سيفيك 2008/2010 ولا امبريزا 2010 ولا جولف6 2010

[houbaz]

انا معايا 120 الف و عايز اركب عربية كسر زيرو من دول
و يهمنى الاقى قطع غيارها بسهولة و اعادة بيع معقولة عشان انا بغير كتير
انا اكتر واحدة عاجبانى الامبريزا 2010 فى حدود 100 الف بس قلقان من اعادة بيعها، هى سعرها انهارده اتهبد عشان الشكل الجديد نزل و عشان هى مش بياعة، سؤالى لو جيت ابيعها بعد سنة او اتنين سعرها هيتهبد تانى ولا هتمسك نفسها شوية؟
السيفيك برضه بحبها جدا بس الناس مبالغة اوى فى اسعارها و ماشية كم كتير..
الجولف اكتر واحدة شبابى و مميزة بس قلقان من غلو قطع غيارها و اعادة بيعها برضه عشان هاتش باك؟
ملحوظة مش عايز اركب كورى او لانسر
انصحونى يا رجالة، الموضوع صعب جدا والسوق اصعب :@

[M I D O]

بميل للهوندا اكتر

[Ahmed TRAVCO]

إمبريــزا

[m7mdwagih]

شوف يا ريس انا ارجح المبريزا اولا بال100 دية هتجيب عربية حالتها حلوة و اسعار قطع غيارها ارحم من الهوندا و الجولف و هتديك اداء يكاد يكون احسن من الجولف الجولف ممتعة جدا في السواقة بس ال dsg مشاكلة ممبتنتهيش و هيزهئك الهوندا موتور هايل و اداء كويس بس الامبريزا و الجولف افضل

[Mamoud salah H]

مبدئيا كدة نستبعد الجولف عشاا مشاكل الفتيسdsg
يبقي حضرتك قدامك الهوندا والامبريزا
وبما ان حضرتك بتدور علي اعادة بيييع سريعة من غير خسارة كبييرة يبقي نستبعد الامبريزا عشان هي ضايعة في النقطة دي مع انها عربية توب في كل حاجة
كدة نقدر نقول مبروك مقدما ان شاء الله علييك الهوندا سفيك عربية محترمة لاقصي درجة واعتماية معروفة ونعومة وتكييف وحري وثباات وكل حاجة انت عايزها

[m7mdwagih]

ممكن تفكر كمان في ال308

[Haitham G]

لو المقارنة بين السيفيك و الامبريزا يبقى السيفيك طبعا الاثنين مع اصحابى كثبات وسرعات وراحة السيفيك واعادة البيع احسن من الامبريزا وتقريبا اسعار قطع الغيار واحد ان كانت الامبريزا اغلى من السيفيك كمان بس عموما اليبانى كله غالى

[houbaz]

انا عارف السيفيك جراية اوى بس متهيألى عفشة الامبريزا احلى ولا ايه؟

[m7mdwagih]

بص انا مركبتش امبريزا 2010 بس ركبت الي قابليها و سقتها كتير عفشتها فظيعة ما شاء الله و بتستحمل اوي اوي انا صصاحبي عامل بيها 160000 و لسة العفشة ما غيرش فيها حاجة

[houbaz]

طيب لو ضيفنا جيتا 2010 توكيل، يبقى ايه الكلام؟

[Haitham G]

بلاش فولكس او اسكودا مستعمل عشان مشاكل الفتيس خصوصا الاستعمال ومن رأيى السيفيك عفشة احسن

[houbaz]

طيب حد عنده فكرة سيفيك 2010 vti ما تبقاش ماشية كتير تعمل كام دلوقتى؟ انا بلاقى اعلانات على كونتاكت كارز اسعار غريبة جدا، كان فى واحد كان طالب 155 الف! لو مش vti تعمل كام؟

[Haitham G]

لا انا معرفش فى موضوع الاسعار بس التوكيل اللى فى التجمع الخامس بيبيع عربيات استعمال ممكن تشوفها واعتقد انه بيديك معاها ضمان 6 شهور

[houbaz]

هروحلهم بكرة ان شاء الله، الف شكر يا باشا

[Haitham G]

العفو مفيش شكر ولا حاجة و ان شاء الله تلاقى حاجة كويسة هناك وابقى قولنا على الاخبار