مقارنة بين تويوتا كورولا 2014 و سوبارو امبريزا 2013

[teto007]

للتوضيح الجنوب إفريقي فشلت بسبب تكنولجي الفتيس مش التقفيل ...
التقفيل المفروض مستواه كويس لأن أنا ركبت فورشنر التقفيل المصري وكانت ممتازة ....
بس المفروض السعر ينزل مش أقل من تلاتين ألف أو أربعين ....

بس هل يقارن بالتقفيل اليابانى

[Anxs111]

أسأل ملاك الجنوب إفريقي عن أخبار العربيات معاهم وخصوصا بعد خمس سنين ...

[teto007]

يا ريت اى حد من ملاك التويوتا الجنوب افريقى يشاركنا برأية

[sas5]

السلام عليكم ورحمه الله
انا معايا كرولا 2010 الفتيس الاتوماتيك العادى ومش شايف انه يوجد مشاكل جوهريه فى السياره سوى استهلاك تيل الفرامل الخلفى بنسبه سريعه

[teto007]

السلام عليكم ورحمه الله
انا معايا كرولا 2010 الفتيس الاتوماتيك العادى ومش شايف انه يوجد مشاكل جوهريه فى السياره سوى استهلاك تيل الفرامل الخلفى بنسبه سريعه

وعليكم السلام ورحمة اللة و بركاته
اشكرك على الرد ولكن هل حاسس بفرق ما بين التقفيل الجنوب افريقى و اليابانى؟

[sas5]

وعليكم السلام ورحمة الله و بركاته
اشكرك على الرد ولكن هل حاسس بفرق ما بين التقفيل الجنوب افريقى و اليابانى؟

السلام عليكم ورحمه الله
موضوع اليابانى والهسهس هذا لانعرفه الا في مصر - انا لم اركب يابانى ولن يفرق معى انا اتعامل مع شركه اسمها تيوتا
مثلا انا اشتريت كاميرا كانون من امريكا وكانت تصنيع الصين
واشتريت كاميرا اخرى نفس الموديل من مصر كانت تصنيع اليابان
يعنى انت بتشترى اسم تجارى بضمان الشركه الام وتحت اشرافها ومراقبه جودتها وملكش دعوه المنتج متصنع فين.
اغلب المصانع الان للاجهزه الالكترونيه مصنعه في الصين بسبب رخص الايدى العامله يعنى بلاش نشترى اى جهاز الكترونى

[teto007]

السلام عليكم ورحمه الله
موضوع اليابانى والهسهس هذا لانعرفه الا في مصر - انا لم اركب يابانى ولن يفرق معى انا اتعامل مع شركه اسمها تيوتا
مثلا انا اشتريت كاميرا كانون من امريكا وكانت تصنيع الصين
واشتريت كاميرا اخرى نفس الموديل من مصر كانت تصنيع اليابان
يعنى انت بتشترى اسم تجارى بضمان الشركه الام وتحت اشرافها ومراقبه جودتها وملكش دعوه المنتج متصنع فين.
اغلب المصانع الان للاجهزه الالكترونيه مصنعه في الصين بسبب رخص الايدى العامله يعنى بلاش نشترى اى جهاز الكترونى

انا معاك بس لية بيكون فى فرق فى الفلوس مابين الاثنين يعنى مثلاً قريب كنت بشترى مكنسه باناسونيك كانت اليابانى ب 1800 وهيه هيا تقفيل ماليزى ب 1400 وكذالك البى ام سعر التقفيل المصرى غير التقفيل الالمانى خالص

[sas5]

انا معاك بس لية بيكون فى فرق فى الفلوس مابين الاثنين يعنى مثلاً قريب كنت بشترى مكنسه باناسونيك كانت اليابانى ب 1800 وهيه هيا تقفيل ماليزى ب 1400 وكذالك البى ام سعر التقفيل المصرى غير التقفيل الالمانى خالص

اخى العزيز هذا راجع ان الايدى العامله خارج اليابان والمانيا وامريكا ارخص
ان ا ركبت قبل ذلك صنى موديل 2007 تجميع مصرى واستمرت معى ثلاث سنوات ولم اجد بها ايه مشكله جوهريه
وبالنسبه للسيارت تجميع مصرى بيكون فيها شروط نسبه انتاج محلى بنسبه معينه مقابل تخفيض الضرائب والجمارك

[teto007]

اخى العزيز هذا راجع ان الايدى العامله خارج اليابان والمانيا وامريكا ارخص
ان ا ركبت قبل ذلك صنى موديل 2007 تجميع مصرى واستمرت معى ثلاث سنوات ولم اجد بها ايه مشكله جوهريه
وبالنسبه للسيارت تجميع مصرى بيكون فيها شروط نسبه انتاج محلى بنسبه معينه مقابل تخفيض الضرائب والجمارك

مهو الخوف من العقلية والمستوى الفنى للايدى العاملة الارخص دى و هل حتكون بنفس الكفائه ولا لاء ودة اللى مخوفنى من التقفيل التركى علشان حيبقى انت و حظك يايطلع حلو يا يطلع و حش

[S O P H O S]

بص الكورولا افضل فبلدنا كتير
انما السوبارو عربية ركوبة بصراحة

[tefafathy1]

