محتار بين الماتريكس والمازدا 3 والاوبترا وجين 2

[kokmedo]

السلام عليكم
أنا بدور علي عربية وأخري في العربية 71 الف
أنا محتاج عربية تكون اوتوماتيك وتكيفها كويس وعالية عن الارض ومش بتأخذ بنزين كثير وأعطالها ومشاكلها قليلة وقطع غيارها ممكن تكون غالية شوية مش مشكلة بس تكون موجودة وميكنش مبالغ فيها
الاختيارات
اوبترا , نيو أكسنت , مازدا 3 , ماتريكس , جين 2 , ياريس , لانسر , هوندا سيتي , رينو لوجان , رينو ميجان , صني , byd
مش عارف العربيات ال 1300 هيكون أخبارها إية في التكييف مع الاتوماتيك زي الياريس أنا بحب الانسر أوي بس ناس كثير قالت ال 1300 مع التكييف هتموت منك
أنا عجبني المازدا3 بس ناس خوفتني منها في موضوع قطع الغيار والعفشة بتاعتها والماتريكس والاوبترا وجين 2
لو في حاجة ثانية غير كدة مفيش مشكلة بس يكون شكلها حلو وشيك
انا معايا اكسنت 98 وعايز أغير علشان تقعد معايا بقي العربية الجديدة يعني نقول بأذن الله 10 سنين كدة
وأسف علي الاطالة

[M I D O]

للاسف المبلغ دة ميجبش حاجة اوتوماتيك كويسة وليا ابن خالي جاب لانسر اوتوماتيك ب 65 الف و العربية مطلعة عينة تصليحات وحالتها زي الزفت عاوز حاجة اوتوماتيك هتزود ل 80 او 85 الف عشان تجيب حالة كويسة انما بالمبلغ دة هتظلم نفسك في عربية تعبانة ممكن تجيب مانيوال حالة كويسة بالمبلغ دة وفي رايي الشخصي تشوف عربية رينو لوجان ماشية عداد قليل بالمبلغ دة افضل

[kokmedo]

ولا حتي ياريس اتوماتيك

[ahmedalaahosny]

تصدق بالله والله والله والله كنت كاتب حتة مشاركة كنت هدخل بيها التاريخ كنت لامم كل العربيات اللى حضرتك بتقارن بينها دىمميزات وعيوب يخربيت ام الكهربا بتلعب فضيعت كل اللى كتبته

[M I D O]

ولا حتي ياريس اتوماتيك

الياريس حالة كويسة هتعمل من 75 الف ل 80 الف

[M I D O]

تصدق بالله والله والله والله كنت كاتب حتة مشاركة كنت هدخل بيها التاريخ كنت لامم كل العربيات اللى حضرتك بتقارن بينها دىمميزات وعيوب يخربيت ام الكهربا بتلعب فضيعت كل اللى كتبته

هههههههههههههههه طيب دلوقتي نقول الله يخربيتك يا مين بقي يالي بتقطع الكهرباء

[ahmedalaahosny]

خليك مع الماتريكس مش هتزعلك قطع غيارها ف كل حتة ورخيصة وتمن اعادة البيع كويس

[hopeless20]

شوف ده كده

http://www.nilemotors.net/Nile/360354-70.html

[M_SALLAM]

خليك فى الياريس او الانسر و ممكن اوبترا بس هتبقى مانيوال مش اوتو لو عاوز اوتو يبقى زود 10,0000

[M_SALLAM]

ممكن برضو تفكر فى الميجان و دول يجيبو رينو ميجال اوتو بس لازم تكشف عليها فى التوكيل

[eng.m7md.ali]

لو لقيت ماتريكس بالسعر ده هاخدها منك بالسعر اللي انت عايزه

مفيش غير جين2 هيا اللي تقدر تجيبها بالسعر ده حالة كويسة

[kokmedo]

أزاي دة علي كونتكت بلاقي الاسعار ممكن اجيب ياريس وممكن مازدا 3 دة حتي جين 2 يتبدأ من 58 امال دية أسعار إية

[ahmedalaahosny]

ماهو انا مستغرب برده ازاى مايجيبوش وفى عربيات كتييير من اللى حضرتك بتقارن بينهم دول على كونتكت و4 سيدان بالتمن ده

[memo2000soft]

اعتقد الماتركس والاوبترا انسب اختيار

[ahmedalaahosny]

يعنى ف حدود 73 الف ف ياريس اهى اوتوماتيك