ساعدوني في اصعب مقارنة

[عمرو سامي]

انا ناوي ان شاء الله اشتري عربية تحت 280 الف و محتار في كذا حاجة لاني بصراحة محتاج عربية عالية لاني مش طالبة معايا اني احك في المطبات بتنرفز اوي بصراحة لاني بمشي في طرق سيئة احيانا بس في نفس الوقت نفسي اركب عربية صح زي البيجو 508 ف عايز رايكم في الاختيارات دي : انا مش بحب الكوري )
بيجو 508 .. عجبني الراحة و الرفاهية فيها بس برضة لما هتخبط في مطب او حفرة هتضايق اوي يعني
سكودا يتيي ... عجباني انها معقولة في الراحة و الامان و كروس اوفر برضة
سوبارو اكس في ... عجباني في موضوع الثبات والفور وييل درايف و الارتفاع العالي عن الارضز210 مللم وكده بس كماليات او شكل من جوه معدومة
سكودا اوكتافيا ايه 7 ...خرافة بس الفتيس !
سيتروين دي اس 5 .... دي الحلم بس بحسها واطية شوية
مش عارف الاودي ايه 3 سيدان ايه ظروفها لما تنزل بس يعني اهو نذكرها برضه

[Haitham G]

رأى الشخصى بيجو 508

[Ahmed TRAVCO]

انا معرفش الds5 عالية كفاية عن الارض بالنسبة لك ولا لا... بس هقول تاني اني لما اتفرجت عليها اتوهمت بكل ما تعنيه الكلمة!!! حاجة خراااااافة بجد وفعلا هي عربية حلم وتحس انها بعد 10 سنين هيكون شكلها مبتكر لسة...

من بين العربيات اللي حضرتك ذكرتها انا مش قادر اشوف غير الds5 بصراحة...

[M I D O]

انا بميل للاوكتافيا a7

[عمرو سامي]

رأى الشخصى بيجو 508

هيا حلوة بس انا لو مفرقش معايا الارتفاع يتهيالي السيتروين احسن خيار فيهم والله اعلم او الاودي

[عمرو سامي]

انا بميل للاوكتافيا a7

هيا حلوة بس الواحد مش عارف الهاي لاين بتاعها ابه ظروفه في الfeatures بس و الفتيس مرعب بصراحة

[عمرو سامي]

انا معرفش الds5 عالية كفاية عن الارض بالنسبة لك ولا لا... بس هقول تاني اني لما اتفرجت عليها اتوهمت بكل ما تعنيه الكلمة!!! حاجة خراااااافة بجد وفعلا هي عربية حلم وتحس انها بعد 10 سنين هيكون شكلها مبتكر لسة...

من بين العربيات اللي حضرتك ذكرتها انا مش قادر اشوف غير الds5 بصراحة...

هيا خرافية بصراحة بس الوسع بتاعها من ورا عامل ازاي دي حاجة مهمة بالنسبالي حسيتها لما ركبت 508

[Haitham G]

اللى انا اعرفه عن ال ds5 انها واسعة بص هى بصراحة عربية مميزة وجميلة جدا ستروين كعربية مميزة اوى
بس يعيبها التوكيل مسمعتش عن توكيل ستروين كلام كويس خالص فأنا قولت خليك فى المضمون وقولت بيجو 508 و ربنا يوفقك

[Mohamed said]

على فكره انا فى نفس حيرتك دى. بس انا مدخل معاهم السبورتاج الحقيقه و لانى ساكن فى حدائق الاهرام (كلها شوارع مكسره) وكان نفسى اجيب الدى اس فايف بس للاسف مش قادر اقتنع انها تنفع معايا فى الشوارع المكسره بتاعتنا و لذلك فللاسف انا قريب جدا احتمال اشترى السبورتاج لانها اقرب حاجه للعقل فى ظروفى انا. و بعدين بصراحه توكيل سيتروين مش قادر برضه استوعب انه كويس خصوصا بعد موضوع الاليزيه ده مع ان ناس هنا فى المنتدى معاها ستروين و بتشكر فيه. و انا بصراحه عايز عربيه اجرى بيها مش اجرى وراها فعشان كده قررت اشترى السبورتاج. والله اعلم اذا كان هيجد جديد ولا لأ.

[horas3000]

رأى البيجو 508 برضه

[mh3]

السوبارو

[islam bahgat]

انا راى تجيب اوكتافيا طبعا ومشكله الفتيس شركه فولكس حلت الموضوع من اول موديل 2011 العربيه انا شفتها وهم واوكتافيا سمعتها كويسه جداااااااا

[عمرو سامي]

اللى انا اعرفه عن ال ds5 انها واسعة بص هى بصراحة عربية مميزة وجميلة جدا ستروين كعربية مميزة اوى
بس يعيبها التوكيل مسمعتش عن توكيل ستروين كلام كويس خالص فأنا قولت خليك فى المضمون وقولت بيجو 508 و ربنا يوفقك

ما هو بصراحة الواحد اتخنق من البلد يعني للامانة يرضي مين يبقي معايا فلوس السيتروين واضطر اجيب كيا سبورتاج معلش يعني مع احترامي ليها (انا بعشق كوريا ) والبيجو برضة ما هي نفس مشكلة الارتفاع دي بس هي جميلة بس والله لو الاودي ابعادها كبيرة ممكن استناها طالما ضحيت بالارتفاع او ادخل علي الدودج دارت واللي عايز اعرفه هل البيجو 3008 بكفاءة 508 في الخامات و الاوبشنز وكده و شكرا لردك

[عمرو سامي]

على فكره انا فى نفس حيرتك دى. بس انا مدخل معاهم السبورتاج الحقيقه و لانى ساكن فى حدائق الاهرام (كلها شوارع مكسره) وكان نفسى اجيب الدى اس فايف بس للاسف مش قادر اقتنع انها تنفع معايا فى الشوارع المكسره بتاعتنا و لذلك فللاسف انا قريب جدا احتمال اشترى السبورتاج لانها اقرب حاجه للعقل فى ظروفى انا. و بعدين بصراحه توكيل سيتروين مش قادر برضه استوعب انه كويس خصوصا بعد موضوع الاليزيه ده مع ان ناس هنا فى المنتدى معاها ستروين و بتشكر فيه. و انا بصراحه عايز عربيه اجرى بيها مش اجرى وراها فعشان كده قررت اشترى السبورتاج. والله اعلم اذا كان هيجد جديد ولا لأ.

بص اولا تشرفت برد حضرتك بس انا مش مقتنع اني ممكن اني التمن ده في كوري في ظل وجود منافسين يكادوا يسحقوه زي السكودا و السوبارو مع اني كنت هاجيب السبورتاج زمان اول ما نزلت وموضوع التوكيل مهم بس انا شايف انه مش سبب يخليني ابعد عن عربية خاصة اني سمعت كلام كتير عن توكيل غبور لما كنت بجيب عربية اخويا من سنتين و لقيت الدنيا زي الفل ف مش مقتنع

[عمرو سامي]

انا راى تجيب اوكتافيا طبعا ومشكله الفتيس شركه فولكس حلت الموضوع من اول موديل 2011 العربيه انا شفتها وهم واوكتافيا سمعتها كويسه جداااااااا

ما هو بصراحة هما قالوا كده لكن انا معنديش ثقة في الكلام ده وكذا خبر قريته عن سحب عربيات في الصين بس برضة انا هعد بالعربية 5 سنين ولا حاجة ف مش فترة سهلة ان يعطل الفتيس فيها واتكلف ده كله والعربية فعلا حكاية من اللي قرايته