نوبيرا ولا لانوس

[abdelrahmaaan]

السلام عليكم..انا نويت وقررت اخيرا انى اشترى عربية عشان ترحمنى انا واسترى من شحططة المواصلات و تناكة السواقين وقلة ادبهم..انا معايا من 45 الف ل 50 بالكتير اوى ..كنت استقريت على اللانوس بس سمعت من ناس ان النوبيرا سعرها اقل من اللانوس فكنت عايز اعرف ايه العربية اللى تستحمل وتقضى الغرض ومتتعبنيش ..وياريت لو تقولولى موديل سنة كام وسعرها التقريبى اليومين دول..شكرا ومعلش عشان دوشتكم

[M I D O]

النوبيرا احسن من الانوس بكتير وسعرها اغلي من اللانوس برضو مش اقل وعربية عائلية في المقام الاول و اعتمادية جدا بس استهلاك البنزين فيها هيبقي اكتر من اللانوس لو بتدور علي التوفير يبقي لانوس لو مش فارق لان الفرق اصلا مش كبير يبقي النوبيرا

[abdelrahmaaan]

شكرا يا اخ ميدو على الرد..انا مش فارق معايا العربية تكون عائلية لان اللى هيركب فيها تلاتة بس يعنى مش مشكلة انا عايز اعرف ايه الاوفر فى الفلوس والصيانة عند الميكانيكى وسعر كل واحدة لو حالة نضيفة؟؟

[memo2000soft]

الحقيقة العربيتين حلومين انت بس دور علي الحالة مش اكتر وتوكل علي الله واشتري

[egyptiandiver]

التوفير = لانوس

[M I D O]

شكرا يا اخ ميدو على الرد..انا مش فارق معايا العربية تكون عائلية لان اللى هيركب فيها تلاتة بس يعنى مش مشكلة انا عايز اعرف ايه الاوفر فى الفلوس والصيانة عند الميكانيكى وسعر كل واحدة لو حالة نضيفة؟؟

الشكر لله وحدة وسعر النوبيرا النضيفة بتلعب من 50 الف ل 60 الف وسعر الانوس النضيفة بتلعب من 45 ل 50 للحالة الممتازة ومادام حضرتك اسرتك 3 بس يبقي اللانوس احسن ليك وهية احسن في الصيانة واي حد شغال فيها وقطع غيار ارخص

[abdelrahmaaan]

يعنى النصيحة للانوس فى التوفير..طيب فى المتانة والثبات وقوة الصاج الخارجى يعنى الامان هل فى فرق بين الاتنين ولا زى بعض

[M I D O]

يعنى النصيحة للانوس فى التوفير..طيب فى المتانة والثبات وقوة الصاج الخارجى يعنى الامان هل فى فرق بين الاتنين ولا زى بعض

النوبيرا صاجها اقوي من اللانوس و الامان ال 2 مفيهمش وسائل امان يعني مفيش abs . air bags

[S O P H O S]

راي لانوس علشان تجيب بالمبلغ حالة نظيفة