:((
نفس المشكلة عندى تماما مش قادر اختار :( انا كنت بفاضل بين التيوتا و الاوبل استرا و انهارده دخلت السوبارو معاهم في المقارنة و بصراحة حاسس ان الموضوع بيتلخص في ثلاث اختيارات
الكفاءة و الميكانيكا = سوبارو
الشكل الخارجى و الاوبشنز = تيوتا كورولا ٢٠١٤
التابلوه و الشكل الداخلى = اوبل استرا

و للاسف مش قادر اختار حاجة على حساب حاجة .. ربنا ينور بصيرتنا باللى فيها خير و يرضينا بيها

[m_am]

أنا ممكن يكون ليا ذوق غير زوقك - لأن بأحب اكون مختلف ولما جبت الألنترا الجديدة ولقيت كل من هب ودب راكبها ومحدش بياخد باله من من سيارتى لأنها منتشرة ومش مميزة بعتها وجبت هوندا 2012 سيفيك - المسألة مسالة ذوق وحس وميول - علشان كده مش شرط اختيارى يبقى زى أختيارك - انا باحب الهوندا جدا وأى هوندا - الواحد بيحس انه راكب فى سيارة فاخرة واغلى من تمنها وده احساس خاص بى انا فقط ومليش دعوة بحد تانى - لا يملأ عينى الا الهوندا وخاصة من الداخل

فيه ناس بتبحث عن القوة وده بيروح للألمانى سكودا - فولكس - اوبل - اودى - سيات - لكن السيارات دى من وجهة نظرى متتركبش الا ببنزين 95 ومواتير 1800 وانت طالع - علشان تحس بيها وبقوتها وبحلاوتها - ماعدا الموتور الجديد 1400 التربو ده كويس الى حد كبير

وفيه ناس بتبحث عن قطع الغيار والبيع والشراء فبتجيب كورى واهو برضه تمام ومقضى الحاجة ومفهوش مشاكل بل على العكس بقت مشاكلة أقل بكتير من الأوربى . ورخيص فى تمنه وصيانته

وفيه ناس بتحث عن المعادلة الصعبة اللى هى قوى ورخيص وأوبشنز عالى مع ثبات فبيضطر يدور على أما سوبارو أمبريزا أو رينو فلوينس لكن بيضحى بقطع الغيار الغالية والصيانة الصعبة وسعر اعادة البيع المتدنى

وفيه ناس بتقولك ياعم وانا ايه اللى يدخلنى فى الهسس ده لا كورى ولا فرنساوى أنا اخلينى فى المضمون واجيب حته مرسيدس أو بى ام وأخلص وانسى ومش مشكلة بقى الصيانات وقطع الغيار وده بيبقى معاه فلوس ومش همه حاجه .

أما اليابانى فهو الحقيقة ممثل فى ماركتين بس هما الهوندا والتويوتا والسوبارو- اما النيسان فالمصرى لأ لأ لأ - ممكن قشقاى مثلا - أما المازدا حلوة لكن ميتة فى السوق والوكيل زبالة مبيسوقهاش صح بالرغم من حلاوتها - وقطع الغيار غالية بغبااااااااااااااء - اليابانى بقى ميزته انه موفر بنزين - بيمشى 92 لأنه وزنه خفيف - قطع غيار معمرة جدا وكفايه انى اقولك انا كان معايا هوندا سيتى مغيرتش فيها سير حتى لحد 200 الف كيلو متر - كل الموضوع تيل فرامل بس - مريح - ناعم - مواتير معمرة قوية الى حد ما و موفرة - اعتمادية الى أقصى درجة

انت بقى عاوز ايه ؟؟؟؟؟؟؟؟؟؟؟؟؟؟؟؟؟؟؟؟ ده المهم لأن مش بناخد كل حاجه مره واحد

على فكرة انا سافرت اوروبا كتير وعرقت منهم هناك ان اليابانى عندهم أفضل من الأوروبى علشان الأعتمادية - لكن عاملين جمارك عالية عليه وضرايب وقصة طويلة علشان يشجعوا المنتج بتاعهم

كلام عشره على عشره و ميصدرش غير من واحد فاهم يعني ايه عربيه و سواقه

[m_am]

المفروض الجديدة اقوى كمان لانها 1600 cc و 114 hp

حضرتك ممكن تقابلني في ايوم بس غير الويك اند في مدينه نصر و تجرب بنفسه العربيه , اكيد الحكم عليها مش هيكون 100% لأن لسه موصلتش للألف كيلو بس ممكن تديلك فكره واقعيه اكثر و تشوف الفارق في القياده بينها و بين الموديل اللي معاك

[SERGIOOO90]

السوبارو

[Anxs111]

اخى العزيز هذا راجع ان الايدى العامله خارج اليابان والمانيا وامريكا ارخص
ان ا ركبت قبل ذلك صنى موديل 2007 تجميع مصرى واستمرت معى ثلاث سنوات ولم اجد بها ايه مشكله جوهريه
وبالنسبه للسيارت تجميع مصرى بيكون فيها شروط نسبه انتاج محلى بنسبه معينه مقابل تخفيض الضرائب والجمارك

طيب كلام جميل ليه بقي نازله أغلي من اليباني ...
يعني ازاي تركي ونازلا غاليه ودخله علي متين ألف ...دة نصب علني ...امال لو غاية من اليابان هتبقي بكام متين وخمسين ألف...
غالبا التوكيل مسعرها زي اليباني وضارب الفرق في جيبه ....