محتاج سياره تكون عمليه من25 لحد 40 ألف

[mostafa kabaka]

محتاج حد يساعدنى فى ترشيح سياره مناسبه
أنا محتاج سياره تكون عمليه يعنى أهم شىء تعمل ببنزين 80 وتكون شبابى وفيها تكييف وموضوع السعر من25 لحد 40 ألف
وبصراحه كنت بفاضل بين الفيليشيا والجولف
بس محتاج أعرف أنواع تانيه تكون شبابى وفى نفس الوقت تعمل ببنزين 80 علشان تكون إقتصاديه وأقدر أصرف عليها.
جزاكم الله كل خير

[dr.hazem]

في ماروتي بس مش مكيفه وممكن تدور على التو مكيفه بس مش هتمشي 80

التكييف بمجرد انك هتستخدمه هتلاقي عربيات قليله جدا تشتغل ب 80...
تحياتي

Sent from my Xperia Arc S using Forum Runner

[wahba87]

ممكن اونو , كانت معايا و كانت جميلة , بس اللى كانت معايا مكانش فيها تكييف

[mostafa kabaka]

أشكركم على سرعة الإستجابه
بس ايه هيا العربيات اللى تمشى ب 80 ممكن حد يدلنى زى ايه ويكون فيها التكييف وباور وفى رنج من 25 ل 40 ألف

[mostafa kabaka]

ممكن أعرف رأيكم فى الفولكس فاجن البولو
وايه مميزاتها وعيوبها

[M I D O]

دايو لانوس يا باشا بنزين 80 . 90 . 92 شغال مبتقلش لا

[besso33]

اي عربية هتجيبها انجكشن مش هينفع فيها بنزين 80 والا انت بكده بتضيع الموتور بدري بدري ولو عايز حاجة اقتصادية فكر تجيب عربية عالية وتركب لها غاز

[mostafa kabaka]

بشكركم جدآآآ والله ياجماعه عل وقفتكوا بجانبى والناس المحترمه اللى مبتبخلش بالمساعده
أنا بفكر بنسبة90% فى الهيونداى أكسنت ناس كتير جدآآآآ فى كل المنتديات بتشكر فيها وبرده والله لسه الفيليشيا وش أوكتافيا فى دماغى بس اللى مضايقنى حوار السخونيه ده وكمان سحبها وتجميعها على الطريق وبيقولوا قطع غيارها غاليه جدآآآآ.
معلش تعبتكوا معايا بس انتوا عارفين موضوع العربيه ده بيأخد وقت لحد ما الواحد يأخد قرار فى حاجه معينه

[S O P H O S]

زود وهات كورولا عيون