فى حدود 150 الى 160

[هانى القناوى]

عايز عربيه فى حدود 150 الى 160 الف ج. م
مواصفات
زيرو او كسر زيرو
اعلى فئه كامله
ثبات قوى
صاج قوى وما يتاثرشى ويبان عليه الهلاك وتحس ان العربيه عجوزه
تكيف تلج فى عز الظهر
عفشتها مريحه وماتتعبشى السائق
قطع غيار متوفره وسعرها معقول ومعمره
ماتحكش فى المطبات على قدر المستطاع
عائليه
استهلاك بنزين معقول
شكلها يكون وقار
ياريت حد يقولى اى نوع فيه المواصفات دى ومعاه صوره للعربيه

[mohamed hussei]

مزدا 3

[omar-saad]

رينو فيلوانس

[M_Marwan]

أعتقد صعب تلاقى تكييف تلاجه فى عز الحر (يابانى) مع صاج وثبات قوى (المانى)
انت كده عاوز عربيه تفصيل
او تنازل شويه وهات فانتازيا

[Ayman_Amer]

فيات لينيا قد تكون قريبة من شروطك وممكن سكودا رابيد أو بولو سيدان مانيوال.

[monamize4]

اكيد مفيش عربية فيها كل حاجة

بس انا شايف ان اقرب حاجة لطلبك هى الكورولا

[fouady]

اللي ممكن يبقى فيهم المعظم .. فيات لنيا - أوبل استرة - تيوتا كرولا

[maxx]

اللي ممكن يبقى فيهم المعظم .. فيات لنيا - أوبل استرة - تيوتا كرولا

+1

[M I D O]

في رايي اوبل استرا

[هانى القناوى]

انا عارف ان المواصفات دى و بالسعر ده معدله صعبه
بس فى مهم وفيه الاهم
بالنسبالى
الاهم صاج يكون قوى ومايبانشى عليه انه قديم + ثبات + وسائل الامان + الراحه فى السفر
المهم التكيف + ارتفاعها علشان المطبات + قطع الغيا +البنزين

انا دورت وقرات هنا فى المنتدى فى عربيات عجبتنى وخصوصا الاوروبى (وخاصه الالمانى )بس الصراحه ماركبتهاش علشان احكم صح
المهم العربيات دى زى
اسكودا فانتازيا دى سمعت ان فى منها خليجى ووكيل وان الافضل الوكيل علشان اعلى شويه من الخليجى وكماليات اكتر معرفشى صح ولا لا

اوبل استرا عربيه محترمه بس معرفتش عنها كتير زى الفانتازيا

رينو فلونس معرفشى معلومات عنها غير انها فرنسيه

الكورولا زى ما ناس كتيره نصحتنى بى موديل 2007 اعلى من كده بلاش بس انا شايف انها ناقصها ابشن كتييير

فيات لينا معرفشى عنها حاجه

ماذدا 3 اسمع ان قطع غيارها قليله وغاليا


بس انا محتار ومش عارف ارسى على عربيه
اقرب عربيه مرشحها الفانتازيا 2010 mp1 بس معرفشى تعمل كام لو حاله صيانتها فى التوكيل وعداد ماوصلشى 50 الف ك الهاى لاين بكام و البزلاين ؟؟؟

(ياريت حد يقولى كام سم ارتفاع العربيه عن الارض لكل نوع)

[هانى القناوى]

اسكودا رايبد لو حد عنده معلومات شامله عنها ياريت يقولى واسعارها كام وكام فئه
وتختلف ايه عن الفانتازيا 2010
ومين افضل رايبد ولا الفانتازيا

[memo2000soft]

اكيد مفيش عربية فيها كل حاجة

بس انا شايف ان اقرب حاجة لطلبك هى الكورولا

+1

[هانى القناوى]

ايه ياجدعان ماحدش قالى الحل ايه

[Mohamedarazak]

قدامك وحش زيرو....... (١٥٥٠٠٠)
فلوانس. بس اول فئة بس هيا فيها أوبشنز كويس
بلوتوث ، مثبت و محدد سرعة مالتي فانكشن كمبيوتر أعطال فوجات ورا و قدام ستائر

العربية ارتفاعها كويس جداً مش هتحك منك خالص
الثبات معاك لحد ٢٠٠ وانت مستريحر
الأمان.( Abs,ebd,bas, esc(electronic stability control) )
+ ايرباجز + مخادع راس من الجيل الثالث لمحافظة على الرقبة من الكسور
+ صاج محترم جداً شوف بنفسك و افتح الكبوت و شوف تقيل ازاى
بالنسبة للشكل و الفخامة انا مش هكلم. السيارة تتحدث عن نفسها

الصالون واسع جداً جداً لان العربية دى هى الأكبر فى هذه الفئة
التكييف جيد جداً ، للعفشة ممتازة ، سحب الموتور حلو.

فى بقى الفئة ال ب (١٦٨٠٠٠) دى فيها أوبشنز كتييييييييييييير قوى


سعر إعادة بقى كويس جداا

[Mohamedarazak]

وو ممكن تجيب واحدة كسر زيرو ٢٠١٣ هاى لاين. ( الفتيس و الموتور القديم ١٠٥ حصان ) بس هو كويس على فكرة و مافيش فية اى مشكلة

إنما السكودا فنتازيا. الفتيس بتاعها كلو مشاكل