محتاج مساعدة مش عارف أجيب عربية إيه !!!!

[Aladdin Nabil]

سلام يا جماعة ، ده أول مشاركة ليا مع إني متابع أويييييييي من زمان وبصراحة استفدت جدا من كل أرائكو وكلامكو

باختصار شديد جدا !! أنا كان عندي عربية تويوتا كورولا ٨٣ خليجي كانت تحفة بس اتسرقت يناير إلى فات ، ومن ساعتها وأنا بدور على عربية أجيبها بقى ، بقول بلاش مستعمل على أساس إني قضيت ١٣ سنة بسوق العربية القديمة ده ، وساعات بقول حرام الأسعار ده أنا أخري أدفع ٧٠.٠٠٠ كاش أو تقسيط عشان حكون مستلفهوم أصلا كمان ...

أنا عاوز عربية أخري ٧٠.٠٠٠ أو ٨٠.٠٠٠ إجمالي ، يا ترى حرام دفعهم في عربية مستعملة ؟؟؟ ولا أجيب مستعمل ب٤٠.٠٠٠ مثلا ؟ وفي حلو كدة ؟؟ تستحمل كم سنة قدأم ؟؟؟

ارجوكوا محتاج مساعدة أنا فعلا مش عارف أعمل إيه !!!

إلى قدامي هينداي ٢٠٠٦ محطوتلاها موتور ١٥٠٠ وباور وازاز كهربا وتوماتيك وفي حاله ٨٠% عاملة ٤٢٠٠٠ ، د حلوة ولا في أحسن ولا إيه ؟!!!

أرجو الرد :(

[M I D O]

رايي هات لانوس ب 45 الف حالة ممتازة

[aw2100]

خليك فى الأوروبى افضل من الكورى واليابانى عندك الأبيزا والجولف والاسكودا والأوبل عربيات مصفحة ومتينه وثبات على الأرض وربنا يعوض عليك فى التويوتا !!

[S O P H O S]

هات ياريس او كورولا لحد 2005 مثلا افضل