوى

[ahmed sameer]

الصنى الشكل الجديد سيئة لابعد الحدود ادخل على قسم نيسان وشوف الشكاوى منها
البيجو جميلة جدا جدا وواسعة وسحب وتسارع وعزل مممتاز بس سعر اعادة البيع مش اوى

ايه رأي حضرتك في النيسان تيدا هاتشباك الجديدة 2014 ؟

[mfawzyali]

ايه رأي حضرتك في النيسان تيدا هاتشباك واسعه وممكن تكون مناسبه لك

منزلتش مصر أعتقد

[M I D O]

نيصان ؟؟!! عموما في رايي الشخصي البيجو 301 تتفوق عليها بمراحل

[S O P H O S]

لو عاوز نيسان فكر فالتيدا
وممكن تشوف الاوبترا برضوا

[Ahmed TRAVCO]

الصني الجديدة بتستفزني جدا بصراحة... شكلها عجيب... واسعة جدا بالطول (مساحة الأرجل) انما برضه مش واسعة بالعرض... صاجها منيل بنيلة... ثباتها ما انصحكش تعدي الـ140 مثلا... فعلا فراملها مش أد كده... بالنسبة لي بصراحة كفاية شكلها اللي بيقفلني تماما -مع شديد الاحترام...

البيجو عربية كويسة ووسعها معقول جدا وثباتها أكيد أفضل من الصني (مسوقتهاش بنفسي) ووسائل الأمان فيها نازلة استاندرد... وطبعا شكلها أفضل بمراااااحل!!

[janagabr]

البيجوا طبعا ونفض للصني الجديدة خالص

[batour]

بيجو بدون تفكير :)